Ọbe ri Pọl si rhe Ihwo ri Rom 5:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ọ dia ọtiọye ọvo-o, ẹkẹvuọvo avwanre je ghọghọ rhe vwẹ oma rẹ Ọghẹnẹ fiki rẹ Ọrovwavwanre Jesu Kristi, rẹ avwanre wan oma rọye vwo arhuẹrẹ phihọ.

Ọbe ri Pọl si rhe Ihwo ri Rom 5:11 ပူးပေါင်းရင်းမြစ်များ

Une rẹ Ejiro 104:34

Jẹn umẹ ese mẹ je kidie me ghọghọ vwẹ evun rẹ Ọrovwohwo na.

Une rẹ Ejiro 149:2

Jẹn Izrẹl ghọghọ vwẹ oma rẹ ọ rọ Mamerọ, jẹn emọ ri Zayọn ghọghọ vwẹ Ovie rayen!

Une rẹ Ejiro 32:11

Ghọghọ vwẹ evun rẹ Ọrovwohwo, ghọghọ, E evwata, kperi ukperi rẹ aghọghọ, ovwan ejobi ri vwo udu ọsoso!

Une rẹ Ejiro 43:4

Etiyin ki mi kpo agbada rẹ Ọghẹnẹ, vwo bru Ọghẹnẹ rẹ aghọghọ mẹ rode na, ke me vwẹ isorogun vwo jiri uwe, E Ọghẹnẹ, Ọghẹnẹ mẹ.

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Iyẹnrẹ Esiri ri Luk 1:46

Meri da ta, Erhi mẹ jiri Ọrovwohwo,

Iyẹnrẹ Esiri ri Jọn 1:12

Ẹkẹvuọvo vwọ kẹ ihwo re reyerọ ejobi, ri se odẹ rọye gbuyota, ọ kẹ ayen ogangan rere ayen rhe vwọ dia emọ rẹ Ọghẹnẹ.

Ọbe ri Pọl si rhe Ihwo ri Rom 11:15

Ẹsiọn rẹ ihwo ri Ju da nẹrhẹ arhuẹrẹ akpọ na kugbe, ẹreyọ rayen kẹ arhọ rẹ evrenushi?

Ọbe ri Pọl si rhe Ihwo ri Rom 2:17

Ẹkẹvuọvo wo de se oma wẹn ohwo ri Ju wọ da vwẹ oma da urhi na wọ da vwẹ obo ru wọ vẹ Ọghẹnẹ epha yan eyan,

Ọbe ri Pọl si rhe Ihwo ri Rom 5:1

Rẹ avwanre vwọ rease fiki rẹ esegbuyota rẹ avwanre nure na, e gbe jẹ avwnare vẹ Ọghẹnẹ rhuẹrẹ kugbe vwẹ oma ri Jesu Kristi Ọrovwavwanre.

Ọbe ri Pọl si rhe Ihwo ri Rom 5:10

Ọ da dianẹ ọke rẹ avwanre vẹ ọye vwọ hẹ ọvweghrẹ na a da vwẹ ughwu rẹ Ọmọ rọye vwọ rhuẹrẹ avwanre vẹ Ọghẹnẹ kugbe, kẹ eriyin na, vwẹ asakiephana rẹ avwanre vwọ rhuẹrẹ kugbe nu na, avwanre ke rhọ fiki rẹ arhọ rọye.

Ọbe ri Pọl si rhe Ihwo ri Rom 5:3

Ọ je dia ọye ọvo-o, avwanre je ghọghọ vwẹ evun rẹ oja rẹ avwanre, vẹ ẹriẹn nẹ oja nẹrhẹ e vwo odiri,

Ọbe ri Pọl si rhe Ihwo ri Rom 8:23

ọ je dia emama na ọvo-o, ẹkẹvuọvo ekpuyovwi rẹ avwanre, ri vwo emamọ rẹ Erhi rẹsosuọ na, ra guan vwẹ obo evun hẹrhẹ ọke ra cha vwọ vwẹ avwanre ru emọ, kọye hẹ etanhirhe rẹ ugboma rẹ avwanre.

Ọbe ri Pọl si rhe Ihwo ri Rom 9:10

O je dia ọtiọye ọvo-o, Rebeka je mrevun kẹ ohwo ọvo, ọsẹ rẹ avwanre Aizik,

1 Kọrẹnt 10:16

Uko rẹ ebruba na rẹ avwanre nẹ ẹrhovwo phihọ na, ọ dia ọdakugbe vwẹ evun rẹ ọbara ri Kristi? Ikara rẹ avwanre bruru na, ọ dia ọrekugbe vwẹ evun rẹ oma ri Kristi?

2 Kọrẹnt 8:19

Ọ dia ọye ọvo-o, ẹkẹvuọvo ishọshi na vwiro mu nẹ ọ yan nene avwanre rhe vwẹ iruo rẹ arodọvwẹ nana rẹ avwanre ruẹ na, fiki rẹ urinrin rẹ Ọrovwohwo kugbe rere o vwo dje ọhọre esiri re avwanre phia.

Galesha 4:9

ẹkẹvuọvo vwẹ asakiephana rẹ ovwan rhe vwọ riẹn Ọghẹnẹ nure na, rẹ Ọghẹnẹ je vwọ riẹn ovwan nure na, komavọ ovwan rhe vwo rhivwi bru erharhe vẹ ebaghẹrẹ rẹ erhi rẹ akpọ na re wa rhe rhoma dia eviẹn rẹ ayen?

Galesha 5:22

Ẹkẹvuọvo omamọ re Erhi na hẹ ẹguọnọ, aghọghọ, ufuoma, ako echiro, ufuefu, uyoyovwi, esegbuyota,

Filipae 3:1

Ọ rọ ka oba, imoni mẹ, wa ghọghọ vwẹ evun rẹ Ọrovwohwo. Re vwo si emu ọvuọvo na rhe ovwan ghwa bẹn kẹvwẹ nọ-ọ, yẹ ọye ri yovwi kẹ ovwan.

Filipae 3:3

Avwanre hẹ ihwo re yanvwe omamọ rẹ oyanvwe na, re gọ Ọghẹnẹ vwẹ erhi, ri vwi Kristi Jesu vwọ yan eyan, re vwẹ ẹro so ugboma-a.

Filipae 4:4

Ghọghọ vwẹ evun rẹ Ọrovwohwo kẹdẹ kẹdẹ; me rhoma ta, Ghọghọ.

Kolose 2:6

Kirobo rẹ ovwan reyọ Jesu Kristi Ọrovwohwo na ovwan yan nene ọtiọye.

1 Pita 1:8

Ovwan je mrẹ dẹvo-o yẹ ovwan guọnerọ; dede nẹ ovwan je mrẹ dẹvo-o na yẹ ovwan sere gbuyota, ovwan da ghọghọ vẹ omavwerhe rẹ unu se gbe-e.

1 Samuẹl 2:1

Hanah da je nẹ ẹrhovwo, ọ da ta, Udu mẹ ghọghọre vwẹ evun rẹ Ọrovwohwo; ogangan mẹ kpare kpenu vwẹ evun rẹ Ọrovwohwo. Unu mẹ kọ vwẹ ivwighrẹn mẹ jehwẹ, kidie me ghọghọre vwẹ evun rẹ esivwo wẹn.