Ọbe ri Pọl si rhe Ihwo ri Rom 3:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ o vwo ohwo ọvuọvo ro vwo ẹruọ-ọ, o vwo ohwo ọvuọvo ro guọnọ Ọghẹnẹ-ẹ.

Ọbe ri Pọl si rhe Ihwo ri Rom 3:11 ပူးပေါင်းရင်းမြစ်များ

Une rẹ Ejiro 53:2

Ọghẹnẹ dia obo odjuvwu de nẹ otọ na vwẹ enu rẹ emọ rẹ ihwo sa sa mrẹ ohwo ọvo rọ ghwanre, ro nenesi rẹ Ọghẹnẹ.

Une rẹ Ejiro 53:4

Ihwo ri ruimwemwu na di vwo ẹruọ vwẹ etiyin na, re ria ihwo mẹ kerẹ ohwo ro ria ọnẹ, yẹ ayen se odẹ rẹ Ọghẹnẹ-ẹ?

Une rẹ Ejiro 94:8

Ọ ro wẹ, E ọ ro me ghẹn vwẹ usun re ihwo na! Ẹkpa na, ọkevọ wa vwọ ghwanre?

Isẹ 1:22

Mavọ okrite, ihwo igheghẹn na, rẹ ovwan ghẹn te? Otu re jehwẹ, mavọ ovwan jehwẹ krite, erianriẹn dẹ tu ekpa oma?

Isẹ 1:7

Oshọẹdjẹ rẹ Ọrovwohwo ọye ẹtuọhọ rẹ erianriẹn: ẹkpa kọye re jẹ uyono vẹ aghwanre kuẹfia.

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Aizaya 31:1

Ekan ke otu re yanran kpo Ijipt ra guọnọ ọchuko re vwẹ ẹro go iyesi, re vwẹ ẹro so ekpere re ofovwi kidie i buru re vwẹ ẹro so ihwo re gua iyesi kidie ayen ganre, ẹkẹvuọvo ayen vwẹ ẹro so Ọfuanfon Ọvuọvo rẹ Izrẹl na-a eyẹ ayen je nọ mie Ọrovwohwọ-ọ

Aizaya 55:6

Guọnọ Ọrovwohwo bẹsiẹ ra vwọ mrẹ, se vwẹ ọke ro vwo si kẹre na;

Aizaya 65:1

Me choma Me vwẹ oma Mẹ phia kẹ ayen otu re nọ ekpẹn mẹ-ẹ; Me choma rere ihwo re guọnọ ovwẹ-ẹ vwọ sa mrẹ vwẹ. Me da ta, Mẹvwẹ na, Mẹvwẹ na, vwọ kẹ ẹgborho ro se odẹ mẹ-ẹ.

Aizaya 9:13

Ihwo na rhivwi bru ọ rọ ghwiẹ aye-en eyẹ vwọ guọnọ Ọrovwohwo rẹ otuofovwi na-a.

Jerimaya 4:22

Kidie ihwo mẹ ẹkpa, ayen riẹn vwẹ-ẹ; ayen emọ igheghẹ, ayen vwo erianriẹ-ẹn. Ayen riẹn obo re ruẹ umwemwu gangan, ẹkẹvuọvo ayen riẹn ọresiri ruẹ-ẹ.

Hosia 4:6

A guọghọ ihwo mẹ fiki rẹ jẹriẹn fikiridie wọ sen erianriẹn, Me sen we nẹ wọ gbe dia orherẹn mẹ-ẹ. Ọtiobo rẹ urhi rẹ Ọghẹnẹ wẹn vwọ chọro owẹ ẹro na, emọ wẹn ke je chọro ovwẹ ẹro rhe.

Hosia 7:10

Eheri rẹ Izrẹl ọvo se iseri hwe; yẹ ayen ji rhivwi bru Ọrovwohwo Ọghẹnẹ rayen, ayen je guọnọ fiki rẹ enana ejobi-i.

Matiu 13:19

Ọke rẹ ohwo de nyo ikun rẹ uvie rẹ odjuvwu rọ gbe riẹn otọ rọye-e, idẹbono kọ cha, ọ me rhe kọrọ ota na nẹ udu rọye. Edje nana họhọ emamọ ri she phihọ orhoma rẹ idjerhe ye.

Ọbe ri Pọl si rhe Ihwo ri Rom 1:22

Ayen roro nẹ ayen ghware, dayẹ ẹkpa ayen ruẹ,

Ọbe ri Pọl si rhe Ihwo ri Rom 1:28

Kirobo rẹ ayen rha rhọvwe reyọ phihọ Ọghẹnẹ na-a, Ọghẹnẹ de siobọ nẹ ayen kẹ udu ọbrabra rẹ ayen re ayen vwo ru obo ri je ayen.

Ọbe ri Pọl si rhe Ihwo ri Rom 3:10

kirobo re siro: O vwo ohwo ọvuọvo rọ dia ovwata-a, ẹjo, kaka ohwo;

Ọbe ri Pọl si rhe Ihwo ri Rom 3:12

Ayen ejobi bioma hẹ akakọ, ayen ejobi yan chọ; o vwo ohwo ọvuọvo ro ru ọ re esiri-i, kaka ohwo ọvo.

Ọbe ri Pọl si rhe Ihwo ri Rom 8:7

Kidie iroro ra vwọ kpahe ugboma vẹ Ọghẹnẹ ọvweghrẹ; ọ vwẹ oma kpotọ kẹ urhi rẹ Ọghẹnẹ-ẹ, eriyin dẹn o se ruo-o;

Taitọs 3:3

Kidie avwanre je ka dia gheghẹ dẹvure, avwanre ji ke mu oma kpenu devure, a je phiẹn avwanre jovwo re, avwanre ji ke nenẹ avwerhe rẹ akpọ na jovwo, avwanre je ka reoma jovwo, avwanre ji ke vwo ọnko devure, avwanre ji ke tuoma rẹ ohwohwo jovwo.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.