Ọbe ri Pọl si rhe Ihwo ri Rom 2:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ wẹ ro yono ihwo efa na, wo gbi rhe yono oma wẹn? We ro ghwoghwo nẹ e cho uji-i, ku wọ rhoma cho uji?

Ọbe ri Pọl si rhe Ihwo ri Rom 2:21 ပူးပေါင်းရင်းမြစ်များ

Aizaya 42:20

Ọ mrẹ imu buebu, ẹkẹvuọvo yo ni so-o, erhọn rọye rhieri, ẹkẹvuọvo jẹ o nyo ẹme-e

Aizaya 56:11

Eranko na vwo urhuru sivwi gangan; evun vọn aye-en. isuigọde na rhe ji vwo erianriẹ-ẹn; dohwo didjerhe rọye hirhe aro ku, dohwo derere rọye guọnọ, ohwo ọvo, ayen ejobi re.

Izikiẹl 22:27

Isun rọye re hẹ uherevie rọye e họhọ ikpohrokpo re ria eranvwe ọkpokpọ, re rhaphiẹ ọbara, ayen ghwọrọ ihwo rere ayen vwo re erere rẹ eku.

Maika 3:11

Igbuyovwi rọye da udi tavwe ri ki brorhiẹ, irherẹn rọye yono fiki rẹ osa, emraro na hẹrhẹ igho re ke mraro, ye ayen vwẹ oma kpahe Ọrovwohwo ayen me ta, Ọrovwohwo na he uherevie rẹ avwanre-e? Emu umwemwu ọvuọvo che te avwanre oma-a.

Matiu 21:13

Ọ da ta kẹ ayen nẹ, e siro nẹ, Uwevwi mẹ e se nẹ uwevwi rẹ ẹrhovwo; ẹkẹvuọvo we vwi ro ru unu rẹ iji.

Iyẹnrẹ Esiri ri Luk 11:46

Ọ da ta, Ekan je kẹ ovwan ẹriẹn urhi nai! kidie ovwan kru eghwa ehọhọhọ re bẹn ẹghwa nyẹ ihwo efa, ẹkẹvuọvo wa vwẹ urhiabọ ọvo rẹ ovwan dede vwo te-e.

Iyẹnrẹ Esiri ri Luk 12:47

Odibo yena rọ riẹn uruemu rẹ onini rọye jovwo, ẹkẹvuọvo o rhe muegbe-e eyẹ o ruru kirobo rẹ ọhọre rọye epha-a, ke hwe gangan.

Iyẹnrẹ Esiri ri Luk 19:22

Ọ da ta kẹ, obo ri nẹ unu wẹn rhe ọye mi vwo brorhiẹ hwe we wẹ odibo umwemwu na! Wọ riẹnre nẹ mẹvwẹ ohwo ro siaro, rọ tọrọ obo mi phihọ otọ-ọ, ro vuẹ obo Me kọnre-e?

Iyẹnrẹ Esiri ri Luk 4:23

Ọ da ta kẹ ayen, Wa fọ re mi kpe itẹ ọvo kẹ ovwan, Ọbo sivwi oma wẹn; obo rẹ avwanre nyori ni wo ruru vwẹ obi Kepanọm, gbe ji ru ọtiọye vwẹ orho robọ wẹn na.

1 Kọrẹnt 9:27

ẹkẹvuọvo me nyẹ oma mẹ mi mi vwo kpotọ, ọ gbe dia ọtiọye-e ọke ri mi de ghwoghwo kẹ ihwo efa nu me da rha dia ọ ra djẹ ku fia.

Galesha 6:13

Kidie ekpuyovwi rẹ ayen otu re yanvwere na dede je sa yọnre urhi na-a, ẹkẹvuọvo ayen guọnọre nẹ ovwan yanvwe rere ayen vwọ vwo ejiro vwẹ ugboma wẹn.