Ọbe ri Pọl si rhe Ihwo ri Rom 5:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Kirobo rẹ umwemwu wan oma rẹ ohwo ọvo rhe akpọ rẹ ughwu da wan oma rẹ umwemwu rhe na, ọtiọye na ughwu da hrabọ ro ihwo ejobi fikiridie ihwo ejobi ru umwemwu–

Ọbe ri Pọl si rhe Ihwo ri Rom 5:12 ပူးပေါင်းရင်းမြစ်များ

Jẹnẹsis 2:17

ẹkẹvuọvo urhe rẹ erianriẹn rẹ erhuvwu vẹ umiovwo na wọ riọọ, kidie ẹdẹ re wọ rerọ ku wo ghwu.

Jẹnẹsis 3:19

Ọdja kọ dia opharo wẹn wọ ke cha re emu, bẹsiẹ wo che vwo rhivwi kpo otọ ri wo nurhe, ekpẹn wo ji che hirhe ra.

Jẹnẹsis 3:6

Rẹ aye na vwọ mrẹ nẹ urhe na fẹriọ, o ki rhe fẹro, nẹ urhe na ki rhe ru ohwo ghwanre, ọ da reyọ omamọ rọye ọ da riọ; ọ da je vwẹ ẹvo kẹ ọshare rọye ọ da je re.

Une rẹ Ejiro 51:5

Nighere, a mrevun mẹ vwẹ evun rẹ orukuruku, vwẹ evun rẹ imwemwu oni mẹ de vwiẹ vwẹ

Izikiẹl 18:4

Nighe, erhi ejobi eme, erhi ro ru umwemwu ko ghwu.

Ọbe ri Pọl si rhe Ihwo ri Rom 3:23

Kidie ihwo ejobi ru umwemwu o rhe jẹ urinrin rẹ Ọghẹnẹ dia oma rẹ avwanre-e.

Ọbe ri Pọl si rhe Ihwo ri Rom 5:18

Etiyin na rẹ urhi ẹchọ rẹ ohwo ọvo na vwọ nẹrhẹ obruhwe dia kẹ ihwo ejobi, ọtiọye na uruemwu rẹ ọvwata rẹ ohwo ọvo na kọ nẹrhẹ esiobọ nẹ ohwo ji kugbe arhọ kẹ ihwo buebu.

Ọbe ri Pọl si rhe Ihwo ri Rom 5:19

Kidie obo ri ijọghọevwo rẹ ohwo ọvo ru ihwo buebu phihọ iruimwemwu na, ọtiọye na ọghọemuo rẹ ohwo ọvo rhe ru ihwo buebu phihọ ọvwata.

Ọbe ri Pọl si rhe Ihwo ri Rom 5:21

Ọtiọye na, kirobo rẹ umwemwu suẹn vwẹ evun rẹ ughwu na, ọtiọye rhe ẹserọphẹ je wan oma rẹ ọvwata su re te arho ri bẹdẹ vwẹ oma ri Jesu Kristi Ọrovwavwanre.

Ọbe ri Pọl si rhe Ihwo ri Rom 6:21

Ki didi erere ri te ovwan vwẹ uruemu rẹ omaẹvuọ yena? Ughwu ọye hẹ oba rẹ oghẹre rẹ emu ọtiọye na.

Ọbe ri Pọl si rhe Ihwo ri Rom 6:23

Kidie osa rẹ umwemwu hẹ ughwu, ẹkẹvuọvo ẹserọphẹ rẹ Ọghẹnẹ na ọye hẹ arhọ ri bẹdẹ vwẹ evun ri Jesu Kristi Ọrovwavwanre.

1 Kọrẹnt 15:56

Obi rẹ ughwu ọye hẹ umwemwu, ogangan rẹ umwemwu ọye hẹ urhi.

Ẹfesọs 2:3

Ohri rẹ enana avwanre ka dia jovwo vwẹ evun rẹ urhuru sivwe rẹ ugboma rẹ avwanre, ri nene ẹguọnọ rẹ ugboma kugbe iroro, ọtiọye na kirobo re vwiẹ avwanre phihọ avwanre kẹ emọ rẹ ophu, kirobo rẹ ihwo rẹ akpo ri chekọ epha.

Jems 1:15

Ọke rẹ ẹguọnọ rẹ ugboma da rhe mrevun re ko vwiẹ umwemwu; umwemwu de rhi bunọ re kọ ghwa ughwu cha.

Jems 3:2

Kidie avwanre sheri vwẹ oma rẹ emu buebu. Ohwo ro rhe she vwẹ oma rẹ ota-a, yẹ ohwo yena omamọ rẹ ohwo ro se sun oma rọye rhe.