Ọbe ri Pọl si rhe Ihwo ri Rom 3:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Ohwo rẹ Ọghẹnẹ vwẹ ọbara rọye vwọ hwa osa na, re a sa vwẹ esegbuyota vwọ reyọ. Ọnana kọye e vwo dje ọvwata rẹ Ọghẹnẹ, fikiridie vwẹ evun rẹ akoechiro rọye ọ da vwẹ imwemwu rẹ awanre ejobi vwọ vrẹn avwanre;

Ọbe ri Pọl si rhe Ihwo ri Rom 3:25 ပူးပေါင်းရင်းမြစ်များ

Une rẹ Ejiro 119:142

Ọvwata wẹn ọvwata rhiri bẹdẹ, urhi wẹn je hẹ uyota.

Une rẹ Ejiro 22:31

ke che ghwoghwo esivwo kẹ ihwo re che vwiẹ vwẹ obọ nẹ ọye ri ru ọnana.

Une rẹ Ejiro 40:10

Mi si ota rẹ esivwo rẹ ọchuko wẹn nu vwe evun re udu mẹ-ẹ. Me ta ota re esegbuyota wẹn kugbe esivwo wẹn, Mi ji si ẹguọnọ ro jẹ rhẹriẹ na kugbe esegbuyota wẹn na nu ke ukoko wẹn rode na-a

Une rẹ Ejiro 50:6

Odjuvwu dje ọvwata rọye phia kidie Ọghẹnẹ yi brorhiẹ na kẹ oma rọye.

Une rẹ Ejiro 97:6

Idjuvwu na ghwoghwo ọvwata rọye; ihwo na ejobi ke mrẹ urinrin rọye.

Une rẹ Ejiro 98:2

Ọrovwohwo nẹrhẹ a riẹn obọẹkparọ rọye nure, ọ vwẹ orhiẹbro rọye phia vwẹ obaro rẹ ẹgborho na.

Aizaya 53:11

kọ cha mrẹ omamọ rẹ uvwiẹ ẹchuẹ rẹ erhi rọye evun kọ vọn, vwẹ erianriẹn rọye ọye ọvwata mẹ na, odibo mẹ, vwo ru ihwo buebu phihọ ọvwata; ko mu oghwa rẹ orukuruku rayen.

Livitikọs 16:10

ẹkẹvuọvo ẹvwe rẹ itẹ re Azazẹl muru na ke jovwo ọkpokpọ vwọ kẹ Ọrovwohwo na ra vwọ gọ ẹgua no oma, re vwenẹ e vwo siobọ no rọ evun rẹ aton na bru Azazẹl.

Livitikọs 16:15

Tavwe o ki rhi hwe ẹvwe ro che vwo ze izobo fiki rẹ umwemwu kẹ ihwo na ejobi, ọ Me reyọ ọbara rọye ra ro evun rẹ asan ra vwe amwa tan na, o mi ruo kirobo ro ru ọ rẹ erhuẹn ọshare na, ọ Me fẹrẹ ku enu rẹ akpanurhe rẹ arodọvwẹ na kugbe obaro rọye,

Iyẹnrẹ Esiri ri Jọn 6:47

Uyota, uyota, me ta kẹ owẹ, ohwo ro segbuyota o vwo arhọ ri bẹdẹ.

Iruo rẹ Iyinkọn na 14:16

Vwẹ ọke rẹ awanre o de kuerhọfia kẹ ẹgborho buebu rere ayen nene idjerhe ro je ayen;

Iruo rẹ Iyinkọn na 15:18

Ọrovwohwo na re tarọ, ọ rọ nẹrhẹ a riẹn ọnana nẹ awanre rhe.

Iruo rẹ Iyinkọn na 17:30

Ọke rẹ ughẹghẹ Ọghẹnẹ vwo ku opharo fia, ẹkẹvuọvo asakiephana o de ji urhi kẹ ihwo ejobi vwi kasan kasan nẹ e kurhẹriẹ,

Iruo rẹ Iyinkọn na 2:23

Jesu nana, ọye a vwọ kẹ ihwo re riẹn urhi-i re kanrọ mu agbagba hwe, kerẹ iroro rẹ Ọghẹnẹ jẹ kpahọ vẹrhe.

