Ọbe ri Pọl si rhe Ihwo ri Rom 3:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² ọvwata rẹ Ọghẹnẹ vwẹ oma rẹ esegbuyota vwi Jesu Kristi ọ herọ kẹ ihwo ejobi ri segbuyota. Ọ vwo ofẹnẹ-ẹ.

Ọbe ri Pọl si rhe Ihwo ri Rom 3:22 ပူးပေါင်းရင်းမြစ်များ

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Jerimaya 23:6

Juda kọ rhọ vwẹ ẹdẹ rọye na, Izrẹl kọ dia egbẹrhẹnẹdẹ. Ọnana ọye odẹ re vwo se Ọrovwohwo ọvwata rẹ avwanre.

Daniẹl 9:24

E bru ẹdidjana ujorha gbẹ ihwe rẹ ukpe vwọ kẹ ihwo wẹn vẹ orere ọfuanfon wẹn, re ogbeku na vwo re, re umwemwu ji vwo re, ra vwọ rhuẹrẹ arhuẹrẹ fiki rẹ orukuruku, bẹsiẹ ra vwọ reyọ ọvwata ri bẹdẹ vwọ rhe uwevwi bẹsiẹ re vwo rhurhu evwerhẹ vẹ aruẹmrẹ, bẹsiẹ ra vwọ vwẹ evwri te asan rọ ma fọn na,

Iyẹnrẹ Esiri ri Luk 15:22

Ẹkẹvuọvo ọsẹ na da ta kẹ idibo rọye, Jọphẹre ra reyọ adagba rhe, re kuo phihọ, ru we ku isa phihọ obọ, ku isabato phihọ awọ;

Iruo rẹ Iyinkọn na 11:12

Erhi na da vuẹ vwẹ nẹ mi gbe ghwe nene ayen yanran. Imoni esan nana da vwọ kpahe ovwẹ, ra ro uwevwi rẹ ọshare na.

Iruo rẹ Iyinkọn na 15:9

o phi ofẹnẹ phihọ uvwre rẹ avwanre vẹ aye-en, ẹkẹvuọvo ọ de ru udu rayen fon fiki rẹ esegbuyota.

Iruo rẹ Iyinkọn na 3:16

Vwẹ odẹ rọye kugbe esegbuyota vwọ kpahe odẹ rọye na, ọye ru ohwo nana rẹ ovwan mrẹre na rẹ ovwan je riẹn na gan. Esegbuyota rọ wan oma ri Jesu rhe na ọye kẹ ohwo nana oma ọkpokpọ vwẹ irharo rẹ ovwan ejobi na.

Ọbe ri Pọl si rhe Ihwo ri Rom 1:17

Kidie iyẹnrẹ esiri na re vwẹ ọvwata rẹ Ọghẹnẹ phia vwẹ oma rẹ esegbuyota fiki rẹ esegbuyota; kirobo re siro, Ohwo rọ wan oma rẹ esegbuyota dia ọvwata kọ rhọ.

Ọbe ri Pọl si rhe Ihwo ri Rom 10:12

Kidie ofẹnẹ herọ kẹ ihwo ri Ju vẹ ihwo ri Griki-i; Ọrovwohwo ọvuọvo na ọye hẹ Ọrovwohwo ro vwo emu ejobi, ọ vwẹ efe rọye kẹ ihwo ejobi ri se odẹ royẹ.

Ọbe ri Pọl si rhe Ihwo ri Rom 10:4

Kidie, Kristi hẹ oba rẹ urhi na, rere ohwo kohwo ro vwo esegbuyota vwọ sa rease.

Ọbe ri Pọl si rhe Ihwo ri Rom 2:1

Wọ rha mrasa gun phihọ-ọ oghẹre rẹ ohwo re wọ epha ejobi wẹ ro brorhiẹ hwe ihwo efa na, obo ri wo brorhiẹ rẹ ihwo na eriyin wo ji ghwe brẹ hwe omaobọ wẹn, fikiridie wẹ, rẹ obrorhiẹ na ji ghwe ruẹ ọtiọye rhe.

Ọbe ri Pọl si rhe Ihwo ri Rom 3:30

Kidie Ọghẹnẹ ọvuọvo; ọye sa vwẹ ase kẹ ihwo re yanvwere fiki rẹ esegbuyota rayen kugbe ijẹyanvwọ fiki rẹ esegbuyota rayen.

