Ọbe ri Pọl si rhe Ihwo ri Rom 4:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Kidie ọ da dianẹ Ebraham rease vwi fiki rẹ iruo, yo vwo obo rọ vwọ yan eyan, yẹ ẹkẹvuọvo yọ dia obaro rẹ Ọghẹnẹ-ẹ.

Ọbe ri Pọl si rhe Ihwo ri Rom 4:2 ပူးပေါင်းရင်းမြစ်များ

Jẹnẹsis 12:18

Etiyin Fero de se Ebram, ọ da ta, Ọnana die wo ru kẹ vwẹ na? Kidie wọ gbe ta kẹ vwẹ nẹ aye wẹ-ẹn?

Jẹnẹsis 12:20

Fero da kpokpa kẹ ihwo rọye kpahe Ebram, ayen de suo ro ughere, te aye rọye kugbe ihwo ro vwori ejobi.

Izikiẹl 8:9

Ọ da ta k vwẹ, Ro uwevwi, re wọ ra mrẹ ẹgua ogbegbo rẹ ayen gbe vwẹ etinẹ

Ọbe ri Pọl si rhe Ihwo ri Rom 15:17

Vwẹ ọtiọye na, ke me sa yan eyan rẹ iruo ri mi ru kẹ Ọghẹnẹ vwẹ evun ri Kristi Jesu.

1 Kọrẹnt 1:29

rere ohwo rẹ akpọ vwo jẹ eyan ẹyan vwẹ obaro rẹ Ọghẹnẹ.

1 Kọrẹnt 1:31

fiki rẹ ọtiọye na, kirobo re siro, Jẹn ohwo rọ yan eyan ejobi, vwẹ Ọrovwohwo yan eyan.

1 Kọrẹnt 4:7

Kidie ono re mrẹ ofẹnẹ vwẹ oma rẹ ovwan? Die wo vwori ro jẹ uwe obọ e te? Wo de rhe vwo nu, die wọ rha vwọ yan eyan kerẹsiẹ ra mrẹ nẹ ọphẹ wọ mrẹ rẹ-ẹ?

1 Kọrẹnt 9:16

Kidie mi de ghwoghwo iyẹnrẹ esiri na, ọyena dia obo re sorọ me vwọ yan eya-an. Kidie a gbarọ mu vwẹ. Ekan kẹ vwẹ ọ da dianẹ mi ghwoghwọ iyẹnrẹ esiri na-a!

2 Kọrẹnt 11:12

Obo ri mi ruẹ na ọye mi ji ru, rere ayen otu re vwẹ iruo rẹ ayen ruru vwọ yan eyan na vwọ mre vughe nẹ obo rẹ ayen ruẹ vẹ ọ rẹ avwanre dia abọvo-o.

2 Kọrẹnt 11:30

Ọ da dianẹ ke me yan eyan, ke me yan eyan rẹ obo ri dje ovwiẹre mẹ phia.

2 Kọrẹnt 5:12

Ọ dianẹ kẹ avwanre rhoma jiri oma rẹ avwanre kẹ ovwa-an ẹkẹvuọvo me kẹ ovwan uphẹ rere ovwan sa vwẹ avwanre yan eyan, rere ovwan vwọ sa kpahe kẹ ayen otu re vwẹ ẹdia re mu ayen phihọ vwọ yan eyan yọ dianẹ udu rọye-e.

Galesha 3:22

Ẹkẹvuọvo ọbe ọfuanfon na de ke emu na ejobi ba umwemwu, rere obo re ve kẹ esegbuyota vwi Jesu Kristi a sa vwọ kẹ ayen otu ri segbuyota.

Ẹfesọs 2:9

Ọ dia ifiki rẹ iruo-o, rere ohwo vwo jẹ eyan ẹyan.

Filipae 3:9

ra mrẹ vwẹ vwẹ evun rọye, ọ dianẹ ki mi rhe vwo ọvwata rẹ obọ mẹ, ro nẹ oma rẹ urhi rhe-e, ẹkẹvuọvo ọ rọ wan esegbuyota vwẹ evun ri Kristi rhe, ọvwata ro nẹ obọ rẹ Ọghẹnẹ rhe fiki rẹ esegbuyota;

Joshua 24:2

Joshua da ta kẹ ihwo na ejobi. Enẹ Ọrovwohwo tare, Ọghẹnẹ rẹ Izrẹl, Vwẹ ọke rẹ awanre, obo ovrẹn ri Yufretis ọye esẹ rẹ ovwan diare, Terah, ọse rẹ Ebraham vi Nahọr; ayen da gọ edjọ efa.