Ọbe ri Pọl si rhe Ihwo ri Rom 4:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ka nẹ ẹrhovwo nana kẹ ihwo re yanvwere ọvo eyẹ ji te ijẹyanvwọ rhe? Avwanre tare nẹ esegbuyota ọye e vwo kere Ebraham phihọ ọvwata.

Ọbe ri Pọl si rhe Ihwo ri Rom 4:9 ပူးပေါင်းရင်းမြစ်များ

Jẹnẹsis 15:6

O de se Ọrovwohwo gbuyota, o de kere vwọ kẹ nẹ ọvwata o ruẹ.

Aizaya 49:6

ọ da ta, Emu ọphapharhe rere wọ vwọ dia odibo mẹ ra vwọ kpare uvwiẹ ri Jekọp vrẹn kugbe rere a vwọ sẹro rẹ uchekotọ rẹ Izrẹl; Me vwẹ owẹ ru urhukpẹ kẹ ẹgborho na, rere esivwo Mẹ rhi vwo te oba rẹ akpọ na.

Iyẹnrẹ Esiri ri Luk 2:32

urhukpẹ rọ la kẹ ihwo ri keferi kugbe urinrin rẹ ihwo wẹn Izrẹl.

Ọbe ri Pọl si rhe Ihwo ri Rom 4:10

Komavọ e kere kẹ? Ọke rọ vwọ yanvwe nu gbinẹ ọke rọ je yanvwe-e? Ọ dia ọke rọ vwọ yanvwe nu-u, ẹkẹvuọvo ọke rọ je yanvwe-e.

Ọbe ri Pọl si rhe Ihwo ri Rom 4:3

Kidie ọbe ọfuanfon na tare? Ebraham se Ọghẹnẹ gbuyota, e de kere phihọ ọvwata kẹ.

Galesha 3:14

rere vwẹ oma ri Jesu Kristi ebruphihọ rẹ Ebraham vwọ mrasan bru ihwo ri Keferi rhe, rere avwanre vwo vwo ive rẹ Erhi na fiki rẹ esegbuyota.

Ẹfesọs 3:8

Mẹvwẹ, dede nẹ mẹvwẹ re ma hanvwe vwẹ usun rẹ ihwo efuanfon na ejobi, ọye a vwẹ ẹserọphẹ kẹ, vwo ghwoghwo kẹ ihwo ri Keferi efe ri Kristi rẹ otọ rọye bẹn ẹguọnọ.

Kolose 3:11

Asan ro vwo ofẹnẹ-ẹ, o vwo Grik eyẹ Ju-u, oyanvwe eyẹ ijẹyanvwọ-ọ, Ivwevwe, Sintian, ọviẹn, ọmuvwiẹ, ẹkẹvuọvo Kristi hẹ emu ejobi, ọye ri vwo emu ejobi.