Ọbe ri Pọl si rhe Ihwo ri Rom 3:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ ko vwiro dje vwẹ ọke nana nẹ ekpuyovwi rọye ọvwata nẹ ọ sa vwẹ ase kẹ ohwo ro vwo esegbuyota kpahe Jesu.

Ọbe ri Pọl si rhe Ihwo ri Rom 3:26 ပူးပေါင်းရင်းမြစ်များ

Aizaya 42:21

Ivun vwerhe Ọrovwohwo fiki rẹ ọvwata rọye, ro ru urhi rọye rho ro nu urinrin.

Aizaya 45:21

Dje ru wo gu ẹdjọ wẹn rhe jẹn ayen jẹ iroro kugbe Ono ri gbe ikun nana rhabae? Ono ri djere vwẹ ọke rẹ awanre? O dia Mẹvwẹ, rẹ Ọrovwohwo na? Yẹ Ọghẹnẹ ọfa gbe herọ ba vwẹ-ẹ, Ọghẹnẹ rẹ ọvwata kugbe Osivwi, ọfa gbe herọ vrẹn vwẹ-ẹ

Zẹfanaya 3:15

Ọrovwohwo si orhiẹ rẹ obruhwe we nẹ uwe oma, ọ djẹ ivwighrẹ wẹn nẹ uwe oma Ovie rẹ Izrẹl na, Ọrovwohwo na, ọ hẹ uherevie wẹn, wọ gbe djẹ oshọ rẹ umiovwo ọfa-a.

Zẹfanaya 3:5

Ọrovwohwo rọ hẹ evun rọye na ọvwata o ruẹ, o ruẹ obo re chọrẹ-ẹ; kirhiọke kirhiọke o vwo dje ọsoso rọye phia, ọke rọ rhieri chọ obọ-ọ; ẹkẹvuọvo ohwo rọ dia ọsosọ-ọ riẹn omaẹvuọ-ọ.

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

Iyẹnrẹ Esiri ri Luk 1:80

Ọmọ na da rhe rho ọ da rhe vọn vẹ erhi, ọ da dia evun rẹ aghwa bẹsiẹ rọ ke vwẹ oma phia kẹ Izrẹl.

Ọbe ri Pọl si rhe Ihwo ri Rom 3:25

Ohwo rẹ Ọghẹnẹ vwẹ ọbara rọye vwọ hwa osa na, re a sa vwẹ esegbuyota vwọ reyọ. Ọnana kọye e vwo dje ọvwata rẹ Ọghẹnẹ, fikiridie vwẹ evun rẹ akoechiro rọye ọ da vwẹ imwemwu rẹ awanre ejobi vwọ vrẹn avwanre;

Ọbe ri Pọl si rhe Ihwo ri Rom 3:27

Eriyin na kẹ otọ rẹ eyan rẹ avwanre na rhọ? E si ọyena no. Ki didi idjerhe? Vwẹ idjerhe rẹ iruo? Ẹjo, ẹkẹvuọvo vwẹ idjerhe rẹ esegbuyota.

Ọbe ri Pọl si rhe Ihwo ri Rom 3:30

Kidie Ọghẹnẹ ọvuọvo; ọye sa vwẹ ase kẹ ihwo re yanvwere fiki rẹ esegbuyota rayen kugbe ijẹyanvwọ fiki rẹ esegbuyota rayen.

Ọbe ri Pọl si rhe Ihwo ri Rom 4:5

Ẹkẹvuọvo vwọ kẹ ohwo ro ru iruo-o ẹkẹvuọvo rọ da vwẹ ẹro so ohwo rọ vwẹ ase kẹ ohwo umwemwu, esegbuyota rọye ke kere phihọ ọvwata.

Ọbe ri Pọl si rhe Ihwo ri Rom 8:33

Kono se kere oruchọ ba ihwo rẹ Ọghẹnẹ sanọre obọ? Ọghẹnẹ ri se brorhiẹ.

Urhi Rivẹ 32:4

Oragha na, iruo rọye gbare; kidie idjerhe rọye ejobi ọsoso. Ọghẹnẹ rẹ uyota ro vwo umwemwu-u, ọvwata vẹ ohwo ọsoso o ruẹ.

Ẹvwọphia 15:3

Ayen da so une ri Mosis, Odibo rẹ Ọghẹnẹ na, kugbe une rẹ Omogodẹ na, tanẹ, Iruo wẹn pha rhuarho igbunu, E Ọrovwohwo Ọghẹnẹ Ọrovwoẹgba! Ọsoso kugbe uyota hẹ idjerhe wẹn, E Ovie rẹ oge ejobi.