Ọbe ri Pọl si rhe Ihwo ri Rom 4:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ kirobo re siro, Me vwẹ owẹ ru ọsẹ rẹ ẹghorho buebu–vwẹ obaro rẹ Ọghẹnẹ ru wo segbuyota, rọ vwẹ arhọ kẹ orivwi ro ma emu ra mama jovwo-o phihọ akpọ na.

Ọbe ri Pọl si rhe Ihwo ri Rom 4:17 ပူးပေါင်းရင်းမြစ်များ

Jẹnẹsis 17:16

Ke Me nẹ ẹrhovwo kẹ, ọ rọ marho ke Me kẹ ọmọ vwiẹ kẹ wẹ; ki mi bruphihọ kẹ, ko dia oni rẹ ẹgborho buebu; ivie rẹ ihwo ki nẹ agada rọye rhe.

Jẹnẹsis 17:20

Vwọ kẹ Ishmael, mi nyo we; nighe, mi bruphihọ kẹ, kọ dia ọmiọvwọ ko ji bu gangan; kọ dia isun ihwivẹ, kọ dia ẹgborho rode.

Jẹnẹsis 28:3

Ọghẹnẹ ro vwo Ẹgba o bruphihọ kẹ wẹ ro ru we ogbaọmiọvwọ ru wo bu, ru wọ rhe dia egbotu.

Aizaya 43:6

Ke Me ta kẹ obohwẹre ọnre, siobọ wẹn nẹ ayen, kẹ obọrhe ọnre, Wọ gbe yọnrọ-ọn, reyọ emọ Mẹ nẹ ogboko rhe emetẹ Mẹ nẹ ẹtan rẹ akpọ na rhe,

Aizaya 44:7

Ono re họhọ ovwẹ? E jẹn ọ rhọvwọ, e jọ ta ro dje phia kẹ vwẹ mrẹ Onọ ri ghwoghwo obo re cha phia nẹ awanre rhe? Gbe jẹn ayen ta kẹ avwanre obo ri che ru vwẹ obọ.

Aizaya 48:13

Obọ Mẹ Me vwọ tọn uchivwo rẹ otọ na, obọrhe Mẹ re riẹn idjuvwu na phihọ ọke Mi vwọ sa ayen ayen de mudia kugbe.

Aizaya 49:12

No, enana cha no ogboko rhe, nighere, enana cha nẹ obọhwẹre vẹ obuko ọnre rhe, enana ki che nẹ obọ ri Syene rhe.

Aizaya 51:2

Ki Ebraham rẹ ọsẹ wẹn kugbe Sera ro vwiẹ wẹ, kidie ọke re ọye ọvo sogono vwọ herọ Mi de se, Me da nẹ ẹrhovwo kẹ mi de ruo bu.

Aizaya 55:12

Kidie kọ yan phia vẹ aghọghọ, ke suo phia vwẹ ufuoma, te ugbenu ride vẹ itete ke ka obaro kẹ weẹ vẹ ine ẹsuọ irhe rẹ aghwa na ke cha fabọ rayen.

Matiu 3:9

we roro nẹ avwanre emọ rẹ Ebrahamu-u, kidie Ọghẹnẹ sa rhẹriẹ ibieragha nana hirhe vwọ emọ kẹ Ebraham.

Iyẹnrẹ Esiri ri Jọn 5:21

Kidie kirobo rẹ Ọsẹ na kpare irivwi vrẹn na ọ da vwẹ arhọ kẹ ayen na, ọtiọye rhe Ọmọ na je vwẹ arhọ kẹ ayen otu ri jere.

Iyẹnrẹ Esiri ri Jọn 5:25

Uyota, uyota, me ta kẹ owẹ, ọke cha, o te nu vwẹ asakiephana rẹ irivwi de che nyo urhuru rẹ Ọmọ rẹ Ọghẹnẹ, otu ri nyori ke rhọ.

Iyẹnrẹ Esiri ri Jọn 6:63

Erhi na re kẹ arhọ, uvwo fi erere ọvuọvoo; eta na re me ta kẹ ovwan na eye hẹ erhi kugbe arhọ.

Iruo rẹ Iyinkọn na 15:18

Ọrovwohwo na re tarọ, ọ rọ nẹrhẹ a riẹn ọnana nẹ awanre rhe.

Ọbe ri Pọl si rhe Ihwo ri Rom 3:29

Eyẹ Ọghẹnẹ kẹ Ọghẹnẹ rẹ ihwo ri Ju ọvo? Ọ rha je dia Ọghẹnẹ rẹ ihwo ri Keferi-i? E, je hẹ Ọghẹnẹ rẹ ihwo ri Keferi rhe.

