Ọbe ri Pọl si rhe Ihwo ri Rom 5:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Rẹ avwanre vwọ rease fiki rẹ esegbuyota rẹ avwanre nure na, e gbe jẹ avwnare vẹ Ọghẹnẹ rhuẹrẹ kugbe vwẹ oma ri Jesu Kristi Ọrovwavwanre.

Ọbe ri Pọl si rhe Ihwo ri Rom 5:1 ပူးပေါင်းရင်းမြစ်များ

ỌBE RẸ JOB 21:21

Die ọye avwerhe ayen vwọ kẹ uwevwi rayen vwẹ obuko rayen, vwẹ ọke re de bru nẹ emeravwe rayen?

Une rẹ Ejiro 122:6

Nẹ ẹrhovwo kẹ ufuoma ri Jerusalẹm! Jẹn ihwo re guọnọ owẹ mrẹ erhuvwu!

Aizaya 27:5

Eyẹrẹ gbe jẹn ayen vwẹ ẹro so ochọ mẹ, jẹn ayen vẹ ovwẹ rhuẹrẹ kugbe, jẹn ayen vẹ ovwẹ rhuẹrẹ kugbe.

Aizaya 32:17

Erere rẹ ọvwata kọ dia ufuoma, otọ rẹ ọvwata, ke ofuvweghe kugbe ẹro evwosuọ bẹdẹ.

Aizaya 54:13

Emọ wẹn ejobi kẹ Ọrovwohwo ri yono ayen, erhuvwu rọ emọ wẹn ke cha rho gangan.

Aizaya 55:12

Kidie kọ yan phia vẹ aghọghọ, ke suo phia vwẹ ufuoma, te ugbenu ride vẹ itete ke ka obaro kẹ weẹ vẹ ine ẹsuọ irhe rẹ aghwa na ke cha fabọ rayen.

Habakọk 2:4

Nighe, ohwo rẹ udu rọyẹ dia ọsoso-o chẹ she, ẹkẹvuọvo ọvwata kọ rhọ fiki rẹ esegbuyo-ta rọye.

Zekaraya 6:13

Ọye he ohwo ro cha bọn uwevwi rẹ ẹga rẹ Ọrovwohwo na, ke mu ọghọ rẹ ovie kẹ, ko che tidia de sun vwẹ ekete rọye Orherẹn kọ cha dia akakọ rẹ ekete rọye na, ẹruọ rẹ ufuoma kọ cha dia uvwre rẹ ayen ivẹ.

Iyẹnrẹ Esiri ri Luk 19:38

tanẹ, Ebruba kẹ Ovie rọ cha vwẹ odẹ rẹ Ọrovwohwo! Ufuoma vwẹ odjuvwu urinrin vwẹ asan ro kpenu!

Iyẹnrẹ Esiri ri Luk 19:42

tanẹ, Mane ku wọ sa riẹn imu re kẹ ufuoma vwenẹ! Ẹkẹvuọvo Asakiephana e si ayen nu kẹ ẹro wẹn.

Iyẹnrẹ Esiri ri Luk 2:14

Urinrin kẹ Ọghẹnẹ ro kpenu, ufuoma kẹ akpọ evun esiri kẹ ihwo ri vwo udu esiri.

Iyẹnrẹ Esiri ri Jọn 14:27

Ufuoma mi jovwo kẹ ovwan; ufuoma mẹ me vwọ kẹ ovwan; ọ dia obo rẹ akpọ kẹ me kẹ ovwan na-a. We jẹn udu bru ovwa-an, eyẹ we jẹn oshọ mu ovwa-an.

Iyẹnrẹ Esiri ri Jọn 16:33

Me ta ọnana kẹ ovwan nẹ, vwẹ oma mẹ ovwan ki vwo ufuoma. Vwẹ akpọ na ovwan mrẹ ukpokpogho; ẹkẹvuọvo ghọghọ, mi phi akpọ na kpare obọ nure.

Iyẹnrẹ Esiri ri Jọn 20:31

ẹkẹvuọvo e si enana rere ovwan vwo se segbuyota nẹ Jesu hẹ Kristi na, Ọmọ rẹ Ọghẹnẹ na, rere we de segbuyota ovwan vwo se vwo arhọ vwẹ odẹ rọye.

