Ọbe ri Pọl si rhe Ihwo ri Rom 5:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Asakiephana, rẹ ọbara rọye vwo brorhiẹ kẹ avwanre nu na, ko ji ghwe sivwi avwanre nẹ ophu rẹ Ọghẹnẹ fiki rọye.

Ọbe ri Pọl si rhe Ihwo ri Rom 5:9 ပူးပေါင်းရင်းမြစ်များ

Iyẹnrẹ Esiri ri Jọn 5:24

Uyota, uyota, me ta kẹ owẹ, ohwo ro nyo eta mẹ rọ de se ọ ro ji vwe rhe gbuyota, ko vwo arhọ ri bẹdẹ; e gbi vwo guẹdjọ ọfa-a, ẹkẹvuọvo yo nẹ ughwn kpo arhọ nure.

Ọbe ri Pọl si rhe Ihwo ri Rom 1:18

Kidie a vwẹ ophu rẹ Ọghẹnẹ phia nẹ odjuvwu rhe kpahe ihwo ri ruẹ orukuruku, re reyọ umwemwu vwọ tua uyota rẹ Ọghẹnẹ muotọ.

Ọbe ri Pọl si rhe Ihwo ri Rom 5:1

Rẹ avwanre vwọ rease fiki rẹ esegbuyota rẹ avwanre nure na, e gbe jẹ avwnare vẹ Ọghẹnẹ rhuẹrẹ kugbe vwẹ oma ri Jesu Kristi Ọrovwavwanre.

Ọbe ri Pọl si rhe Ihwo ri Rom 5:10

Ọ da dianẹ ọke rẹ avwanre vẹ ọye vwọ hẹ ọvweghrẹ na a da vwẹ ughwu rẹ Ọmọ rọye vwọ rhuẹrẹ avwanre vẹ Ọghẹnẹ kugbe, kẹ eriyin na, vwẹ asakiephana rẹ avwanre vwọ rhuẹrẹ kugbe nu na, avwanre ke rhọ fiki rẹ arhọ rọye.

Ọbe ri Pọl si rhe Ihwo ri Rom 8:1

Asakiephana o rhe vwo obruhwe kẹ ayen otu re herọ vwẹ evun ri Jesu Kristi-i.

Ọbe ri Pọl si rhe Ihwo ri Rom 8:30

Ihwo rọ kẹ atarhe jovwo na ọye o ji se; ihwo ro seri eye o brorhiẹ kẹ; ayen otu ro brorhiẹ kẹ eye ọ je vwẹ urinrin kẹ rhe.

Ẹfesọs 2:13

Asakiephana vwẹ evun ri Kristi Jesu ovwan re epha shesheri jovwo ke rhi si ovwan kẹrẹ vwẹ evun rẹ ọbara ri Kristi.

Ẹfesọs 2:3

Ohri rẹ enana avwanre ka dia jovwo vwẹ evun rẹ urhuru sivwe rẹ ugboma rẹ avwanre, ri nene ẹguọnọ rẹ ugboma kugbe iroro, ọtiọye na kirobo re vwiẹ avwanre phihọ avwanre kẹ emọ rẹ ophu, kirobo rẹ ihwo rẹ akpo ri chekọ epha.

1 Tẹsalonaika 1:10

rere a hẹrhẹ Ọmọ rọye ro che nẹ odjuvwu rhe, rọ kpare nẹ ughwu rhe, Jesu ro sivwi avwanre nẹ ophu rọ cha.

Hibru 9:14

komavọ ọbara ri Kristi, rọ wan oma rẹ Erhi ri bẹdẹ na vwẹ oma rọye gọ iye ro jẹ ekan evwo kẹ Ọghẹnẹ, se ru udu rẹ ovwan fon nẹ iruo ighweghwu na ra gọ Ọghẹnẹ ri bẹdẹ na.

Hibru 9:22

Uyota, kirobo rẹ urhi epha kemu kemu ra fẹrẹ ọbara ku ejobi yọ fonro, kpẹsiẹ re sun ọbara te otọ-ọ yẹ evwoghovwo rẹ umwemwu herọ-ọ.

1 Jọn 1:7

ẹkẹvuọvo avwanre da yan vwẹ evun rẹ urhukpẹ, kirobo rẹ ekpuyovwi rọye hẹ evun rẹ urhukpẹ na, avwanre ohwohwo ki vwo okugbe kẹ ohwohwo, ọbara ri Jesu Ọmọ rọye kọ hworhẹ avwanre nẹ umwemwu ejobi.