Ọbe ri Pọl si rhe Ihwo ri Rom 5:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ọ da dianẹ, fiki rẹ urhi ẹchọ rẹ ohwo ọvo na, ughwu da vwẹ fiki rẹ ohwo ọvo na rhe, eriyin ọ je dia kẹ ayen otu re reyọ ẹserọphẹ obuebu yena kugbe ẹsẹrọphẹ re ọvwata na vwo arhọ vwẹ oma rẹ ohwo ọvo na Jesu Kristi.

Ọbe ri Pọl si rhe Ihwo ri Rom 5:17 ပူးပေါင်းရင်းမြစ်များ

Jẹnẹsis 2:17

ẹkẹvuọvo urhe rẹ erianriẹn rẹ erhuvwu vẹ umiovwo na wọ riọọ, kidie ẹdẹ re wọ rerọ ku wo ghwu.

Jẹnẹsis 3:19

Ọdja kọ dia opharo wẹn wọ ke cha re emu, bẹsiẹ wo che vwo rhivwi kpo otọ ri wo nurhe, ekpẹn wo ji che hirhe ra.

Jẹnẹsis 3:6

Rẹ aye na vwọ mrẹ nẹ urhe na fẹriọ, o ki rhe fẹro, nẹ urhe na ki rhe ru ohwo ghwanre, ọ da reyọ omamọ rọye ọ da riọ; ọ da je vwẹ ẹvo kẹ ọshare rọye ọ da je re.

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Matiu 25:34

Ovie na kọ ta kẹ ihwo re hẹ obọrhe rọye nẹ, Wa yanrhe ihwo rẹ ọsẹ mẹ bruba kẹ, wa rhe reuku rẹ uvie ra rhuẹrẹ vwọ otọ kẹ ovwan nẹ otọ rẹ akpọ rhe.

Iyẹnrẹ Esiri ri Jọn 10:10

Oji ọvo cha re o cho re o hwe re ọ ghwọrọ; me rhere rere ayen vwo vwo arhọ, rere ayen vwo buebu.

Ọbe ri Pọl si rhe Ihwo ri Rom 5:12

Kirobo rẹ umwemwu wan oma rẹ ohwo ọvo rhe akpọ rẹ ughwu da wan oma rẹ umwemwu rhe na, ọtiọye na ughwu da hrabọ ro ihwo ejobi fikiridie ihwo ejobi ru umwemwu–

Ọbe ri Pọl si rhe Ihwo ri Rom 5:15

Ẹkẹvuọvo ẹserọphẹ na rha họhọ urhi ẹchọ-ọ. Kidie ọ da dianẹ ihwo buebu ghwuru vwẹ oma rẹ urhi ẹchọ rẹ ohwo ọvo, eriyin na ẹsẹrophẹ rẹ Ọghẹnẹ kugbe ẹsẹrophẹ rẹ ohwo ọvo na Jesu Kristi bu phihọ kẹ otu buebu.

Ọbe ri Pọl si rhe Ihwo ri Rom 5:20

Ukuko rọye urhi da rhe, rhi ru urhi ẹchọ na bu phihọ; ẹkẹvuọvo asan rẹ umwemwu de bu, etiyin ẹserọphẹ de me buẹ.

Ọbe ri Pọl si rhe Ihwo ri Rom 6:14

Kidie umwemwu gbi che vwẹ ogangan vwẹ enu rẹ ovwan ọfa-a, kidie ovwan gbe hẹ otọ rẹ urhi-i ẹkẹvuọvo kẹ otọ rẹ ẹserọphẹ ovwan epha.

Ọbe ri Pọl si rhe Ihwo ri Rom 6:23

Kidie osa rẹ umwemwu hẹ ughwu, ẹkẹvuọvo ẹserọphẹ rẹ Ọghẹnẹ na ọye hẹ arhọ ri bẹdẹ vwẹ evun ri Jesu Kristi Ọrovwavwanre.