Iyẹnrẹ Esiri ri Jọn 5:24

Uyota, uyota, me ta kẹ owẹ, ohwo ro nyo eta mẹ rọ de se ọ ro ji vwe rhe gbuyota, ko vwo arhọ ri bẹdẹ; e gbi vwo guẹdjọ ọfa-a, ẹkẹvuọvo yo nẹ ughwn kpo arhọ nure.

Iruo rẹ Iyinkọn na 10:36

Ovwan riẹn ota na ro ji bru ihwo rẹ Izrẹl ra, iyẹnrẹ esiri rẹ ufuoma re ghwoghwo kẹ ayen vwẹ oma ri Jesu Kristi ọye Ọrovwohwo ro vwo emu ejobi,

Ọbe ri Pọl si rhe Ihwo ri Rom 1:17

Kidie iyẹnrẹ esiri na re vwẹ ọvwata rẹ Ọghẹnẹ phia vwẹ oma rẹ esegbuyota fiki rẹ esegbuyota; kirobo re siro, Ohwo rọ wan oma rẹ esegbuyota dia ọvwata kọ rhọ.

Ọbe ri Pọl si rhe Ihwo ri Rom 1:7

Re vwo rhe ovwan ejobi rẹ evun rẹ ayen vwerhe Ọghẹnẹ vwi Rom, re seri ne rhe dia irherẹn; Ẹserọphẹ vẹ ufuoma ro nẹ obọ rẹ Ọghẹnẹ Ọsẹ rẹ avwanre kugbe Ọrovwohwo Jesu Kristi nene ovwan dia.

Ọbe ri Pọl si rhe Ihwo ri Rom 10:10

Kidie udu ohwo vwo segbuyota kọye ọ vwọ rease, ọ me rha vwẹ unu rhọvwe kọye ọ vwọ rhọ.

Ọbe ri Pọl si rhe Ihwo ri Rom 10:15

Komavọ ayen se ghwoghwo jokpa nẹ e ji ayen? kirobo re siro, mavọ awọ rẹ ayen otu ri ghwoghwo iyẹnrẹ esiri na yovwi te!

Ọbe ri Pọl si rhe Ihwo ri Rom 14:17

Kidie uvie rẹ Ọghẹnẹ na dia ọ rẹ emuọre kugbe udi ẹda-a ẹkẹvuọvo ọ rẹ ọvwata kugbe ufuoma kugbe aghọghọ vwẹ oma rẹ Erhi Ọfuanfon.

Ọbe ri Pọl si rhe Ihwo ri Rom 15:13

Gbe jẹn Ọghẹnẹ rẹ iphiẹrohọ vọn udu rẹ ovwan vẹ aghọghọ kugbe ufuoma rẹ esegbuyota, rere vwẹ ogangan rẹ Erhi Ọfuanfon na ovwan vwo se bu phihọ vwẹ iphiẹrohọ.

Ọbe ri Pọl si rhe Ihwo ri Rom 15:33

Ọghẹnẹ rẹ ufuoma o nene ovwan dia. Isẹ.

Ọbe ri Pọl si rhe Ihwo ri Rom 3:22

ọvwata rẹ Ọghẹnẹ vwẹ oma rẹ esegbuyota vwi Jesu Kristi ọ herọ kẹ ihwo ejobi ri segbuyota. Ọ vwo ofẹnẹ-ẹ.

Ọbe ri Pọl si rhe Ihwo ri Rom 3:30

Kidie Ọghẹnẹ ọvuọvo; ọye sa vwẹ ase kẹ ihwo re yanvwere fiki rẹ esegbuyota rayen kugbe ijẹyanvwọ fiki rẹ esegbuyota rayen.

Ọbe ri Pọl si rhe Ihwo ri Rom 4:5

Ẹkẹvuọvo vwọ kẹ ohwo ro ru iruo-o ẹkẹvuọvo rọ da vwẹ ẹro so ohwo rọ vwẹ ase kẹ ohwo umwemwu, esegbuyota rọye ke kere phihọ ọvwata.

Ọbe ri Pọl si rhe Ihwo ri Rom 5:11

Ọ dia ọtiọye ọvo-o, ẹkẹvuọvo avwanre je ghọghọ rhe vwẹ oma rẹ Ọghẹnẹ fiki rẹ Ọrovwavwanre Jesu Kristi, rẹ avwanre wan oma rọye vwo arhuẹrẹ phihọ.

