Ọbe ri Pọl si rhe Ihwo ri Rom 5:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọ da dianẹ ọke rẹ avwanre vẹ ọye vwọ hẹ ọvweghrẹ na a da vwẹ ughwu rẹ Ọmọ rọye vwọ rhuẹrẹ avwanre vẹ Ọghẹnẹ kugbe, kẹ eriyin na, vwẹ asakiephana rẹ avwanre vwọ rhuẹrẹ kugbe nu na, avwanre ke rhọ fiki rẹ arhọ rọye.

Ọbe ri Pọl si rhe Ihwo ri Rom 5:10 ပူးပေါင်းရင်းမြစ်များ

2 Ikun rẹ Ivie 29:24

Irherẹn na de hwe ayen a da vwẹ ebara rayen ze izobo rẹ umwemwu vwẹ enu rẹ agbada, rere a vwọ rhuẹrẹ arhuẹrẹ kẹ Izrẹl, kidie ovie ji iji nẹ izobo rẹ ẹtorhẹ kugbe izobo rẹ umwemwu ọye e ze fiki rẹ Izrẹl ejobi.

Izikiẹl 45:20

Ọtiọye wo ji ru vwẹ ẹdẹ righwrẹ rẹ emeranvwe na vwọ kẹ ohwo ro ru umwemu vwẹ ugheghẹ eyẹ ọ chọrobọ, ọtiọye kọye wọ gọ ẹgua vwo kẹ uwevwi rẹ ẹga na.

Daniẹl 9:24

E bru ẹdidjana ujorha gbẹ ihwe rẹ ukpe vwọ kẹ ihwo wẹn vẹ orere ọfuanfon wẹn, re ogbeku na vwo re, re umwemwu ji vwo re, ra vwọ rhuẹrẹ arhuẹrẹ fiki rẹ orukuruku, bẹsiẹ ra vwọ reyọ ọvwata ri bẹdẹ vwọ rhe uwevwi bẹsiẹ re vwo rhurhu evwerhẹ vẹ aruẹmrẹ, bẹsiẹ ra vwọ vwẹ evwri te asan rọ ma fọn na,

Livitikọs 6:30

Ẹkẹvuọvo e jẹn ohwo re eranvwe re vwo ze izobo rẹ umwemwu ra reyọ ọbara rọye rọ evun rẹ utughẹ ra da vwa oma na-a, a vwọ gọ ẹgua vwẹ asan ọfuanfon na, a vwẹ erhanre torhẹ.

Iyẹnrẹ Esiri ri Jọn 14:19

Chekọ ọmọke emerha, akpọ na gbe cha mrẹ vwẹ ọfa-a, ẹkẹvuọvo yẹ ovwan cha mrẹ vwẹ; fikiridie me herọ na, ovwan ke je dia rhe.

Iyẹnrẹ Esiri ri Jọn 5:26

Kidie kirobo rẹ Ọsẹ na vwo arhọ vwẹ oma rọye, ọtiọye ọ je vwẹ arhọ na kẹ oma rọye rhe,

Iyẹnrẹ Esiri ri Jọn 6:40

Kidie ọnana hẹ ọhọre rẹ Ọsẹ mẹ na, nẹ ohwo kohwo rọ mrẹ Ọmọ na nu ro de segbuyota ko vwo arhọ ri bẹdẹ; ke me kparọ vrẹn vwẹ ẹdẹ rẹ oba na.

Iyẹnrẹ Esiri ri Jọn 6:57

Kirobo rẹ Ọsẹ ro je ghwo na ju vwe na, re me da rhọ fiki rẹ Ọsẹ na, ọtiọye ohwo rọ re vwe nu je rhọ fiki mẹ.

Ọbe ri Pọl si rhe Ihwo ri Rom 11:28

Vwẹ oma rẹ iyẹnrẹ esiri na ayen kẹ ọvweghrẹ rẹ Ọghẹnẹ fiki rẹ ovwan; ẹkẹvuọvo vwẹ oma rẹ ẹjẹreyọ ayen kẹ ihwo eghaghare fiki rẹ esẹ rayen ride.