Iruo rẹ Iyinkọn na 3:18

Ẹkẹvuọvo obo rẹ Ọghẹnẹ wan unu rẹ emraro na ejobi ta phihọ otọ jovwo nẹ Kristi rọye cah re oja na, ọye ọ ru gba na.

Iruo rẹ Iyinkọn na 4:28

de ru kemu kemu rẹ obọ wẹn kugbe iroro wẹn jẹ phihọ otọ rhahae rhe.

Ọbe ri Pọl si rhe Ihwo ri Rom 2:4

Gbinẹ ovwan di roro arodọvwẹ rẹ Ọghẹnẹ vẹ akoechiro rọye kugbe odiri rọye phapharhe? Wa rha karohọ nẹ arodọvwẹ rọye herọ re ovwan vwo kurhẹriẹ.

Ọbe ri Pọl si rhe Ihwo ri Rom 3:26

ko vwiro dje vwẹ ọke nana nẹ ekpuyovwi rọye ọvwata nẹ ọ sa vwẹ ase kẹ ohwo ro vwo esegbuyota kpahe Jesu.

Ọbe ri Pọl si rhe Ihwo ri Rom 5:1

Rẹ avwanre vwọ rease fiki rẹ esegbuyota rẹ avwanre nure na, e gbe jẹ avwnare vẹ Ọghẹnẹ rhuẹrẹ kugbe vwẹ oma ri Jesu Kristi Ọrovwavwanre.

Ọbe ri Pọl si rhe Ihwo ri Rom 5:11

Ọ dia ọtiọye ọvo-o, ẹkẹvuọvo avwanre je ghọghọ rhe vwẹ oma rẹ Ọghẹnẹ fiki rẹ Ọrovwavwanre Jesu Kristi, rẹ avwanre wan oma rọye vwo arhuẹrẹ phihọ.

Ọbe ri Pọl si rhe Ihwo ri Rom 5:18

Etiyin na rẹ urhi ẹchọ rẹ ohwo ọvo na vwọ nẹrhẹ obruhwe dia kẹ ihwo ejobi, ọtiọye na uruemwu rẹ ọvwata rẹ ohwo ọvo na kọ nẹrhẹ esiobọ nẹ ohwo ji kugbe arhọ kẹ ihwo buebu.

Ọbe ri Pọl si rhe Ihwo ri Rom 5:9

Asakiephana, rẹ ọbara rọye vwo brorhiẹ kẹ avwanre nu na, ko ji ghwe sivwi avwanre nẹ ophu rẹ Ọghẹnẹ fiki rọye.

1 Kọrẹnt 5:7

Gbi si ubiughweri na nẹ oghwo na ro jẹriọ, rere o vwo jẹ iphughẹ evwo. Kidie Kristi, omogode rẹ ẹwanvrẹn na, e vwiro ze izobo nure.

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

Ẹfesọs 1:7

Evun rọye avwanre wan vwo ẹtanhirhe vwẹ oma rẹ ọbara rọye, evwoghovwo rẹ urhi ẹchọ rẹ avwanre, kirobo rẹ ẹserọphẹ rọye bute

Ẹfesọs 2:13

Asakiephana vwẹ evun ri Kristi Jesu ovwan re epha shesheri jovwo ke rhi si ovwan kẹrẹ vwẹ evun rẹ ọbara ri Kristi.

1 Timoti 1:15

Ọnana omamo rẹ ora ro fori rẹ ihwo ejobi reyọ nẹ, Kristi Jesu rhe akpọ na rhi sivwi iruimwemwu. Mẹvwẹ hẹ onotu rẹ iruimwemwu;

Hibru 10:4

Kidie ọ pha bẹnbẹn rere ọbara rẹ ẹvwe kugbe irhuẹn vwọ sa ghwẹ imwemwu nu.