Ọbe ri Pọl si rhe Ihwo ri Rom 5:18

Etiyin na rẹ urhi ẹchọ rẹ ohwo ọvo na vwọ nẹrhẹ obruhwe dia kẹ ihwo ejobi, ọtiọye na uruemwu rẹ ọvwata rẹ ohwo ọvo na kọ nẹrhẹ esiobọ nẹ ohwo ji kugbe arhọ kẹ ihwo buebu.

Ọbe ri Pọl si rhe Ihwo ri Rom 6:23

Kidie osa rẹ umwemwu hẹ ughwu, ẹkẹvuọvo ẹserọphẹ rẹ Ọghẹnẹ na ọye hẹ arhọ ri bẹdẹ vwẹ evun ri Jesu Kristi Ọrovwavwanre.

Ọbe ri Pọl si rhe Ihwo ri Rom 9:30

Kidie avwanre rha ta? Nẹ ihwo ri Keferi re gbẹn idjerhe rẹ ọvwata jovwo-o rhoma rhe dia evwata, kọye hẹ, ọvwata vwẹ oma rẹ esegbuyota;

Galesha 2:16

dede ye riẹnre nẹ ohwo sa vwi fiki rẹ iruo rẹ urhi na rease-e ẹkẹvuọvo vwẹ oma rẹ esegbuyota vwi Jesu Kristi, mrẹmrẹ avwanre vwo esegbuyota vwẹ Jesu Kristi, rere vwẹ esegbuyota vwẹ oma ri Kristi avwanre vwọ sa rease, ọ dianẹ kẹ fiki rẹ iruo rẹ urhi na-a, fikiridie ọ da dia fiki rẹ iruo rẹ urhi na ohwo ọvuọvo sa rease-e.

Galesha 3:25

Ẹkẹvuọvo asakiephana rẹ esegbuyota vwọ rhe na, avwanre gbe hẹ otọ rẹ ọsẹro ọfa-a;

Galesha 5:22

Ẹkẹvuọvo omamọ re Erhi na hẹ ẹguọnọ, aghọghọ, ufuoma, ako echiro, ufuefu, uyoyovwi, esegbuyota,

Ẹfesọs 2:7

rere vwẹ oge rọ cha na ọ vwẹ ẹserọphẹ ro je re na kugbe arodọvwẹ rọye vwo nẹ avwanre vwẹ evun ri Kristi Jesu.

Filipae 3:9

ra mrẹ vwẹ vwẹ evun rọye, ọ dianẹ ki mi rhe vwo ọvwata rẹ obọ mẹ, ro nẹ oma rẹ urhi rhe-e, ẹkẹvuọvo ọ rọ wan esegbuyota vwẹ evun ri Kristi rhe, ọvwata ro nẹ obọ rẹ Ọghẹnẹ rhe fiki rẹ esegbuyota;

Kolose 1:20

Oma rọye a wan rhuẹrẹ emu na ejobi phihọ kẹ oma rọye, ọbara rẹ obọ rọye vwẹ enu rẹ agbagba ọye ọ vwọ rhuẹrẹ emu na ejobi phihọ, te emu rọ hẹ enu rẹ akpọ na, te ọ rọ hẹ obevun rẹ odjuvwu.

Kolose 3:15

We gbe jẹ ufuoma ri Kristi vwọ kẹ udu rẹ ovwan na, fue oseghe, ẹghwọ kugbe ukpokpogho re hẹ udu rẹ ovwan ejobi, fiki rẹ ufuoma na e vwo se ovwan rhe vwọ dia oma ọvo rọye na. Ovwan gba kpẹvwẹ.

1 Tẹsalonaika 5:23

E jẹ Ọghẹnẹ rẹ ufuoma vẹ ekpuyovwi rọye hworhẹ ovwan fon tototo; e jọ sẹro rẹ erhi vẹ ẹnwẹn kugbe oma rẹ ovwan ejobi rere o vwo jẹ abe evwo vwẹ ẹdẹ rẹ ẹcha rẹ Ọrovwavwanre Jesu Kristi.

2 Tẹsalonaika 3:16

Asakiephana ekpuyovwi rẹ Ọrovwohwo rẹ ufuoma na ọ kẹ ovwan ufuoma kọke kọke vwẹ idjerhe ejobi. Ọrovwohwo nene ovwan ejobi dia.

Hibru 13:20

Asakiephana e gbe jẹ Ọghẹnẹ rẹ ufuoma rọ kpare Ọrovwavwanre Jesu nẹ ughwu rhe, osuigegede rode na, vwẹ ọbara rẹ ọphọ re rara na,