Ọbe ri Pọl si rhe Ihwo ri Rom 6:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ovwan rha riẹn nẹ ovwan ọviẹn rẹ ohwo rẹ ovwan reyọ oma rẹ ovwan vwo mu ọghọ kẹ, eyẹ ọ rẹ umwemwu, ro suẹ ohwo kpo ughwu, eyẹ ọ rẹ ọghọ, ro nẹrhẹ ohwo dia ọvwata?

Ọbe ri Pọl si rhe Ihwo ri Rom 6:16 ပူးပေါင်းရင်းမြစ်များ

Jẹnẹsis 4:7

Wọ riẹn ru nọ, ọ gbe rha jẹn wẹ reyọ? Wọ rha riẹn ru-u na, umwemwu fiọko vwọ anurhoro wẹn, wẹwẹ ọ guọnọ reyọ ẹkẹvuọvo pharhe wo phio kparobọ.

Matiu 20:4

Ọ da ta kẹ ayen nẹ, Yanran kpo obo udju mẹ, obo ri fori ejobi kọye me hwa kẹ ovwan. Ayen da ghene yanran.

Matiu 6:24

Ohwo sa ga inini ivẹ-ẹ, ọ da dia ọtiọye kọ dia avwebọ kẹ ọvo, ọ me rha dia avwiorọvwe kẹ ọrivẹ; eyẹ ko si kẹre ọvo ko sheri kẹ ọrivẹ; Wọ sa ga Ọghẹnẹ vẹ ẹdjọ kugbe-e.

Iyẹnrẹ Esiri ri Jọn 8:34

Jesu da kpahe kẹ ayen, Uyota, uyota, me ta kẹ ovwan, kohwo kohwo ro ru umwemwu ọye hẹ ọviẹn rẹ umwemwu.

Ọbe ri Pọl si rhe Ihwo ri Rom 11:2

Ọghẹnẹ sa siẹn ihwo rọye rọ riẹnre rhabae na-a. We nyo obo rẹ ọbe ọfuanfon na ta kpahe Ilaija, obo rọ rẹ Ọghẹnẹ kẹ Izrẹl te?

Ọbe ri Pọl si rhe Ihwo ri Rom 12:1

Imoni mẹ, me rẹ ovwan, rere vwẹ arodọvwẹ rẹ Ọghẹnẹ, ovwan sa vwẹ oma rẹ ovwan ze izobo ọkpokpọ, rọ fọnro ro fo ẹreyọ kẹ Ọghẹnẹ, kọye hẹ ẹga rẹ erhi rẹ ovwan ga.

Ọbe ri Pọl si rhe Ihwo ri Rom 6:17

Ẹkẹvuọvo ẹkpẹvwẹ kẹ Ọghẹnẹ, nẹ ovwan re dia eviẹn rẹ umwemwu jovwo na rhoma rhe vwẹ udu rẹ ovwan mu ọghọ kẹ oka rẹ uyono re yono ovwan jovwo,

1 Kọrẹnt 3:16

Ovwan rha riẹn nẹ ovwan hẹ uwevwi rẹ Ọghẹnẹ nẹ Erhi rẹ Ọghẹnẹ dia evun rẹ ovwan?

1 Kọrẹnt 5:6

Omaẹyan rẹ ovwan yovwiri-i. Ovwan rha riẹn nẹ ubiughweri tutuno re nẹrhẹ oghwo riọ-ọ?

1 Kọrẹnt 6:2

Ovwan rha riẹn nẹ ihwo efuanfon na ri che guẹdjọ rẹ akpọ na? Ọ da dianẹ ovwan ri che guẹdjọ rẹ akpọ na, udu rẹ ovwan rha sa gba erharhe rẹ ẹdjọ nana-a?

1 Kọrẹnt 6:3

Ovwan rha riẹn nẹ avwanre cha vwẹ emakashe guẹdjọ-ọ? Komavọ ọ epha kẹ ẹdjọ rẹ akpọ nana!

1 Kọrẹnt 6:9

Ovwan rha riẹn nẹ ihwo umwemwu cha sa reuku rẹ uvie rẹ Ọghẹnẹ na-a? Wo jẹ a phiẹn wẹ-ẹn; ọvwọfanrhiẹ, eyẹ ọgedjọ, eyẹ o gbe igberadja, eyẹ ọshare ro duẹ ọshare,

1 Kọrẹnt 9:13

Ovwan rha riẹn nẹ otu ra reyọ phihọ iruo rẹ uwevwi rẹ ẹga na je vwẹ evun rẹ uwevwi na ayen da ria emu rayen, nẹ otu re gọ iye vwẹ enu rẹ agbada na je ria vwẹ emu ra vwọ gọ iye na?

1 Kọrẹnt 9:24

Ovwan rha riẹn nẹ vwẹ evun rẹ onẹdjẹ ihwo na ejobi re djẹ, ẹkẹvuọvo ohwo ri vwo osa vwọ? Ọtiọye na gba djẹ rere wo vwo vwo osa.

Joshua 24:15

O da dianẹ ovwan gbe sa rhọvwe ga Ọrovwohwo na-a, gba jẹ nonẹ na ohwo rẹ ovwan ga, kẹ edjọ rẹ esẹ rẹ ovwan gọre vwẹ ubrakpọ rọ obo ovrẹn rẹ Urhie na, eyẹ edjọ rẹ ihwo rẹ Amọr rẹ ovwan dia otọ rẹ ayen na; ẹkẹvuọvo vwọ kẹ vwẹ vẹ uwevwi mẹ, Ọrovwohwo ọvo ọye avwanre ga.

2 Pita 2:19

Ayen vwẹ egbemọphẹ kẹ ayen, ẹkẹvuọvo yẹ ayen eviẹn rẹ emu ogbegbe; kidie kemu kemu ro se phi ohwo kparobọ, ọye ohwo vwẹ oma ru ọviẹn kẹ.