Ọbe ri Pọl si rhe Ihwo ri Rom 4:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Udu rọye rhe yeghe kpahe ive rẹ Ọghẹnẹ vẹ kẹ-ẹ, ẹkẹvuọvo esegbuyota rọye da rhe gan phihọ ọ da vwẹ urinrin kẹ Ọghẹnẹ.

Ọbe ri Pọl si rhe Ihwo ri Rom 4:20 ပူးပေါင်းရင်းမြစ်များ

Jẹnẹsis 15:6

O de se Ọrovwohwo gbuyota, o de kere vwọ kẹ nẹ ọvwata o ruẹ.

Ivie rẹ Ivẹ 7:19

onotu na da kpahe ta kẹ ohwo rẹ Ọghẹnẹ na, Ọ da dianẹ ekpuyovwi rẹ Ọrovwohwo de muobọ bru evakpo phihọ obo odjuvwu dede, ọ ro wọ ta na sa phia? Ẹkẹvuọvo ọ da ta, Wọ cha vwẹ ẹro wẹn mrẹ, ẹkẹvuọvo wọ cha sa re vwọ-ọ.

Ivie rẹ Ivẹ 7:2

Etiyin onotu rẹ ovie na vwẹ oma rẹrẹ da kpahe kẹ ohwo rẹ Ọghẹnẹ na, Ọ da dianẹ ekpuyovwi rẹ Ọrovwohwo de muobọ bru evakpo phihọ odjuvwu dede ọ ro wọ ta na phia? Ẹkẹvuọvo ọ da ta, Wọ cha vwẹ ẹro wẹn mrẹ, ẹkẹvuọvo wọ cha sa re vwọ-ọ.

Aizaya 35:4

Ta ke ihwo re udu rayen djẹ oshọ, Gba gan, wọ djẹ oshọ-ọ! Nighere, Ọghẹnẹ wẹn na cha rhe vẹ ihri ẹriọ, vẹ osa ẹhwa rẹ Ọghẹnẹ. Ọ cha rhe rhi sivwi uwe.

Aizaya 7:9

Uyovwi rẹ Ifrem ọye Sameria, uyovwi ri Sameria ọye ọmọ rẹ Remeliah Wọ rhe se segbuyota-a, uyota wo rhe se mudia ga-an.

Daniẹl 10:19

Etiyin ọ da ta, E ohwo ra nabọ guọnọ wo jẹ oshọ mu we-e, ufuoma vẹ owẹ dia; goma re wo yivwaro. Ọke rọ vwọ ta ota kẹ vwẹ re, mi de rhi vwo ogangan me da ta, Jẹn Ọrovwovwe ta ota, kidie wọ nẹrhẹ ovwẹ vwo ogangan nure.

Daniẹl 11:32

Kọ cha vwẹ unuerarọ vẹ ọphiẹnvwe phiẹn ihwo ri gbe ọphọ na ku; ẹkẹvuọvo ihwo re riẹn Ọghẹnẹ rayen che mudia gan ke ayen họnre.

Hegae 2:4

Dede na vwẹ Asakiephana we gbe yivwaro, E Zerubabẹl, eriyin Ọrovwohwo tare, yivwaro, E Joshua, ọmọ ri Jehozadak, rẹ orherẹn rode na, yivwaro, ovwan ihwo rẹ otọ na ejobi eriyin Ọrovwohwo tare; ru iruo, kidie me vẹ owẹ herọ, eriyin Ọrovwohwo rẹ otuofovwi na tare.

Zekaraya 8:13

Kirobo wọ vwọ dia ehwẹjẹ vwe ohri rẹ ẹgborho na, E uwevwi ri Juda vẹ uwevwi rẹ Izrẹl, eriyin mi che sivwi uwe ku wọ dia ebruba. Wọ djẹ oshọ-ọ, ẹkẹvuọvo jẹn abọ wẹn gan.

Zekaraya 8:9

E nẹ Ọrovwohwo rẹ otuofovwi tare: We jẹn abọ rẹ ovwan gan, ovwan ri nyo eta nana ri nẹ unu rẹ emraro rhe na, rhanwe ẹdẹ ra vwọ tọn uchivwo rẹ uwevwi rẹ Ọrovwohwo rẹ otuofovwi phihọ nu na, rere a vwọ bọn uwevwi rẹ Ọghẹnẹ na.

Matiu 9:8

Ẹkẹvuọvo ọke rẹ otu buebu na vwọ mrẹ, oshọ de mu ayen, ayen de jiri Ọghẹnẹ, rọ vwẹ ogangan tiọna kẹ ihwo.

Iyẹnrẹ Esiri ri Luk 1:18

Zakaraya da ta kẹ amakashe na, Didi oka mi vwo vugbe ọna? Kidie mẹvwẹ ọmare, aye mẹ je kpako re.

Iyẹnrẹ Esiri ri Luk 1:45

Ebruphihọ kẹ ohwo ro segbuyota nẹ obo rẹ Ọrovwohwo ta kpahọ ejobi cha sẹ.

1 Kọrẹnt 16:13

Wa rhẹrẹ, we mndia gan vwẹ esegbuyota rẹ ovwan, we yivwaro, wa gan oma.

2 Kọrẹnt 12:10

Kidie fiki ri Kristi, ovwiẹrẹ mẹ ko te kẹ vwẹ, aroeyivwo, ọbẹnvwẹ, imu, kugbe okpetu; kidie ọke me vwọ hẹ ọvwiẹrẹ, etiyin me da gan oma.

Ẹfesọs 6:10

Ọ rọ ka oba, wa gan oma vwẹ evun rẹ Ọrovwohwo kugbe ogangan rẹ ẹgba rọye.

2 Timoti 2:1

Wẹ, ọmọ mẹ, gba gan oma vwẹ ẹserọphẹ rọ herọ vwẹ evun ri Kristi Jesu,

1 Samuẹl 30:6

Oma da ghwọrọ Devid gangan; kidie ihwo na ayen che phio, fikiridie ivun re ghwie ihwo vwẹ udu rayen, ohwo ọvuọvo fiki rẹ emọ rọ rẹ eshare vẹ emetẹ. Ẹkẹvuọvo fiki rẹ Ọrovwohwo Ọghẹnẹ rọye udu rẹ Devid da gan.