Ọbe ri Pọl si rhe Ihwo ri Rom 2:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ku wo rori, E ohwo na, nẹ wo de brorhiẹ rẹ ihwo ri ru emu ọtiọye na ye okpuyovwi wẹn ji ruẹ ayen na, ku wọ cha vabọ rẹ orhiẹ rẹ Ọghẹnẹ?

Ọbe ri Pọl si rhe Ihwo ri Rom 2:3 ပူးပေါင်းရင်းမြစ်များ

2 Samuẹl 10:3

Ẹkẹvuọvo isun rẹ Ammọn da ta kẹ Hanun rovwayen, Wo rori nẹ, fikirobọ ri Devid vwo ji ihwo rhi bru we uche na, kọ vwẹ ọghọ kẹ ọsẹ wẹn? Ọ dianẹ Devid ji idibo rọye rhe re guọnọ otọ rẹ orho na, re ọ dọrhe rọye, re ọ rhe kua?

ỌBE RẸ JOB 35:2

Wo rori nẹ ọnana ọvwata? Wọ tanẹ, Ọna ẹken mẹ vwẹ obaro rẹ Ọghẹnẹ,

Une rẹ Ejiro 50:21

Emu nana we ruru mi de fotovwi, ki wo rori ne mẹvwẹ ohwo kerẹ ọtio wẹ na. Asakiephana mi che nene uwe ghwọre, Me cha vwẹ imu nana ejobi phia kẹ wẹ re

Une rẹ Ejiro 56:7

etiọye na gba hwa osa kẹ ayen fiki rẹ umwemwu rayen; vwe evun rẹ ophu wẹn E Ọghẹnẹ, gba ghwie ihwo nana she teye otọ.

Isẹ 11:21

Jo mu we ẹro, nẹ ohwo umwemwu che jẹ ehwe ẹmrẹ-ẹ, ẹkẹvuọvo ihwo rẹ evun rayen fonro e che sivwẹ ayen.

Isẹ 16:5

Ohwo kohwo ro phuoma ejobi ẹgua kẹ Ọrovwohwo, jo mu we ẹro nẹ, ọ cha sa vabọ rẹ oja ẹriọ-ọ.

Izikiẹl 17:15

Ẹkẹvuọvo o de mu kpahọ ro vwo je ikọn kpo Ijipt, rere ayen kẹ iyesi vẹ unuofovwi rode. Kọ sa kparobọ? Kẹ ohwo ro ru emu ọtiọye sa djẹ vabọ? Ko se miovwi ọphọ na rọ da djẹ vabọ?

Izikiẹl 17:18

Fikiridie ọ je ive na fia ọ de miovwi ọphọ na, fikiridie ọ ghwa obọ phiyọ nu o de rhe ru imu nana, ọ gbe sa djẹ va abọ-ọ

Daniẹl 10:19

Etiyin ọ da ta, E ohwo ra nabọ guọnọ wo jẹ oshọ mu we-e, ufuoma vẹ owẹ dia; goma re wo yivwaro. Ọke rọ vwọ ta ota kẹ vwẹ re, mi de rhi vwo ogangan me da ta, Jẹn Ọrovwovwe ta ota, kidie wọ nẹrhẹ ovwẹ vwo ogangan nure.

Matiu 23:33

Ovwan eredekọ na, uvwiẹ rẹ ọrobiebi na, komavọ ovwan ru se nabọ rẹ ẹdjeguo rọ cha na?

Matiu 26:53

Wo rhe roro nẹ, me da rẹ ọsẹ mẹ, ọ gbe sa egbofovwi rẹ emakashe re wan ihwivẹ vwo rhe vwe?

Iyẹnrẹ Esiri ri Luk 12:14

Ẹkẹvuọvo ọ da ta kẹ, Ohwo na, ono vwẹ ovwẹ ma oguẹdjọ kugbe aghare kẹ ovwan?

Iyẹnrẹ Esiri ri Luk 22:58

Ọmọke ọfa ohwo ọfa da je mrẹ ọ da ta, Wẹ je hẹ ọvo vwẹ usun rẹ ayen. Ẹkẹvuọvo Pita da ta, Ọshare na, me dia ọye-e.

Iyẹnrẹ Esiri ri Luk 22:60

Ẹkẹvuọvo Pita da ta, Ọshare na, mẹ riẹn obo wọ ta na-a. Siẹvuọvo na, ro je ghwa vwọ ta ota na, ọhọ de ghwe bo.

Ọbe ri Pọl si rhe Ihwo ri Rom 1:32

Dede na yẹ ayen riẹn ekan rẹ Ọghẹnẹ harhẹ ihwo ri ru oghẹre rẹ imu tiọna na nẹ i fo ughwu na, yẹ ayen ghwe ruẹ ayen, ihwo efa ri ji ghwe ruẹ na ayen ghwe kuvwie nene ayen.

Ọbe ri Pọl si rhe Ihwo ri Rom 2:1

Wọ rha mrasa gun phihọ-ọ oghẹre rẹ ohwo re wọ epha ejobi wẹ ro brorhiẹ hwe ihwo efa na, obo ri wo brorhiẹ rẹ ihwo na eriyin wo ji ghwe brẹ hwe omaobọ wẹn, fikiridie wẹ, rẹ obrorhiẹ na ji ghwe ruẹ ọtiọye rhe.

Ọbe ri Pọl si rhe Ihwo ri Rom 2:2

Avwanre riẹnre nẹ orhiẹ rẹ Ọghẹnẹ ọ hẹ enu rẹ otu ri ruẹ oghẹre rẹ emu ọtiọye na.

Ọbe ri Pọl si rhe Ihwo ri Rom 9:20

Ẹkẹvuọvo, kono hẹ owẹ, e ohwo, ru wọ vwọ kpaha kẹ Ọghẹnẹ? Obo ra mare vwo unu rọ vwọ ta kẹ ọ rọ marọ nẹ, Die wọ vwọ ma vwẹ ọtiọna?

1 Tẹsalonaika 5:3

Ọke rẹ ihwo vwọ ta nẹ, Ufuoma kugbe ofuvwegbe he rọ, siẹvuọvo na ughwu mi rhi she teye ayen kpregede kerẹ aye rọ chuẹ uvwiẹ, o gbi rhe vwo ohwo rọ cha djẹ vabọ-ọ.

Hibru 12:25

We ja mrẹ nẹ ovwan siẹn ohwo rọ ta ota na-a. O da dianẹ ayen siẹn ohwo rọ ta ota kẹ ayen vwẹ akpọ na rẹ ayen da djẹ vabọ-ọ, komavọ ọ dia rẹ avwanre sa vwọ djẹ vabọ ra da siẹn ohwo ro ta ota kẹ ayen nẹ odjivwu rhe.

Hibru 2:3

komavọ avwanre sa djẹ vabọ rẹ avwanre da siẹn esivwo rode ọtiọna? Ọrovwohwo ri ke djẹ ẹsosuọ, avwanre otu ri nyoro kẹ iseri rọye.