Hibru 11:14

Kidie ihwo re ta ọnana djere phia phẹphẹ nẹ ayen guọnọ ẹdia rẹ obọ rayen.

Hibru 11:17

Vwẹ esegbuyota, vwẹ ọke ra vwọ davwẹ Ebraham ni, ọ da vwẹ Aizik gọ iye, ohwo re ve ive na kẹ da choma rọ vwọ vwẹ ọmọ rọye ọvuọvo na gọ iye,

Hibru 11:7

Vwẹ esegbuyota ọye Ọghẹnẹ vwọ vuẹ Noa kpahe obo re cha phia ra je mrẹ-ẹ, o da djẹ oshọ ra kare okọ ro vwo sivwi evwruwevwi rọye, vwẹ oma rẹ ọnana o vwo brorhiẹ hwe akpọ na ọ da rhe dia ọreuku rẹ ọvwata rọ wan oma rẹ esegbuyota rhe.

Hibru 9:28

Vwẹ ọtiọye na ra vwọ vwi Kristi gọ iye ẹsiẹvo nure na rọ ghwa imwemwu rẹ ihwo buebu nu na, kọ je cha rhe vwẹ obọ rivẹ, ọ dianẹ kẹ umwemwu ọ cha ghwọrọ-ọ ẹkẹvuọvo ko che sivwi ayen otu re vwẹ erhiori hẹrhẹ.

Hibru 9:5

Cherobim da hẹ enu rọye vẹ urinrin rọye ro lo muẹ akpanurhe rẹ aruẹdọn na. Ẹ rhe se gbe ikun nana fiotọ vwẹ asakiephana-a.

1 Jọn 1:10

Avwanre da ta nẹ avwanre ji ru umwemwu dẹvo-o, yẹ avwanre phiro phihọ ọvwọrọn ofian, ota rọye gbe hẹ evun rẹ avwanre-e.

1 Jọn 2:2

ọye hẹ ofuophu rẹ imwemwu rẹ avwanre, ọ dia ọ rẹ avwanre ọvo-o ẹkẹvuọvo ji te ọ rẹ akpọ na ejobi.

1 Jọn 4:10

Ọnana hẹ ẹguọnọ, ọ dianẹ kẹ avwanre re guọnọ Ọghẹnẹ-ẹ ẹkẹvuọvo ọye re guọnọ avwanre o de ji Ọmọ rọye rhe rhe rhuẹrẹ arhuẹrẹ fiki rẹ imwemwu rẹ avwanre.

Ẹvwọphia 1:5

ji nẹ obọ ri Jesu Kristi oseri rẹ uyota na, ọmọkpako ro ke ghwu varhe, kugbe osun rẹ ivie rẹ akpọ na. Ọye hẹ ohwo rọ guọnọ avwanre ọ da vwẹ ọbara rọye tan avwanre nẹ imwemwu rẹ avwanre

Ẹvwọphia 13:8

ayen ejobi ri sheri vwẹ akpọ na ke cha gọ, kohwo kohwo re ji si odẹ rọye phihọ ọbe rẹ arhọ rẹ Omogodẹ re hweri na nẹ ẹtuọhọ rẹ akpọ na rhe-e.

Ẹvwọphia 20:15

a rha mrẹ odẹ rẹ ohwo re siri phihọ ọbe rẹ arhọ na-a, ka kparọ phihọ ẹtẹrhe rẹ erhanre na.

Ẹvwọphia 5:9

ayen da so une ọkpokpọ, tanẹ, Wọwẹ hẹ ohwo ro fori rọ sa reyọ ọbe na ro de se rhie isiaphrẹ rọye, kidie e hwe we jovwo ọbara wẹn kọye wọ vwọ tan ihwo hirhe kẹ Ọghẹnẹ nẹ orua korua kugbe ephẹrẹ kugbe ihwo kugbe ẹgborho,