Ọbe ri Pọl si rhe Ihwo ri Rom 5:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Kọye ọke rẹ avwanre rhe vwo ọchuko-o na, vwẹ ọke ro shehọ Kristi de rhi ghwu kẹ oruimwemwu.

Ọbe ri Pọl si rhe Ihwo ri Rom 5:6 ပူးပေါင်းရင်းမြစ်များ

Une rẹ Ejiro 1:1

Ebuphihọ ke ohwo na rọ yan nene eghwanre rẹ iruimwemwu-u, eyẹ ro mudia phihọ idjerhe re ihwo umwemwu-u, eyẹ tidia vwe ohwarha rọ jehwẹ-ẹ;

Uvwerhe 1:6

Ọrho rẹ emete ri Zayọn ejobi nuro oma re. Isun rọye ke họhọ uzo rọ mrẹ egbri-i rọ djẹ o nẹ erhierhi kẹ otu re vwọ tua.

Daniẹl 11:15

Etiyin re ovie rẹ obọhwẹre ọnre kọ cha hwa riariẹ phihọ o mi phi orere ra gba ogba ọgangan phihọ na kua. Egba rẹ unuofovwi ro nẹ obuko ọnre rhe na dede che se mudia-a, eyẹ ihwo ro di mu tọrọ nẹ obonẹ vẹ obonẹ rhe-e, kidie ayen che vwo ogangan vwo mudia-a.

Ukeri 7:15

upene rẹ erhuẹn ọshare ọvo, egbo ọvo, omogodẹ rẹ ọsharẹ ọvo upene rẹ ẹgbukpe ọvo, fiki rẹ izobo rẹ ẹtorhẹ;

Ọbe ri Pọl si rhe Ihwo ri Rom 11:26

ọtiọye na ihwo rẹ Izrẹl ejobi ke sivwi ayen; kirobo re siro nẹ, Osivwi na ko nẹ Zayọn rhe, kọ djẹ ijẹfuọn nẹ Jekọp;

Ọbe ri Pọl si rhe Ihwo ri Rom 4:25

re hwe ghwu fiki rẹ oruchọ rẹ avwanre ra kpare vrẹn fiki rẹ ase-ẹriọ rẹ avwanre.

Ọbe ri Pọl si rhe Ihwo ri Rom 4:5

Ẹkẹvuọvo vwọ kẹ ohwo ro ru iruo-o ẹkẹvuọvo rọ da vwẹ ẹro so ohwo rọ vwẹ ase kẹ ohwo umwemwu, esegbuyota rọye ke kere phihọ ọvwata.

Ọbe ri Pọl si rhe Ihwo ri Rom 5:10

Ọ da dianẹ ọke rẹ avwanre vẹ ọye vwọ hẹ ọvweghrẹ na a da vwẹ ughwu rẹ Ọmọ rọye vwọ rhuẹrẹ avwanre vẹ Ọghẹnẹ kugbe, kẹ eriyin na, vwẹ asakiephana rẹ avwanre vwọ rhuẹrẹ kugbe nu na, avwanre ke rhọ fiki rẹ arhọ rọye.

Ọbe ri Pọl si rhe Ihwo ri Rom 5:7

Kidie, ọ pha bẹnbẹn ra vwọ mrẹ ohwo ọvo ro ghwu kẹ ọvwata,– dede na ọkeọvo a me mrẹ ohwo ọvo ro yivwi ghwu kẹ ohwo esiri.

Ọbe ri Pọl si rhe Ihwo ri Rom 5:8

Ẹkẹvuọvo Ọghẹnẹ dje ẹguọnọ rọye kẹ avwanre nẹ ọke rẹ avwanre vwọ hẹ iruimwemwu Kristi de rhi ghwu kẹ avwanre.

Ọbe ri Pọl si rhe Ihwo ri Rom 8:32

Ohwo rọ vwẹ Ọmọ rọye ọvuọvo jahwa-a ẹkẹvuọvo o de siobọ no kẹ avwanre ejobi, o gbi rhe siobọ nẹ emu na ejobi vwọ ba?

Ọbe ri Pọl si rhe Ihwo ri Rom 8:34

Kono e bruhwe? Ki Kristi Jesu, ro ghwuru, e, ra kpare nẹ ughwu rhe, rọ hẹ obọrhe rẹ Ọghẹnẹ, rọ ghene rẹ kẹ avwanre na?

Galesha 2:20

A kanre ovwẹ vi Kristi mu agbagba nure, ọ gbe dia omẹvwẹ re herọ na-a, ẹkẹvuọvo, kẹ Kristi re herọ vwẹ evun mẹ; akpọ ri mi yere vwẹ esegbuyota rọ hẹ oma rẹ ọmọ rẹ Ọghẹnẹ, rọ guọnọ ovwẹ rọ da vwẹ oma rọye kẹ vwẹ.

