Ọbe ri Pọl si rhe Ihwo ri Rom 2:29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁹ Ẹkẹvuọvo omamọ rẹ ohwo ri Ju vwenẹ, ọye ohwo rọ diarọ nẹ otọ rẹ evun rhe, rẹ oyanvwe rọye nẹ evun rẹ udu rhe kugbe ọ rẹ erhi ọ dia ọ rẹ unu ofefe-e. Rẹ ejiro rọye dia ọ rẹ ohwo rẹ akpọ-ọ ẹkẹvuọvo obọ rẹ Ọghẹnẹ o nurhe.

Ọbe ri Pọl si rhe Ihwo ri Rom 2:29 ပူးပေါင်းရင်းမြစ်များ

1 Ikun rẹ Ivie 29:17

Me riẹnre Ọghẹnẹ mẹ, nẹ wẹwẹ re davwẹ udu nẹ, Wo vwo omavwerhe kpahe ọsoso; vwẹ ọsoso rẹ udu mẹ mi vwo siobọ nẹ ekuakua nana ejobi kẹ wẹ, vwẹ asakiephana me mrẹ ihwo wẹn, re gba vwẹ etine na, ri siobọ nu vẹ aghọghọ kẹ wẹ.

Une rẹ Ejiro 45:13

vẹ oghoghẹre rẹ efe rọye. Ọvwọrọ rẹ oviẹ a nabọ rhuẹrẹ oma vwẹ ẹvun rẹ uvun rọye vẹ edagba ra vwẹ oro rhuo;

Jerimaya 4:14

E Jerusalẹm, họ oma wẹn nẹ orukuruku rọ hẹ udu wẹn, rere wọ vwọ rhọ. Mavọ iroro umwemwu wẹn dia evun wẹn krite?

Jerimaya 4:4

Yanvwẹ oma rẹ ovwan kẹ Ọrovwohwo na, we si ohọrọ rẹ obenu na nẹ udu rẹ ovwan, E eshare ri Juda vẹ ihwo re dia Jerusalẹm; ophu mẹ da rhe torhẹ kerẹ erhanre, ọ da la a sa mrẹ ohwo ro fue-e, fiki rẹ uruemu umwemwu rẹ ovwan na.

Jerimaya 9:25

Nighe, ẹdẹ cha vwobọ eriyin Ọrovwohwo na tare, ri mi che vwo hwe otu re yanvwere dede na ayen je hẹ upheruphe.

Iyẹnrẹ Esiri ri Luk 11:39

Ọrovwohwo da ta kẹ, Asakiephana ovwan Farisi hworhẹ obuko rẹ uko kugbe ọsete, ẹkẹvuọvo yẹ obo evun rẹ ovwan vọnre vẹ ọghware kugbe uvun-umwemwu.

Iyẹnrẹ Esiri ri Luk 17:21

eyẹ kẹ ayen cha ta, Nighe, ọna! eyẹ Etiyin i kidie nighe, uvie rẹ Ọghẹnẹ na ọ hẹ ohri rẹ ovwan.

Iyẹnrẹ Esiri ri Jọn 12:43

kidie ayen guọnọ ejiro rẹ ihwo nọ ejiro rẹ Ọghẹnẹ.

Iyẹnrẹ Esiri ri Jọn 4:23

Ẹkẹvuọvo ọke cha, ọ rhe nure, rẹ ọ gegagọ rẹ uyota na da gọ Ọsẹ na vwẹ erhi vẹ uyota, kidie ọtiọye Ọsẹ na guọnọre nẹ a ga ọye.

Iyẹnrẹ Esiri ri Jọn 5:44

Mavọ ovwan vwo vwo segbuyota kpahe otu re guọnọ urinrin rẹ ohwohwo yọ gbe rha guọnọ urinrin ro nẹ obọ rẹ Ọghẹnẹ ọvuọvo rhe-e?

Ọbe ri Pọl si rhe Ihwo ri Rom 14:17

Kidie uvie rẹ Ọghẹnẹ na dia ọ rẹ emuọre kugbe udi ẹda-a ẹkẹvuọvo ọ rẹ ọvwata kugbe ufuoma kugbe aghọghọ vwẹ oma rẹ Erhi Ọfuanfon.

Ọbe ri Pọl si rhe Ihwo ri Rom 2:27

Wo rhe roro nẹ ijeyanvwọ rọ yọnrọn urhi na se brorhiẹ wẹ rọ vwẹ urhi na yan eyan rọ chọ urhi na?