Ọbe ri Pọl si rhe Ihwo ri Rom 8:39

eyẹ enuẹra, eyẹ ukokodo, eyẹrẹ emu ọfa vwẹ evun rẹ emama na ejobi, sa hẹriẹ avwanre nẹ ẹguọnọ rẹ Ọghẹnẹ vwi Kristi Jesu Ọrovwavwanre-e.

1 Kọrẹnt 15:49

Ọtiobo rẹ avwanre ku uhoho rẹ ohwo rẹ ekpẹn phihọ na, avwanre ji che ku uhoho rẹ ohwo rẹ odjuvwu phihọ.

1 Kọrẹnt 4:8

Evun vọn ovwan nure! Ovwan fe nure! Avwanre rha herọ-ọ ovwan kẹ ivie! Mane kẹ ovwan a re uvie, rere avwanre vẹ ovwan ghare isuesun na!

Filipae 3:9

ra mrẹ vwẹ vwẹ evun rọye, ọ dianẹ ki mi rhe vwo ọvwata rẹ obọ mẹ, ro nẹ oma rẹ urhi rhe-e, ẹkẹvuọvo ọ rọ wan esegbuyota vwẹ evun ri Kristi rhe, ọvwata ro nẹ obọ rẹ Ọghẹnẹ rhe fiki rẹ esegbuyota;

1 Timoti 1:14

ẹserọphẹ rẹ Ọrovwavwanre de rhi reghe nvwe phihọ vẹ esegbuyota vẹ eguono re hẹ evun ri Kristi Jesu.

2 Timoti 2:12

ọ da dianẹ avwanre vẹ ọye chiri, avwanre vẹ ọye ke je reuvie kugbe; avwanre da siọn, ko je sen avwanre;

Jems 2:5

Ovwan kerhọn, imoni mẹ re ghare. Ọ dia Ọghẹnẹ ọvo re sanọ ihwo rẹ akpọ se nẹ ovwiogbere na nẹ e rhe dia edafe rẹ esegbuyota kugbe ireuku rẹ uvie ro veri kẹ otu re guọnerọ na?

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

Ẹvwọphia 1:6

ọ da rhe dẹ uvie kẹ avwanre ọ da vwẹ avwanre ru irherẹn kẹ Ọghẹnẹ Ọsẹ na, kọye a vwẹ urinrin kugbe isuesun kẹ bẹdẹ bẹdẹ. Isẹ.

Ẹvwọphia 20:4

Etiyin me da mrẹ ekete buebu, ayen de tidia ekete na, kẹ etiyin ayen otu ra vwẹ ẹdjọeguo kẹ na de guẹ. Me da mrẹ irhi rẹ ihwo buebu re bru ohọre fiki rẹ iseri rayen kpahe Jesu kugbe ota rẹ Ọghẹnẹ, kugbe ihwo ri jẹ eranvwe na kugbe oma rọye ẹga, re ka oka rọye phihọ arhare-e eyẹ obọ raye-en. Ayen da va rhe, ayen vi Kristi da re ikpe uriori.

Ẹvwọphia 20:6

Ebruba kugbe ẹfuọn kẹ ohwo ro vwo obọ vwẹ evrẹnushi rẹsosuọ na! Ughwu rivẹ na rhe vwo ogangan vwẹ enu rẹ ohwo ọtiọye-e, ẹkẹvuọvo ayen ke cha dia irherẹn rẹ Ọghẹnẹ kugbe ọ ri Kristi, ayen vẹ ọye ke re ikpe uriori.

Ẹvwọphia 22:5

Ason gbe cha dia ọfa-a; ayen gbe guọnọ orẹmrẹ rẹ urhukpẹ eyẹ ọnre-e, kidie Ọrovwohwo Ọghẹnẹ na kọ dia urhukpẹ rayen, ayen ke cha re bẹdẹ bẹdẹ.

Ẹvwọphia 3:21

Ohwo ro phi kparobọ, ke me kẹ ogangan ro vwo tidia ekete mẹ, kirobo ri mi phi kparobọ na re me vẹ Ọsẹ me de tidia ekete rọye na.