Galesha 4:4

Ẹkẹvuọvo, rẹ ọke na rhe vwọ gbare, Ọghẹnẹ de ji ọmọ rọye na rhe, rẹ aye vwiẹri, re vwiẹri vwẹ otọ rẹ urhi na,

Ẹfesọs 5:2

Re wan yan vwẹ evun rẹ ẹguọnọ, kirobo ri Kristi guọnọ avwanre ro de siobọ nẹ oma rọye vwọ kẹ avwanre, vwo ze izobo ro gbo ọnrhe ororo kẹ Ọghẹnẹ.

Kolose 2:13

Ovwan, ri rhe ghwu fiki rẹ imwemwu kugbe ijẹyanvwọ rẹ ugboma rẹ ovwan jovwo na, Ọghẹnẹ kọ je vwẹ ovwan boma vrẹn fikiridie ọ vwo ghovwo ovwan nure.

1 Tẹsalonaika 5:9

Kidie Ọghẹnẹ rhi avwanre kẹ ophu-u, ẹkẹvuọvo re vwo vwo esivwo vwẹ oma rẹ Ọrovwavwanre Jesu Kristi,

1 Timoti 1:9

e gbe jẹ ọnana ro ovwan nẹ, a vwi fiki rẹ ovwata ji urhi-i ẹkẹvuọvo fiki rẹ onogbozigbi kugbe ijẹọghọ evwo, fiki ohwo rọ riẹn Ọghẹnẹ-ẹ kugbe ọruimwemwu, vwọ kọ ijẹfuọn kugbe ọ ro gbe ẹgua, vwọ kẹ otu ri hwe esẹ vẹ otu ri hwe ini, vwọ kẹ otu re fa ihwo hwe,

Taitọs 2:12

Ọ ro yono avwanre ne siobọ nẹ egagọ rẹ ofian kugbe ẹguọnọ rẹ akpọ ofefe na, rere avwanre yere akpọ rẹ avwanre dẹndẹn yoyovwi vwẹ evun rẹ akpọ na.

Hibru 8:3

Kidie ọye hẹ iruo ri korherẹn korherẹn rode rere ọ vwọ gọ iye ọ me rha kẹ okẹ; kọye o ji vwo fo rere orherẹn nana ji vwo vwo obọ rọ vwọ gọ iye.

Hibru 9:26

kọye o vwo dje oja na ẹriẹriọ nẹ ẹtuọhọ rẹ akpọ na rhe. Ẹkẹvuọvo kirobo rọ epha na, ọ vwẹ oma rọye gọ iye ẹsiẹvo nure ọ da rhe vwẹ oma phia vwẹ oba rẹ oge na re ọ vwọ ghwẹ imwemwu rẹ ihwo ejobi nu.

1 Pita 1:20

E rhiro nẹ ẹtuọhọ rẹ akpọ na rhe ẹkẹvuọvo a da rhe vwọ phia vwẹ obo oba rẹ ẹdẹ na fiki rẹ ovwan.

2 Pita 3:7

Vwẹ oma rẹ ota na ọvnọvo ọye a vwọ vwẹ odjuvwu vẹ akpọ rọ herọ vwẹ asakiephana vwọ kpahe enu kẹ erhanre, ra vwọ sẹro rọye hẹrhẹ ẹdẹ ẹdjọ kugbe ẹghwọrọ rẹ ihwo umwemwu.

Ọbe ri Jud 1:15

kọ cha vwẹ ihwo na ejobi guẹdjọ, ko bruhwe ihwo umwemwu na ejobi fiki rẹ uruemu umwemwu rayen rẹ ayen vwẹ idjerhe umwemwu vwo ru, kugbe eta ebrabra rẹ ihwo umwemwu na ta kpahọ.

Ọbe ri Jud 1:18

ayen ta kẹ ovwan nẹ, Ukuko rẹ akpọ na vwobọ otu rẹ jehwẹ buebu cha, ri che nene urhuru sivwe rẹ ugboma rayen.

Ọbe ri Jud 1:4

Kidie otu rẹ ihwo ẹvo bẹbẹ rhẹrẹ ro usun rẹ avwanre na, enana otu rẹ ihwo re bru orhiẹn rẹ ughwu hwe rhabae rhe, ihwo ebrabra re rhẹriẹ ẹserọphẹ rẹ Ọghẹnẹ phihọ umwemwu, re sen Onini na kugbe Ọrovwohwo, Jesu Kristi.