Ọbe ri Pọl si rhe Ihwo ri Rom 2:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ọke rẹ ihwo rẹ Keferi ri vwo urhi na-a de ru obo rẹ urhi na guọnọre, yẹ ayen hẹ urhi na kẹ omaobọ rẹ ayen, dede na jẹ ayen vwo urhi na-a.

Ọbe ri Pọl si rhe Ihwo ri Rom 2:14 ပူးပေါင်းရင်းမြစ်များ

Iruo rẹ Iyinkọn na 10:35

ẹkẹvuọvo vwẹ ẹgborho kẹgborho ohwo rọ djẹ oshọ rọye ro de ru obo ri shehọ ọye ọ reyọ.

Iruo rẹ Iyinkọn na 14:16

Vwẹ ọke rẹ awanre o de kuerhọfia kẹ ẹgborho buebu rere ayen nene idjerhe ro je ayen;

Iruo rẹ Iyinkọn na 17:30

Ọke rẹ ughẹghẹ Ọghẹnẹ vwo ku opharo fia, ẹkẹvuọvo asakiephana o de ji urhi kẹ ihwo ejobi vwi kasan kasan nẹ e kurhẹriẹ,

Ọbe ri Pọl si rhe Ihwo ri Rom 1:32

Dede na yẹ ayen riẹn ekan rẹ Ọghẹnẹ harhẹ ihwo ri ru oghẹre rẹ imu tiọna na nẹ i fo ughwu na, yẹ ayen ghwe ruẹ ayen, ihwo efa ri ji ghwe ruẹ na ayen ghwe kuvwie nene ayen.

Ọbe ri Pọl si rhe Ihwo ri Rom 2:12

Ihwo ri ru umwemwu vwẹ obuko rẹ urhi je cha ghwọrọ vwẹ obuko rẹ urhi, ayen ejobi ri ru umwemwu vwẹ otọ rẹ urhi kẹ urhi na gu ayen ẹdjọ.

Ọbe ri Pọl si rhe Ihwo ri Rom 2:15

Ayen dje phia nẹ e si obo rẹ urhi na guọnọre phihọ udu rayen, yẹ udu rayen ghwe se oseri kẹ ayen, yẹ iroro rayen rọ tagha ku ghwe brẹ hwe eyẹ brẹ kẹ ayen.

Ọbe ri Pọl si rhe Ihwo ri Rom 2:27

Wo rhe roro nẹ ijeyanvwọ rọ yọnrọn urhi na se brorhiẹ wẹ rọ vwẹ urhi na yan eyan rọ chọ urhi na?

1 Kọrẹnt 11:14

Uruemu rẹ akpọ na rhe yono ovwan nẹ ẹto ogrogro fo ọshare-e,

1 Kọrẹnt 9:21

Vwọ kẹ ihwo rẹ hẹ otọ rẹ urhi-i mi de ru oma mẹ kerẹ ohwo rọ hẹ otọ rẹ urhi-i, ọ dianẹ kẹ otọ rẹ urhi rẹ Ọghẹnẹ mi jẹ dia-a ẹkẹvuọvo otọ rẹ urhi ri Kristi– rere mi vwo ku ihwo ri jẹ otọ rẹ urhi ẹdia rhẹriẹ.

Ẹfesọs 2:12

Gba karohọ nẹ vwẹ ọke yena ka hẹriẹ ovwan nẹ Kristi, ra riẹriẹ ghwru nẹ emotọ rẹ Izrẹl, kẹ erhorha rẹ ọphọ rẹ ive na, ri vwo iphiẹrohọ-ọ ri vwo Ọghẹnẹ vwẹ akpọ na-a.

Ẹfesọs 2:3

Ohri rẹ enana avwanre ka dia jovwo vwẹ evun rẹ urhuru sivwe rẹ ugboma rẹ avwanre, ri nene ẹguọnọ rẹ ugboma kugbe iroro, ọtiọye na kirobo re vwiẹ avwanre phihọ avwanre kẹ emọ rẹ ophu, kirobo rẹ ihwo rẹ akpo ri chekọ epha.

Urhi Rivẹ 4:7

Ki didi ẹgborho rode ọfa herọ ri vwo ọghẹnẹ ro bi gba ayen, kirobo rẹ Ọrovwohwo Ọghẹnẹ rẹ avwanre epha na ro de nyo ọke ejobi rẹ avwanre vwo se?

Filipae 4:8

Ọ rọ ka oba, imoni, emu ejobi rọ dia uyota, emu ejobi ro vwo ọghọ, emu ejobi rọ dia ọsoso, emu ro yovwiri, emu ejobi ro vwo ẹguọnọ, emu ejobi ro vwo erhuvwu, ọ da dianẹ o vwo uyoyovwi, ọ da dianẹ o vwo obo ro fo ejiro, gbe roro imu nana.