Ọbe ri Pọl si rhe Ihwo ri Rom 6:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Avwanre riẹnre nẹ a kanre oma rẹ avwanre rẹ awanre na mu agbagba vẹ ọye rere oma rẹ umwemwu rẹ avwanre vwọ mrasan ghwọrọ, rere avwanre vwo jẹ ọviẹn rẹ umwemwu ẹdia.

Ọbe ri Pọl si rhe Ihwo ri Rom 6:6 ပူးပေါင်းရင်းမြစ်များ

Ivie rẹ Ivẹ 5:17

Etiyin Neman da ta, Ọ gbe dia eriyi-in, manẹ me rẹ wẹ nẹ jẹn odibo wẹn vwanvwe oghwa rẹ ekpẹn ivẹ ghwa kpo, fikiridie kẹ nonẹ yanran odibo wẹn gbẹ cha torhẹ izobo-o eyẹ ze izobo kẹ edjọ-ọ ẹkẹvuọvo Ọrovwohwo na.

Aizaya 26:13

E Ọrovwohwo Ọghẹnẹ rẹ avwanre, eghẹnẹ efa re dia owẹ-ẹ sun avwanre jovwo re, ẹkẹvuọvo odẹ wẹn ọvo avwanre rhọvwe phihọ.

Ọbe ri Pọl si rhe Ihwo ri Rom 6:12

We rhe je umwemwu dia ugboma rẹ ovwan ọfa-a, rere ojevwe rẹ ugboma na vwo jẹ ovwan esio ghwro.

Ọbe ri Pọl si rhe Ihwo ri Rom 6:22

Asakiephana re vwo si ovwan nẹ ọviẹn rẹ umwemwu nu na rẹ ovwan rha rhe vwọ dia ọviẹn rẹ Ọghẹnẹ na, osa rẹ ovwan kẹ orufuọn, oba rọye kẹ arhọ ri bẹdẹ.

Ọbe ri Pọl si rhe Ihwo ri Rom 7:14

Avwanre riẹnre nẹ urhi na ọ rẹ erhi; ẹkẹvuọvo mẹvwẹ ugboma, ra shẹ kẹ umwemwu.

Ọbe ri Pọl si rhe Ihwo ri Rom 8:13

Kidie ovwan de nenesi rẹ ugboma ku we ghwu, ẹkẹvuọvo ọ da dia ọ rẹ Erhi rẹ ovwan da fọ kẹ ugboma re o ghwu ovwan ke rhọ.

2 Kọrẹnt 5:14

Kidie ẹguọnọ ri Kristi ri sun avwanre, kidie o mu avwanre ẹro nẹ ohwo ọvo ghwu kẹ avwanre ejobi; vwẹ ọtiọye na ihwo na ejobi ghwu re.

Galesha 2:20

A kanre ovwẹ vi Kristi mu agbagba nure, ọ gbe dia omẹvwẹ re herọ na-a, ẹkẹvuọvo, kẹ Kristi re herọ vwẹ evun mẹ; akpọ ri mi yere vwẹ esegbuyota rọ hẹ oma rẹ ọmọ rẹ Ọghẹnẹ, rọ guọnọ ovwẹ rọ da vwẹ oma rọye kẹ vwẹ.

Galesha 5:24

Ayen ihwo re dia ọ ri Kristi nure, ayen kanre ugboma na vẹ oja rọye kugbe ẹguọnọ rọye mu agbagba nure.

Galesha 6:14

Ẹkẹvuọvo me guọnọ ejiro kaka-a jokpa nẹ vwẹ evun rẹ agbagba rẹ Ọrovwavwanre Jesu Kristi na, rọ nẹrhẹ a kanre akpọ na mu agbagba kẹ vwẹ na, a da rha kanre ovwẹ mu agbagba kẹ akpọ na.

Ẹfesọs 4:22

Gbe ku oma rẹ ovwan rẹ awanre na kugbe uruemu rẹ ovwan rẹ awanre na ro miovwiri fiki rẹ ophiẹvwe rẹ urhuru sivwi ofefe na kufia.

Kolose 3:5

Gbe hwe urhuru sivwe ofefe rẹ akpọ na re o ghwu; igberadja, inuhu, avwerhe rẹ ugboma, ẹguọnọ ọbrabra, urhuru evwo ro hirhe oma phihọ ẹdjọ.

Taitọs 3:3

Kidie avwanre je ka dia gheghẹ dẹvure, avwanre ji ke mu oma kpenu devure, a je phiẹn avwanre jovwo re, avwanre ji ke nenẹ avwerhe rẹ akpọ na jovwo, avwanre je ka reoma jovwo, avwanre ji ke vwo ọnko devure, avwanre ji ke tuoma rẹ ohwohwo jovwo.