Ọbe ri Pọl si rhe Ihwo ri Rom 4:16

Kọye sorọ rẹ emu na vwọ hẹ obọ rẹ esegbuyota, rere ive na vwọ sa vwẹ oma da ẹserọphẹ rọ dia kri kẹ uvwiẹ rọye ejobi– ọ dianẹ kẹ ihwo re yọnrọn urhi na ọvo-o ẹkẹvuọvo je kẹ ayen otu ri vwo esegbuyota rẹ Ebraham, kidie ọye hẹ ọsẹ rẹ avwanre ejobi,

Ọbe ri Pọl si rhe Ihwo ri Rom 8:1

Asakiephana o rhe vwo obruhwe kẹ ayen otu re herọ vwẹ evun ri Jesu Kristi-i.

Ọbe ri Pọl si rhe Ihwo ri Rom 9:30

Kidie avwanre rha ta? Nẹ ihwo ri Keferi re gbẹn idjerhe rẹ ọvwata jovwo-o rhoma rhe dia evwata, kọye hẹ, ọvwata vwẹ oma rẹ esegbuyota;

1 Kọrẹnt 12:13

Kidie a vwẹ ame kẹ avwanre vwẹ oma rẹ Erhi ọvo phihọ ugboma ọvo na–ihwo ri Ju eyẹ ihwo ri Grik, ọviẹn eyẹ ọmuvwiẹ de ru ayen ejobi vwọ da vwẹ evun rẹ Erhi ọvuọvo na.

1 Kọrẹnt 4:7

Kidie ono re mrẹ ofẹnẹ vwẹ oma rẹ ovwan? Die wo vwori ro jẹ uwe obọ e te? Wo de rhe vwo nu, die wọ rha vwọ yan eyan kerẹsiẹ ra mrẹ nẹ ọphẹ wọ mrẹ rẹ-ẹ?

Galesha 2:16

dede ye riẹnre nẹ ohwo sa vwi fiki rẹ iruo rẹ urhi na rease-e ẹkẹvuọvo vwẹ oma rẹ esegbuyota vwi Jesu Kristi, mrẹmrẹ avwanre vwo esegbuyota vwẹ Jesu Kristi, rere vwẹ esegbuyota vwẹ oma ri Kristi avwanre vwọ sa rease, ọ dianẹ kẹ fiki rẹ iruo rẹ urhi na-a, fikiridie ọ da dia fiki rẹ iruo rẹ urhi na ohwo ọvuọvo sa rease-e.

Galesha 2:20

A kanre ovwẹ vi Kristi mu agbagba nure, ọ gbe dia omẹvwẹ re herọ na-a, ẹkẹvuọvo, kẹ Kristi re herọ vwẹ evun mẹ; akpọ ri mi yere vwẹ esegbuyota rọ hẹ oma rẹ ọmọ rẹ Ọghẹnẹ, rọ guọnọ ovwẹ rọ da vwẹ oma rọye kẹ vwẹ.

Galesha 3:22

Ẹkẹvuọvo ọbe ọfuanfon na de ke emu na ejobi ba umwemwu, rere obo re ve kẹ esegbuyota vwi Jesu Kristi a sa vwọ kẹ ayen otu ri segbuyota.

Galesha 3:28

O gbi vwo ohwo ri Ju eyẹ Grik, o gbi vwo ọviẹn eyẹ ọmuvwiẹ-ẹ, o gbi vwo ọshare eyẹ aye-e, ovwan ejobi kẹ ọvuọvo vwi Jesu Kristi.

Ẹfesọs 3:12

Oma rọye avwanre wan vwo aroeyivwo kugbe udu vwo sikẹrẹ fiki rẹ esegbuyota rẹ avwanre vwo kpahọ.

Filipae 3:9

ra mrẹ vwẹ vwẹ evun rọye, ọ dianẹ ki mi rhe vwo ọvwata rẹ obọ mẹ, ro nẹ oma rẹ urhi rhe-e, ẹkẹvuọvo ọ rọ wan esegbuyota vwẹ evun ri Kristi rhe, ọvwata ro nẹ obọ rẹ Ọghẹnẹ rhe fiki rẹ esegbuyota;

Kolose 3:11

Asan ro vwo ofẹnẹ-ẹ, o vwo Grik eyẹ Ju-u, oyanvwe eyẹ ijẹyanvwọ-ọ, Ivwevwe, Sintian, ọviẹn, ọmuvwiẹ, ẹkẹvuọvo Kristi hẹ emu ejobi, ọye ri vwo emu ejobi.

Jems 2:23

Ọbe ọfuanfon na da gba rọ tare nẹ, Ebraham de se Ọghẹnẹ gbuyọta, ọ da nẹrhẹ e kere phihọ ọvwata; e de se ugbeyan rẹ Ọgbẹnẹ.