Ọbe ri Pọl si rhe Ihwo ri Rom 5:11

Ọ dia ọtiọye ọvo-o, ẹkẹvuọvo avwanre je ghọghọ rhe vwẹ oma rẹ Ọghẹnẹ fiki rẹ Ọrovwavwanre Jesu Kristi, rẹ avwanre wan oma rọye vwo arhuẹrẹ phihọ.

Ọbe ri Pọl si rhe Ihwo ri Rom 5:6

Kọye ọke rẹ avwanre rhe vwo ọchuko-o na, vwẹ ọke ro shehọ Kristi de rhi ghwu kẹ oruimwemwu.

Ọbe ri Pọl si rhe Ihwo ri Rom 8:32

Ohwo rọ vwẹ Ọmọ rọye ọvuọvo jahwa-a ẹkẹvuọvo o de siobọ no kẹ avwanre ejobi, o gbi rhe siobọ nẹ emu na ejobi vwọ ba?

Ọbe ri Pọl si rhe Ihwo ri Rom 8:34

Kono e bruhwe? Ki Kristi Jesu, ro ghwuru, e, ra kpare nẹ ughwu rhe, rọ hẹ obọrhe rẹ Ọghẹnẹ, rọ ghene rẹ kẹ avwanre na?

Ọbe ri Pọl si rhe Ihwo ri Rom 8:7

Kidie iroro ra vwọ kpahe ugboma vẹ Ọghẹnẹ ọvweghrẹ; ọ vwẹ oma kpotọ kẹ urhi rẹ Ọghẹnẹ-ẹ, eriyin dẹn o se ruo-o;

2 Kọrẹnt 5:20

Ọtiọye na avwanre kẹ ihwo ri Kristi ji uwevwi, oma rẹ avwanre ọye Ọghẹnẹ wan vuẹ uwevwi na. Avwanre vwẹ odẹ ri Kristi rẹ ovwan, rere wa vẹ Ọghẹnẹ rhuẹrẹ kugbe.

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

Ẹfesọs 2:16

rere vwẹ agbagba na ọ vwọ sa rhuẹrẹ avwanre vẹ Ọghẹnẹ kugbe vwẹ ugboma ọvo, rere ohọre ejobi vwo fue.

Ẹfesọs 2:3

Ohri rẹ enana avwanre ka dia jovwo vwẹ evun rẹ urhuru sivwe rẹ ugboma rẹ avwanre, ri nene ẹguọnọ rẹ ugboma kugbe iroro, ọtiọye na kirobo re vwiẹ avwanre phihọ avwanre kẹ emọ rẹ ophu, kirobo rẹ ihwo rẹ akpo ri chekọ epha.

Hibru 2:17

Fiki rẹ ọtiọye na kọye a vwọ ma họhọ imoni rọye vwẹ idjerhe kidjerhe, rere ọ vwọ sa dia orherẹn rode ro nẹ aruẹdọn ro vwo esegbuyota vwẹ evun rẹ ẹga rẹ Ọghẹnẹ, rọ vwọ go ese rẹ imwemwu nẹ ihwo oma.

Hibru 7:25

Vwẹ ọtiọye na ko se sivwi kohwo kohwo rọ wan oma rọye sikẹrẹ Ọghẹnẹ, fikiridie ọ herọ kọke kọke rọ vwọ rẹ kẹ ayen.

1 Jọn 2:1

Emọ mẹ, mi si eta nana rhe ovwan rere ovwan vwo jẹ umwemwu eruo; ẹkẹvuọvo ohwo de ru umwemwu, avwanre vwo obruche ọvo vwẹ obọ rẹ Ọsẹ, Jesu Kristi rẹ ọvwata na;

1 Jọn 4:10

Ọnana hẹ ẹguọnọ, ọ dianẹ kẹ avwanre re guọnọ Ọghẹnẹ-ẹ ẹkẹvuọvo ọye re guọnọ avwanre o de ji Ọmọ rọye rhe rhe rhuẹrẹ arhuẹrẹ fiki rẹ imwemwu rẹ avwanre.

Ẹvwọphia 1:18

rọ rhọre bẹdẹ na; mi ghwuru jovwo, gbe nighe me rhọre bẹdẹ, ko mẹvwẹ ri vwo usiaphrẹ rẹ Ughwu vẹ Ushi vwẹ obọ mẹ.