Ọbe ri Pọl si rhe Ihwo ri Rom 2:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Vwe evun rẹ udu rẹ ovwan na ovwan re koko abe kẹ oma rẹ ovwan vwẹ ẹdẹ ophu rọye vwẹ ọke rẹ ọvwata rẹ Ọghẹnẹ da cha vwẹ orhiebro rọye phia.

Ọbe ri Pọl si rhe Ihwo ri Rom 2:5 ပူးပေါင်းရင်းမြစ်များ

2 Ikun rẹ Ivie 30:8

We rhe jẹn udu rẹ ovwan dia gangan kerẹ esẹ rẹ ovwa-an, ẹkẹvuọvo wa vwẹ oma kpotọ kẹ Ọrovwohwo, re we bro rhe ẹshẹ rọye, ro ru fon bẹdẹ, re wa rhe ga Ọrovwohwo Ọghẹnẹ wẹn, rere ophu rẹ ovwan ro muo vwo fue.

2 Ikun rẹ Ivie 36:13

Ọ se mukpahe Ovie Nẹbukadreza, rọ nẹrhẹ vwẹ odẹ rẹ Ọghẹnẹ duvwu iyori; o de ohọre rọye ghaghagha o de ru udu kpohro kẹ Ọrovwohwo, Ọghẹnẹ rẹ Izrẹl.

ỌBE RẸ JOB 21:30

nẹ ohwo-umwemwu sa va abọ vwẹ ẹdẹ rẹ ukpokpogho, re de sivwo rhọ vwẹ ẹdẹ rẹ ophu?

Une rẹ Ejiro 110:5

Ọrovwohwo ọ he obọrhe wẹn; o che geri ivie she vwẹ ẹdẹ rẹ ophu rọye na.

Une rẹ Ejiro 95:8

Wo rhe vwo udu-u, kirobo rọ epha vwi Meriba, kere ẹdẹ ri Massa vwe evun re aghwa,

Ẹyano 14:17

Ki mi che ru udu rẹ ihwo rẹ Ijipt na gan, rere ayen ruọ nene ayen ki mi vwo urinrin vwẹ enu ri Fero vẹ urogho rọye, vwẹ enu rẹ akpẹrẹ rọye, vẹ ihwo re gua iyesi rọye.

Ẹyano 32:34

Ẹkẹvuọvo asakiephana, gba yanran re sun ihwo na kpo asan re me ta kẹ owẹ na, nighe, amakashe mẹ cha ka obaro kẹ wẹ. Dede ẹdẹ re me cha rhe, ke me re ihri rẹ umwemwu rayen.

Ẹyano 8:15

Ẹkẹvuọvo ọke ri Fero vwọ mrẹ nẹ ufuoma hẹ otọ na re, udu rọye da rhoma gan, ọ rha kerhọ raye-en; kirobo rẹ Ọrovwohwo tare na.

Isẹ 1:18

ẹkẹvuọvo ihwo nana fiọnko hẹrhẹ ọbara rẹ obọ rayen, ayen hwa hẹrhẹ arhọ rẹ obọ rayen.

Isẹ 11:4

Efe sa chọ ohwo uko vwẹ ẹdẹ rẹ ophu-u, ẹkẹvuọvo ọvwata siẹ ohwo nẹ ughwu.

Isẹ 28:14

Ebruba kẹ ohwo rọ djẹ ọshọ rẹ Ọrovwohwo kọke kọke; ẹkẹvuọvo ohwo rẹ udu rọye ganre che she ro okpetu.

Isẹ 29:1

Ohwo ra ghwọ kuẹ kọke kọke, yẹ udu rọye gan phihọ, che she kpregede e rhe che se sivwo-o.

Aghwoghwo 12:14

Kidie Ọghẹnẹ cha vwẹ uruemu kuruemu ejobi vwo guẹdjọ, emu kemu re ruru vwẹ odjahọ, oyovwiri eyẹ o miovwiri.

Aizaya 48:4

Fikiridie Me rlenre nẹ wo vwo udu, ohọre wẹn irien rẹ utehru arhanre wẹn kẹ ẹronvwo,

Jerimaya 40:3

Ọrovwohwo ruro, o ru obo rọ tare. Fikiridie we ru umwemwu kpahe Ọrovwohwo, we mu ọghọ kẹ urhuru rọye-e, kọye nẹrhẹ emu nana bru ovwan rhire na.

Izikiẹl 11:19

Ke me cha kẹ ayen udu ọvo, ki mi phi erhi ọkpokpọ phihọ evun rẹ ayen; ki mi si udu rẹ oragha na nẹ uvwo rẹ oma rayen, ke me kẹ ayen udu rẹ uvwo,

Izikiẹl 3:7

Ẹkẹvuọvo uwevwi rẹ Izrẹl cha sa kerhọn wẹ-ẹ; kidie ayen rhọvwe kerhọn mẹ-ẹ; fikiridie uwevwi rẹ Izrẹl ejobi epha vẹ arhare gangan vẹ udu kokoroko kpoi.

Daniẹl 5:20

Ẹkẹvuọvo ọke rọ rhi vwo mu udu rọye kpenu rẹ erhi rọye rhe vwọ gan, ko herẹ e de sio nẹ ekete rẹ uvie rọye e de mie urinrin rọye;

Hosia 13:12

Orukuruku rẹ Ifrem a gba ayen koko, umwemwu rọye a ghwẹrẹ koko.

Emọs 3:10

Ayen riẹn obo re ruẹ emuesiri-i Ọrovwohwo na tare Ihwo re guọnọ ozighi ve ugborho vwẹ ogba ọgangan rayen.

