Ọbe ri Pọl si rhe Ihwo ri Rom 3:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Kidie ihwo ejobi ru umwemwu o rhe jẹ urinrin rẹ Ọghẹnẹ dia oma rẹ avwanre-e.

Ọbe ri Pọl si rhe Ihwo ri Rom 3:23 ပူးပေါင်းရင်းမြစ်များ

Jẹnẹsis 8:21

Ọke rẹ Ọrovwohwo vwo nyo ọnrhe ghwoghwo rẹ izobo na, Ọrovwohwo da ta vwẹ udu rọye, Me gbe harhe otọ na ọfa vwi fiki rẹ ohwo-o, kidie iroro rẹ evun rọye nẹ ọke-emọ rhe pha brabra, eyẹ Me gbe ghwọrọ emu kemu ro vwo arhọ re Me mare ọfa-a.

1 Ivie 8:46

Ọ da dianẹ ayen ru umwemwu kpahe owẹ–kidie o vwo ohwo ro jẹ umwemwu eruo-o rẹ ivun rẹ ayen de miovwo uwe, ru wo de siobọ nẹ ayen kẹ ọvweghrẹ, re de mu ayen ighuvwu kpo otọ rẹ ivwighrẹ na, ọ kẹre eyẹ o sheri;

Aghwoghwo 7:20

Omuẹro o vwo ọvwata ọvuọvo vwẹ akpọ na ro jẹ imwemwu e ruo-o.

Ọbe ri Pọl si rhe Ihwo ri Rom 1:28

Kirobo rẹ ayen rha rhọvwe reyọ phihọ Ọghẹnẹ na-a, Ọghẹnẹ de siobọ nẹ ayen kẹ udu ọbrabra rẹ ayen re ayen vwo ru obo ri je ayen.

Ọbe ri Pọl si rhe Ihwo ri Rom 11:32

Kidie Ọghẹnẹ phoro ijẹọghọ evwo rẹ ovwan ejobi kufia, rere ọ vwọ mrasan reyọ ovwan ejobi.

Ọbe ri Pọl si rhe Ihwo ri Rom 3:19

Asakiephana avwanre riẹnre nẹ kemu kemu rẹ urhi tare ọ tarọ kẹ ayen otu re hẹ otọ rẹ urhi, rere unu ri kohwo kohwo rọ phraphro vwo rhurhu, rere ihwo rẹ akpọ ejobi vwọ hẹrhẹ orhiebro ro nẹ obọ rẹ Ọghẹnẹ rhe.

Ọbe ri Pọl si rhe Ihwo ri Rom 3:9

Kidie oyena firi? Avwanre ihwo ri Ju ri me yovwi? Ẹjo, kaka vwo; kidie me ta nure nẹ ihwo ejobi, te ihwo ri Ju kugbe ihwo ri Grik, hẹ otọ rẹ ogangan rẹ umwemwu,

Ọbe ri Pọl si rhe Ihwo ri Rom 5:2

Oma rọye avwanre wan vwo ẹserọphẹ rẹ avwanre mudia phihọ na, avwanre ke ghọghọ vwẹ iphiẹrohọ nẹ avwanre vwo ẹkẹn vwẹ urinrin rẹ Ọghẹnẹ na.

Galesha 3:22

Ẹkẹvuọvo ọbe ọfuanfon na de ke emu na ejobi ba umwemwu, rere obo re ve kẹ esegbuyota vwi Jesu Kristi a sa vwọ kẹ ayen otu ri segbuyota.

1 Tẹsalonaika 2:12

Avwanre rẹre rere eyere rẹ ovwan se vwo she phihọ kerẹ emọ rẹ Ọghẹnẹ re se rhe re uvie robọ rọye kugbe urinrin rọye.

2 Tẹsalonaika 2:14

Ọnana kọye o se ovwan rhe vwẹ oma rẹ iyẹnrẹ esiri rẹ avwanre, ọtiọye na rere ovwan vwo se vwo urinrin rẹ Ọrovwohwo Jesu Kristi.

Hibru 4:1

Eriyin na, ovwan gba kẹnoma ọ rha dia eriyi-in, ive ro ve phihọ kẹ avwanre na nẹ avwanre kpo omaerovwo rọye na vwo jẹ ovwan abọ ẹva.

1 Pita 4:13

Ẹkẹvuọvo ghọghọ ra vwọ mrẹ nẹ wọ je re vwẹ ekẹn oja ri Kristi, rere ovwan sa vwọ ghọghọ re oma vwerhe ovwan vwẹ ọke rẹ urinrin rọye da cha phia.

1 Pita 5:1

Vwẹ ọtiọye na mi bru ekpako re hẹ ohri rẹ ovwan uche, kidie okpuyovwi mẹ je vwẹ okpako kugbe oseri rẹ oja ri Kristi kugbe ohwo ro ji vwo obọ vwẹ urinrin ra cha vwọ phia na.

1 Pita 5:10

Ọke rẹ ovwan da reoja nu emerha, Ọghẹnẹ rẹ ẹserọphẹ ejobi, ro se ovwan rhe urinrin rọye ri bẹdẹ na vwi Kristi, okpuyovwi rọye kọ rhoma vọn, kọ vwẹ owọ rẹ ovwan muotọ, kọ kẹ ovwan ogangan.