Ọbe ri Pọl si rhe Ihwo ri Rom 2:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ẹkẹvuọvo wo de se oma wẹn ohwo ri Ju wọ da vwẹ oma da urhi na wọ da vwẹ obo ru wọ vẹ Ọghẹnẹ epha yan eyan,

Ọbe ri Pọl si rhe Ihwo ri Rom 2:17 ပူးပေါင်းရင်းမြစ်များ

Une rẹ Ejiro 135:4

Kidie Ọrovwohwo jẹ Jekọp reyọ ke oma rọye, Izrẹl kerẹ emuobọ rọye.

Aizaya 45:25

Vwẹ evun rẹ Ọrovwohwo ọye uvwiẹ re Izrẹl ejobi da kparobọ vwẹ urinrin.

Maika 3:11

Igbuyovwi rọye da udi tavwe ri ki brorhiẹ, irherẹn rọye yono fiki rẹ osa, emraro na hẹrhẹ igho re ke mraro, ye ayen vwẹ oma kpahe Ọrovwohwo ayen me ta, Ọrovwohwo na he uherevie rẹ avwanre-e? Emu umwemwu ọvuọvo che te avwanre oma-a.

Zẹfanaya 3:11

Vwẹ ẹdẹ yena oma gbe cha vo vwẹ-ẹ fiki re uruemu ru we vwo mukpahe ovwẹ; kidie vwẹ ọke yena ki mi che kpono nẹ ohri rẹ ovwan ihwo rẹ ovwan ri herẹ ri mu oma kpenu na, wọ gbe cha dia ohwo rẹ ogbarogba ọfa vwẹ ugbenu ọfuanfon mẹ na-a.

Matiu 3:9

we roro nẹ avwanre emọ rẹ Ebrahamu-u, kidie Ọghẹnẹ sa rhẹriẹ ibieragha nana hirhe vwọ emọ kẹ Ebraham.

Iyẹnrẹ Esiri ri Luk 10:28

Ọ da ta kẹ, Wọ riẹn kpahe, ru ọnana, ku wọ rhọ.

Iyẹnrẹ Esiri ri Jọn 5:39

Wa guọnọ ẹbe efuanfon na, fikiridie we rori nẹ evun rẹ ayen we de vwo arhọ ri bẹdẹ na; ayen ri se oseri kpahe ovwẹ na;

Iyẹnrẹ Esiri ri Jọn 5:45

We roro nẹ mi rhi gu ovwan vwọ kẹ Ọsẹ na-a; Mosis ri guẹ ovwan, ohwo re wa vwẹ ẹro so.

Iyẹnrẹ Esiri ri Jọn 7:19

Ọ dia Mosis re kẹ ovwan urhi na? Yẹ ovwan ọvuọvo yọnre urhi na-a. Kidie wa vwọ guọnọ ovwẹ hwe?

Iyẹnrẹ Esiri ri Jọn 8:33

Ayen da kpahe kẹ, avwanre uvwiẹ rẹ Ebraham, avwanre je dia ọviẹn rẹ ohwo dẹvo-o. Komavọ wọ vwọ ta nẹ, Ke ru ovwan ọmuvwiẹ?

Iyẹnrẹ Esiri ri Jọn 8:41

We ruẹ obo rẹ ọsẹ rẹ ovwan ruru. Ayen da ta kẹ, A vwẹ igberadja vwiẹ avwanre-e; avwanre vwo Ọsẹ ọvo, ọye Ọghẹnẹ.

Ọbe ri Pọl si rhe Ihwo ri Rom 2:23

Wẹ rọ vwẹ urhi yan eyan na, ku wọ rha vwẹ orukuruku wẹn miovwo urhi rẹ Ọghẹnẹ?

Ọbe ri Pọl si rhe Ihwo ri Rom 3:27

Eriyin na kẹ otọ rẹ eyan rẹ avwanre na rhọ? E si ọyena no. Ki didi idjerhe? Vwẹ idjerhe rẹ iruo? Ẹjo, ẹkẹvuọvo vwẹ idjerhe rẹ esegbuyota.

Ọbe ri Pọl si rhe Ihwo ri Rom 9:32

Kidie? Fikiridie ayen wan esegbuyota gbẹn idjerhe rọye-e, ẹkẹvuọvo kẹ ayen rori nẹ fiki rẹ iruo. Ọ da nẹrhẹ uchukurhe umwemwu kprọ ayen awọ she,

2 Kọrẹnt 11:22

Ayen Ihwo ri Hibru? Ọtiọye me je epha. Ayen Ihwo rẹ Izrẹl? Ọtiọye me je epha. Ayen uvwiẹ rẹ Ebraham? Ọtiọye me je epha.

Galesha 2:15

Ekpuyovwi rẹ avwanre, re dia ihwo ri Ju vwẹ uvwiẹ re dia Keferi rẹ iruimwemwu-u,

Ẹfesọs 2:11

Vwẹ ọtiọye na wa gba karohọ nẹ rhabae ovwan Keferi vwẹ ugboma na, ke se ovwan ijẹyanvwọ fiki rẹ obo re se oyanvwe, ra vwẹ obọ ru.

Ẹvwọphia 2:9

Me riẹn ọdjarhe wẹn kugbe ẹnso wẹn (ẹkẹvuọvo yi wo feri) kugbe ophọphọvwe rẹ ayen otu ri se oma rẹ ayen ihwo ri Ju yẹ ayen dia ihwo ri Ju-u, ẹkẹvuọvo da yẹ ayen ẹshẹ rẹ Idẹbono.

Ẹvwọphia 3:1

Kẹ enẹ o si rhe amakashe rẹ ishọshi ri Sadis. Eta rẹ ohwo ro vwo erhi ighwrẹ rẹ Ọghẹnẹ na kugbe isio ighwrẹ na. Me riẹn iruo wẹn; a vwẹ owẹ roro ohwo ọkpokpọ, da yi wo ghwuru.

Ẹvwọphia 3:9

Nighe, mi che ru ayen otu re hẹ ẹho rẹ Idẹbono na re tanẹ ayen ihwo ri Ju da yẹ ayen dia ihwo ri Ju-u, ẹkẹvuọvo efian ayen vwọrọn—-nighe, ke cha rhe rhi diguẹ vwẹ agada mẹ, ke riẹn nẹ me guọnọ ayen.