Ọbe ri Pọl si rhe Ihwo ri Rom 4:18

Vwẹ iphiẹrohọ o de segbuyota jo rhẹro, rere ọ rhe vwọ dia ọsẹ rẹ ẹgborho buebu; kirobo ra ta kẹ jovwo, Ọtiọye uvwiẹ wẹn cha dia.

Ọbe ri Pọl si rhe Ihwo ri Rom 4:2

Kidie ọ da dianẹ Ebraham rease vwi fiki rẹ iruo, yo vwo obo rọ vwọ yan eyan, yẹ ẹkẹvuọvo yọ dia obaro rẹ Ọghẹnẹ-ẹ.

Ọbe ri Pọl si rhe Ihwo ri Rom 8:11

Ọ dianẹ Erhi rẹ ohwo rọ kpare Kristi vrẹn nẹ ughwu na da hẹ evun rẹ ovwan, ohwo rọ kpare Kristi vrẹn nẹ ughwu na kọ je vwẹ arhọ kẹ ugboma rẹ ovwan ro ghwẹ na fiki rẹ Erhi rọye rọ hẹ evun rẹ ovwan.

Ọbe ri Pọl si rhe Ihwo ri Rom 9:11

dede na ye ji vwiẹ aye-en re ji vughe erhuvwu vẹ obrabra raye-en, rere idjerhe rẹ Ọghẹnẹ vwọ sanọ ihwo vwo mudia, ọ dia fiki rẹ iruo-o ẹkẹvuọvo fiki rẹ use rọye,

Ọbe ri Pọl si rhe Ihwo ri Rom 9:26

Vwẹ evun rẹ asan ra da ta kẹ ayen, Ovwan dia ihwo mẹ-ẹ, ke che se ayen emọ rẹ Ọghẹnẹ ro je ghwo na.

1 Kọrẹnt 1:28

Ọghẹnẹ jẹ otu ri kpotọ kugbe otu ra jẹfia vwẹ akpọ na reyọ, obo re herọ dede-e, rere o vwo hirhe obo re herọ dẹn na vwọ hẹ emu diodi,

1 Kọrẹnt 15:45

Kenẹ e siro, Ohwo rẹsosuọ Adam da rhe dia ohwo ọkpokpọ; Adam rọ ka uko da rha dia ohwo rọ kẹ erhi rọ kẹ arhọ.

1 Timoti 6:13

Ọbaro rẹ Ọghẹnẹ rọ vwẹ arhọ kẹ emu ejobi na, kugbe ọ ri Kristi Jesu rọ dia obaro ri Pọntiọs Pailet de se iseri rọ da je rhọvwe omamọ rẹ ẹrhọvwọ,

Hibru 11:12

Vwẹ oma rẹ ohwo ọvo na, ro ji ghwẹ na, kọye a wan vwiẹ uvwiẹ ro buru kerẹ isio rẹ obenu na, kerẹ ehavwo rẹ oma rẹ abadi re je se kere.

Hibru 11:3

Vwẹ esegbuyota avwanre vwọ riẹn nẹ ota rẹ unu Ọghẹnẹ vwọ ma akpọ, vwẹ ọtiọye na obo ra mrẹ na, emu re ji rhie ẹro mrẹ dẹvo-o eye a vwọ ma ayen.

Hibru 11:7

Vwẹ esegbuyota ọye Ọghẹnẹ vwọ vuẹ Noa kpahe obo re cha phia ra je mrẹ-ẹ, o da djẹ oshọ ra kare okọ ro vwo sivwi evwruwevwi rọye, vwẹ oma rẹ ọnana o vwo brorhiẹ hwe akpọ na ọ da rhe dia ọreuku rẹ ọvwata rọ wan oma rẹ esegbuyota rhe.

1 Pita 2:10

Devure ovwan dia ihwo jovwo-o ẹkẹvuọvo asakiephana ovwan kẹ ihwo rẹ Ọghẹnẹ; ovwan je mrẹ arodọvwẹ jovwo-o ẹkẹvuọvo asakiephana ovwan mrẹ arodọvwẹ reyọ re.

2 Pita 3:8

Ẹkẹvuọvo ovwan sian uyota nana ọvuọvo-o, imoni, nẹ ẹdẹ ọvo vwẹ obọ rẹ Ọrovwohwo ọ họhọ ikpe uriori, ikpe uriori ọ họhọ ẹdẹ ọvo.