Ọbe ri Pọl si rhe Ihwo ri Rom 3:1

Kidie hẹ erere rẹ ihwo rẹ Ju vwori? Eyẹ ki didi erhuvwu rhọ hẹ oyanvwe?

Ọbe ri Pọl si rhe Ihwo ri Rom 7:6

Ẹkẹvuọvo asakiephana a rhan avwanre nẹ abọ rẹ urhi na, ri ghwu kẹ obo re gba avwanre phihọ ọviẹn, ọtiọye na ọ gbe dia otọ rẹ urhi rẹ awanre re siri na avwanre da ga-a ẹkẹvuọvo kẹ otọ rẹ arhọ ọkpokpọ re Erhi na.

1 Kọrẹnt 4:5

Eriyin na wo rhe brorhiẹ tavwe rẹ ọke na ki te-e, tavwe rẹ Ọrovwohwo ke rhe, ohwo rọ cha vwẹ obo re sinu asakiephana vwẹ ebri vwọ phia kugbe obo rẹ udu roro ejobi vwọ phia. Etiyin ohwo ọvuọvo ki che vwo ejiro rọye vwẹ obo rẹ Ọghẹnẹ.

1 Kọrẹnt 7:19

Kidie oyanvwe fi emuọvo-o ọtiọye je hẹ ijẹyanvwọ, ẹkẹvuọvo ọ ro fori kẹ ẹyọnrọn rẹ urhi rẹ Ọghẹnẹ ọvo.

2 Kọrẹnt 10:18

Kidie o dia ohwo ro jiri oma rọye ọye a reyọ-ọ, ẹkẹvuọvo ohwo rẹ Ọrovwohwo ji ri.

2 Kọrẹnt 3:6

Ohwo ro ru avwanre fo vwọ dia ogbodibo rẹ ọphọ ọkpokpọ na, ọ dianẹ vwẹ ọbe re siri-i ẹkẹvuọvo vwẹ evun rẹ Erhi na, kidie ọbe re siri na hwe ghwẹ, ẹkẹvuọvo Erhi na kẹ arhọ.

Urhi Rivẹ 10:16

Vwẹ ọtiọye na ke yanvwe ohọrọ rẹ awanre rẹ udu wẹn, wọ gbe gan udu ọfa-a.

Urhi Rivẹ 30:6

Ọrovwohwo Ọghẹnẹ rẹ ovwan kọ yanvwe udu rẹ ovwan kugbe udu rẹ emọ rẹ ovwan, rere ovwan vwọ reyọ udu rẹ ovwan ejobi guọnọ Ọrovwohwo rẹ Ọghẹnẹ rẹ ovwan kugbe ẹnwẹn rẹ ovwan ejobi, re ovwan vwọ mrasan rhọ.

Filipae 3:3

Avwanre hẹ ihwo re yanvwe omamọ rẹ oyanvwe na, re gọ Ọghẹnẹ vwẹ erhi, ri vwi Kristi Jesu vwọ yan eyan, re vwẹ ẹro so ugboma-a.

1 Tẹsalonaika 2:4

Ẹkẹvuọvo kirobo rẹ Ọghẹnẹ sanọ avwanre reyọ na rọ da vwẹ iyẹnrẹ esiri na gba avwanre obọ na, kẹ ọtiọye avwanre ghwoghwo, ọ dianẹ re o vwo je ihwo-o, ẹkẹvuọvo ro vwo je Ọghẹnẹ rọ davwa udu nẹ.

1 Pita 3:4

ẹkẹvuọvo e jẹn dia ohwo rọ djahere vwẹ obo udu vẹ evwarha ri jẹghwọrọ re dẹndẹn bọrọ bọrọ, rọ ghare gangan vwẹ obaro rẹ Ọghẹnẹ.

1 Samuẹl 16:7

Ẹkẹvuọvo Ọrovwohwo da ta kẹ Samuel, wo nẹ ekroma rọye-e eyẹ obo rọ rhuoma te eyẹ ugrogro-o, fikiridie Me senrọ nure; kidie Ọrovwohwo nẹ kirobo rẹ ohwo rẹ akpọ nẹ-ẹ; ohwo rẹ akpọ nẹ ekroma, ẹkẹvuọvo Ọrovwohwo nẹ evun rẹ udu.