Ọbe ri Pọl si rhe Ihwo ri Rom 5:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Etiyin na rẹ urhi ẹchọ rẹ ohwo ọvo na vwọ nẹrhẹ obruhwe dia kẹ ihwo ejobi, ọtiọye na uruemwu rẹ ọvwata rẹ ohwo ọvo na kọ nẹrhẹ esiobọ nẹ ohwo ji kugbe arhọ kẹ ihwo buebu.

Ọbe ri Pọl si rhe Ihwo ri Rom 5:18 ပူးပေါင်းရင်းမြစ်များ

Aizaya 53:11

kọ cha mrẹ omamọ rẹ uvwiẹ ẹchuẹ rẹ erhi rọye evun kọ vọn, vwẹ erianriẹn rọye ọye ọvwata mẹ na, odibo mẹ, vwo ru ihwo buebu phihọ ọvwata; ko mu oghwa rẹ orukuruku rayen.

Iyẹnrẹ Esiri ri Jọn 1:7

Ọ rhere kerẹ oseri, rere o vwo se oseri kẹ urhukpẹ na, rere ihwo ejobi vwọ wan oma rọye segbuyota.

Iyẹnrẹ Esiri ri Jọn 12:32

mẹvwẹ dẹn, ọke ra da kpare ovwẹ kpenu nẹ akpọ na, ki mi si ihwo buebu nene oma mẹ.

Iyẹnrẹ Esiri ri Jọn 3:26

Ayen de bru Jọn rhe, ayen da ra kẹ, Rabbi rọ vẹ owẹ gba herọ vwẹ obo ovrẹn ri Jọdan na, ọ ro wọ dia oseri kẹ na, ọ hẹ etinẹ, ọ vwẹ ame kẹ ihwo, ihwo ejobi re bro ra.

Iruo rẹ Iyinkọn na 13:39

vwẹ oma rọye a wan sivwi kohwo kohwo ro segbuyota nẹ kemu kemu rẹ urhi ri Mosis se sivwo nu-u.

Ọbe ri Pọl si rhe Ihwo ri Rom 3:25

Ohwo rẹ Ọghẹnẹ vwẹ ọbara rọye vwọ hwa osa na, re a sa vwẹ esegbuyota vwọ reyọ. Ọnana kọye e vwo dje ọvwata rẹ Ọghẹnẹ, fikiridie vwẹ evun rẹ akoechiro rọye ọ da vwẹ imwemwu rẹ awanre ejobi vwọ vrẹn avwanre;

Ọbe ri Pọl si rhe Ihwo ri Rom 4:25

re hwe ghwu fiki rẹ oruchọ rẹ avwanre ra kpare vrẹn fiki rẹ ase-ẹriọ rẹ avwanre.

Ọbe ri Pọl si rhe Ihwo ri Rom 5:12

Kirobo rẹ umwemwu wan oma rẹ ohwo ọvo rhe akpọ rẹ ughwu da wan oma rẹ umwemwu rhe na, ọtiọye na ughwu da hrabọ ro ihwo ejobi fikiridie ihwo ejobi ru umwemwu–

Ọbe ri Pọl si rhe Ihwo ri Rom 5:15

Ẹkẹvuọvo ẹserọphẹ na rha họhọ urhi ẹchọ-ọ. Kidie ọ da dianẹ ihwo buebu ghwuru vwẹ oma rẹ urhi ẹchọ rẹ ohwo ọvo, eriyin na ẹsẹrophẹ rẹ Ọghẹnẹ kugbe ẹsẹrophẹ rẹ ohwo ọvo na Jesu Kristi bu phihọ kẹ otu buebu.

Ọbe ri Pọl si rhe Ihwo ri Rom 5:19

Kidie obo ri ijọghọevwo rẹ ohwo ọvo ru ihwo buebu phihọ iruimwemwu na, ọtiọye na ọghọemuo rẹ ohwo ọvo rhe ru ihwo buebu phihọ ọvwata.

Ọbe ri Pọl si rhe Ihwo ri Rom 6:14

Kidie umwemwu gbi che vwẹ ogangan vwẹ enu rẹ ovwan ọfa-a, kidie ovwan gbe hẹ otọ rẹ urhi-i ẹkẹvuọvo kẹ otọ rẹ ẹserọphẹ ovwan epha.

1 Kọrẹnt 15:22

Kidie kirobo rẹ ihwo ejobi wan oma rẹ Adamu ghwu, ọtiọye rhe vwẹ oma ri Kristi ihwo ejobi ke cha rhọ.

Hibru 2:9

Ẹkẹvuọvo avwanre mrẹ Jesu, ra mare kpotọ emerha nọ emakashe na, ra vwẹ urinrin vẹ ọghọ tughẹ fiki rẹ oja rẹ ughwu, ọtiọye na vwẹ oma rẹ ẹserọphẹ rẹ Ọghẹnẹ ọ sa vwọ davwe ughwu kẹ ohwo kohwo.

2 Pita 1:1

Ọbe ri Saimọn Pita, odibo kugbe ọyinkọn ri Jesu Kristi, ro si rhe ayen otu ri vwo esegbuyota nure re vẹ avwanre gba hẹ abavo vwẹ evun rẹ ọvwata rẹ Ọghẹnẹ rẹ avwanre kugbe Osivwi rẹ avwanre Jesu Kristi.

1 Jọn 2:20

Ẹkẹvuọvo Ọfuanfon Ọvuọvo na vwẹ evwri ghworo ovwan nure, yẹ ovwan ejobi riẹnrẹ.