Ọbe ri Pọl si rhe Ihwo ri Rom 1:18

Kidie a vwẹ ophu rẹ Ọghẹnẹ phia nẹ odjuvwu rhe kpahe ihwo ri ruẹ orukuruku, re reyọ umwemwu vwọ tua uyota rẹ Ọghẹnẹ muotọ.

Ọbe ri Pọl si rhe Ihwo ri Rom 11:25

Wọ da rha ghwanre kẹ omobọ wẹn ọvo, imoni mẹ, me guọnọre nẹ ovwan riẹn igbunu nana, udu ogangan bru abọvo rẹ ihwo rẹ Izrẹl rhe, bẹsiẹ rẹ unu rẹ ihwo ri Keferi vwọ gba,

Ọbe ri Pọl si rhe Ihwo ri Rom 9:22

Kidie ọ da dianẹ Ọghẹnẹ, da guọnọ dje ophu rọye phia rọ da nẹrhẹ a riẹn ogangan rọye, ro de chirako vẹ odiri kẹ ekuakua rẹ ophu ra mare kẹ ẹghwọrọ,

2 Kọrẹnt 5:10

Kidie avwanre na ejobi che mudia vwẹ obaro rẹ ekete rẹ ẹdjọeguo ri Kristi, ọtiọye na ohwo ọvuọvo kọ cha reyọ osa rẹ iruo rọ vwẹ ugboma rọye ru, owenẹ oyovwi eyẹ omiovwi.

Urhi Rivẹ 2:30

Ẹkẹvuọvo Sihọn ovie ri Hẹshbọn rhọvwere nẹ avwanre wan vrẹ-ẹn kidie Ọrovwohwo Ọghẹnẹ wẹn na ru udu rọye gangan, o de ji ru erhi rọye gan, rere Ọ vwọ mrasan phio phihọ obọ wẹn ọtiobo rọ epha nonẹ na.

Urhi Rivẹ 32:34

Ọ dia omẹvwẹ e si Ọnana nu kẹ-ẹ, gbinẹ ka tarọgbe vwẹ ẹvun rẹ ughwẹ mẹ?

2 Tẹsalonaika 1:5

Ọnana kẹ iseri rẹ ẹdjọ rẹ ọvwata rẹ Ọghẹnẹ, rere e vwo se ru ovwan fo kẹ uvie rẹ Ọghẹnẹ, rẹ ovwan vwi fiki rọye reoja na–

Hibru 3:13

Ẹkẹvuọvo ovwan bru ohwohwo uche kẹdẹ kẹdẹ, kirobo ri nonẹ kri te vwẹ akpọ na, rere ophiẹvwe rẹ umwemwu vwo jẹ udu rẹ ovwan eruo gan.

Hibru 3:15

Kọye a vwọ ta nẹ, Nonẹ na we de nyo urhuru rọye we vwo udu kerẹ ọke rẹ emuokpahọ.

Hibru 4:7

Ọ je rhoma bru ẹdẹ ọvo, Nonẹ, tanẹ dede Devid vwẹ unu ta krekri re, kirobo ra tarọ jovwo na, Nonẹ na we de nyo urhuru rọye, we vwo udu-u.

Jems 5:3

Iro vẹ idọnọ efuanfon rẹ ovwan mu ekegba; ekegba na ke cha rhoma se iseri hwẹ ovwan vwẹ obọ, ke cha torhe ovwan kerẹ erhanre. Ukuko rẹ akpọ na ovwan ke cha ghwẹ efe koko gbidi.

Joshua 11:20

Kidie ọnana irueru rẹ Ọrovwohwo rere o ru udu rayen gan re ayen kpare ofovwi bru ihwo rẹ Izrẹl, rere a vwọ mrẹ asan vwọ ghwọrọ ayen kakare, aro rẹ ayen gbe dọ ohwo-o ẹkẹvuọvo ke hwerhe ayen nẹ otọ na kakare, kirobo rẹ Ọrovwohwo ji urhi kẹ Mosis.

2 Pita 2:9

kẹ ọtiọye Ọrovwohwo je riẹn obo ro sivwi ihwo efuanfon rọye nẹ ọdavwini, ọ me rha sẹrọ rẹ ohwo umwemwu hẹrhe ehwe bẹsiẹ rẹ ẹdẹ rẹ ẹdjọeguo na vwo te.

2 Pita 3:7

Vwẹ oma rẹ ota na ọvnọvo ọye a vwọ vwẹ odjuvwu vẹ akpọ rọ herọ vwẹ asakiephana vwọ kpahe enu kẹ erhanre, ra vwọ sẹro rọye hẹrhẹ ẹdẹ ẹdjọ kugbe ẹghwọrọ rẹ ihwo umwemwu.

Ọbe ri Jud 1:6

Emekashe re rha sa yọnre ẹdia raye-en ẹkẹvuọvo re yan jẹ ẹdia rayen vwo ọ da vwẹ ọjọnrọn ri bẹdẹ na kanre ayen mu ebri ri bẹdẹ na bẹsiẹ rẹ ẹdẹ rode rẹ ẹdjọeguo na vwo te;

Ẹvwọphia 2:21

Me vwẹ ọke kẹ nẹ o vwo kurhẹriẹ, ẹkẹvuọvo ọ senre o jẹ ọfanrhiẹ na vwo-o.

Ẹvwọphia 6:17

kidie ẹdẹ rode rẹ ophu rayen na tere, kono ri se mudia hẹrhẹ?

1 Samuẹl 6:6

Die nẹrhẹ udu rẹ ovwan gan kirobo rẹ udu rẹ ihwo rẹ Ijipt kugbe Fero ganre? Ọke rẹ ayen vwọ mrẹ emu ọgangan nu ayen rhe siobọ nẹ ayen kpo, rẹ ayen de ghinẹ kpo?