Ọbe ri Pọl si rhe Ihwo ri Rom 3:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Kidie rha phia ọ da dianẹ evo vwẹ usun rẹ ayen rhe vwo esegbuyota-a? Ki jesegbuyota evwo rayen se miovwo esegbuyota rẹ Ọghẹnẹ?

Ọbe ri Pọl si rhe Ihwo ri Rom 3:3 ပူးပေါင်းရင်းမြစ်များ

Une rẹ Ejiro 84:7

Ayen yan nẹ ogangan ra ro ogangan; Ọghẹnẹ rẹ eghẹnẹ ejobi ka mrẹ vwi Zayọn.

Aizaya 55:11

ọtiọye ota Mẹ ro ne unu Mẹ rhe; che se fiabọ-ọ, ẹkẹvuọvo o ru obo ri mi jiro gba, obo mi jiro no ru ko yovwi.

Ukeri 23:19

Ọghẹnẹ dia ohwo, rọ vwọrọ ofia-an, eyẹ ọmọ rẹ ohwo, ro se kuẹrhẹriẹ-ẹ ọ ta nure, o gbi rhe ruo? Eyẹ rọ vwọ ta nu na, o gbi rhe se ruo gba?

Matiu 24:35

Odjuvwu vẹ akpọ cha wan, ẹkẹvuọvo ota mẹ se she fia-a.

Iyẹnrẹ Esiri ri Jọn 1:16

Nẹ oma rẹ ọvọnvọn rọye avwanre ejobi, da mrẹ ẹserọphẹ kpahe ẹserọphẹ reyọ.

Ọbe ri Pọl si rhe Ihwo ri Rom 10:16

Ẹkẹvuọvo ọ dia ayen ejobi re kerhọn rẹ iyẹnrẹ esiri na-a; kidie Aizaya tare, Ọrovwohwo, ono se iyẹnrẹ esiri rẹ avwanre ghwoghwori na gbuyota?

Ọbe ri Pọl si rhe Ihwo ri Rom 11:29

Kidie okẹ kugbe use rẹ Ọghẹnẹ a sa rhan rhivwi-i.

Ọbe ri Pọl si rhe Ihwo ri Rom 9:6

Ọ dianẹ kẹ ota rẹ Ọghẹnẹ je ruo gba-a. Kidie ọ dia ihwo ejobi ri nẹ uvwiẹ rẹ Izrẹl rhe hẹ ihwo rẹ Izrẹli-i,

2 Kọrẹnt 3:18

Avwanre ejobi, re vwẹ oga rhurhu opharo-o na, ri nẹ urinrin rẹ Ọrovwohwo na, e re kuẹ avwanre rhẹriẹ kpo uhoho rọye nẹ edje rẹ urinrin ọvo ra ro ọfa; kidie ọnana nẹ obọ rẹ Ọrovwohwo na rhe rẹ ọye ọvo hẹ Erhi na.

2 Tẹsalonaika 1:3

Ọ gba avwanre ohọre imoni, re a kpẹvwẹ Ọghẹnẹ kẹ ovwan kọke kọke, kirobo ro fori, fikiridie esegbuyota rẹ ovwan ra rhua phihọ, kugbe ẹguọnọ rẹ ovwan ohwohwo vwọ kẹ ohwo re buẹ phihọ rhe.

2 Timoti 2:13

ọ da dianẹ avwanre vwo esegbuyota-a dede, yo vwo esegbuyota kidie ọ sa sen omaobọ rọye-e.

Hibru 4:2

Kidie e gbe ikun esiri na kẹ avwanre kirobo re ji gbe kẹ ayen; ẹkẹvuọvo ota na rẹ ayen nyori na fi erere kẹ aye-en, fikiridie a mrẹ esegbuyota vwẹ oma rẹ ayen otu ri nyoro-o.

1 Samuẹl 15:29

Urinrin rẹ Izrẹl na sa vwọrọ efia-an eyẹ ọ rhẹriẹ-ẹ; kidie ọ dia ohwo rẹ akpọ, ro kuẹrhẹriẹ-ẹ.