Ọbe ri Pọl si rhe Ihwo ri Rom 3:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Kidie ọ vwo ohwo ọvuọvo rọ rease vwẹ obaro rọye fiki rẹ iruo rẹ urhi-i, fikiridie urhi na re nẹrhẹ e vwo eriẹnriẹn kpahe umwemwu.

Ọbe ri Pọl si rhe Ihwo ri Rom 3:20 ပူးပေါင်းရင်းမြစ်များ

ỌBE RẸ JOB 15:15

Nighe, Ọghẹnẹ vwẹ ẹro so otuefuanfon rọye na-a, idjuvwu na je fọn vwẹ obaro rọye-e;

Une rẹ Ejiro 130:3

Ọ dianẹ, E Ọrovwohwo, ku wo kerẹ orukuruku, Ọrovwohwo kono ri se mudia?

Une rẹ Ejiro 143:2

Wọ vwẹ odibo wẹn guẹdjọ-ọ, kidie o vwo ohwo ọkpokpọ rọ sa dia ọvwata vwẹ obaro wẹ-ẹn.

Iruo rẹ Iyinkọn na 13:39

vwẹ oma rọye a wan sivwi kohwo kohwo ro segbuyota nẹ kemu kemu rẹ urhi ri Mosis se sivwo nu-u.

Ọbe ri Pọl si rhe Ihwo ri Rom 2:13

Ọ dia ihwo ri nyo urhi eye hẹ ọvwata vwẹ obaro rẹ Ọghẹnẹ-ẹ, ẹkẹvuọvo e re vwẹ urhi na ru iruo eye re rease.

Ọbe ri Pọl si rhe Ihwo ri Rom 3:28

Kidie a reyerọ nẹ esegbuyota ọye ohwo vwọ rease ọ dia fiki rẹ iruo rẹ urhi-i.

Ọbe ri Pọl si rhe Ihwo ri Rom 4:13

Ive re ve kẹ Ebraham vẹ uvwiẹ rọye, nẹ ayen reuku rẹ akpọ na, wan oma rẹ urhi rhe-e ẹkẹvuọvo vwẹ oma rẹ ọvwata rẹ esegbuyota.

Ọbe ri Pọl si rhe Ihwo ri Rom 4:15

Kidie urhi na ghwa ophu cha, ẹkẹvuọvo asan rẹ urhi epha-a urhiẹchọ sa dia-a.

Ọbe ri Pọl si rhe Ihwo ri Rom 5:13

uyota umwemwu ghene hẹ akpọ na tavwe rẹ urhi ke rhe dia, ẹkẹvuọvo a rha vwẹ umwemwu ba keri-i fikiridie ye ji ji urhi na-a.

Ọbe ri Pọl si rhe Ihwo ri Rom 5:20

Ukuko rọye urhi da rhe, rhi ru urhi ẹchọ na bu phihọ; ẹkẹvuọvo asan rẹ umwemwu de bu, etiyin ẹserọphẹ de me buẹ.

Ọbe ri Pọl si rhe Ihwo ri Rom 7:11

Kidie umwemwu, rọ guọnọ asan vwẹ evun rẹ urhi na, da phiẹn vwẹ oma rọye kọye me wan ghwu.

Ọbe ri Pọl si rhe Ihwo ri Rom 9:32

Kidie? Fikiridie ayen wan esegbuyota gbẹn idjerhe rọye-e, ẹkẹvuọvo kẹ ayen rori nẹ fiki rẹ iruo. Ọ da nẹrhẹ uchukurhe umwemwu kprọ ayen awọ she,

1 Kọrẹnt 15:56

Obi rẹ ughwu ọye hẹ umwemwu, ogangan rẹ umwemwu ọye hẹ urhi.

Galesha 2:16

dede ye riẹnre nẹ ohwo sa vwi fiki rẹ iruo rẹ urhi na rease-e ẹkẹvuọvo vwẹ oma rẹ esegbuyota vwi Jesu Kristi, mrẹmrẹ avwanre vwo esegbuyota vwẹ Jesu Kristi, rere vwẹ esegbuyota vwẹ oma ri Kristi avwanre vwọ sa rease, ọ dianẹ kẹ fiki rẹ iruo rẹ urhi na-a, fikiridie ọ da dia fiki rẹ iruo rẹ urhi na ohwo ọvuọvo sa rease-e.

Galesha 2:19

Kidie me wan oma rẹ urhi na ghwu kẹ urhi nure rere me vwọ mrasan rhọ kẹ Ọghẹnẹ.

Galesha 5:4

Ka hẹriẹ ovwan nẹ oma ri Kristi, ovwan re guọnọ rease fiki rẹ urhi na; ovwan she nẹ ẹserọphẹ nure.

Hibru 7:19

(kidie urhi na se ruẹ emuọvo gba-a); vwẹ obọ rivẹ, ọ vwẹ omamọ rẹ iphiẹrohọ rhe, oma rọye avwanre wan sikẹre Ọghẹnẹ.