Ọbe ri Pọl si rhe Ihwo ri Rom 2:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ọ dia ihwo ri nyo urhi eye hẹ ọvwata vwẹ obaro rẹ Ọghẹnẹ-ẹ, ẹkẹvuọvo e re vwẹ urhi na ru iruo eye re rease.

Ọbe ri Pọl si rhe Ihwo ri Rom 2:13 ပူးပေါင်းရင်းမြစ်များ

Une rẹ Ejiro 143:2

Wọ vwẹ odibo wẹn guẹdjọ-ọ, kidie o vwo ohwo ọkpokpọ rọ sa dia ọvwata vwẹ obaro wẹ-ẹn.

Jerimaya 11:6

Ọrovwohwo da ta kẹ vwẹ nẹ, ghwoghwo eta nana ejobi na phia vwẹ irere ri Juda kugbe irhuvwu ri Jerusalẹm: Nyo eta rẹ ọphọ nana re we ru ayen.

Izikiẹl 20:11

Me da vwẹ iji mẹ kẹ, me da vwẹ irhi mẹ nẹ ayen, nẹ ohwo rọ sẹro rẹ ayen kọ rhọ.

Iyẹnrẹ Esiri ri Luk 18:14

Me ta kẹ wẹ, ohwo na re ase kpo uwevwi rọye nọ ọ ro chekọ na; kidie kohwo kohwo ro mu oma rọye kpenu ke vwo kpotọ, ẹkẹvuọvo ọ rọ vwẹ oma rọye kpotọ ke vwo kpenu.

Iyẹnrẹ Esiri ri Luk 8:21

Ẹkẹvuọvo ọ da kpahe kẹ ayen, Oni mẹ kugbe iniọvo mẹ vwonẹ ayen ihwo ri nyo ota rẹ Ọghẹnẹ ayen de ruo.

Iyẹnrẹ Esiri ri Jọn 13:17

Ovwan da riẹn imu nana, ebruba kẹ ovwan rẹ ovwan de ru ayen.

Iruo rẹ Iyinkọn na 13:39

vwẹ oma rọye a wan sivwi kohwo kohwo ro segbuyota nẹ kemu kemu rẹ urhi ri Mosis se sivwo nu-u.

Ọbe ri Pọl si rhe Ihwo ri Rom 10:5

Mosis siro nẹ ohwo ro ru ọvwata rẹ urhi na guọnọre kọ rhọ fiki rọye.

Ọbe ri Pọl si rhe Ihwo ri Rom 2:25

Ọyanvwe vwẹ ọ rẹ uyota vẹ erere ọ da dianẹ wọ yọnrọn urhi na; ẹkẹvuọvo wo de gbe urhi na ku, oyanvwe wẹn ko hirhe phihọ ijẹyanvwọ.

Ọbe ri Pọl si rhe Ihwo ri Rom 3:20

Kidie ọ vwo ohwo ọvuọvo rọ rease vwẹ obaro rọye fiki rẹ iruo rẹ urhi-i, fikiridie urhi na re nẹrhẹ e vwo eriẹnriẹn kpahe umwemwu.

Ọbe ri Pọl si rhe Ihwo ri Rom 3:23

Kidie ihwo ejobi ru umwemwu o rhe jẹ urinrin rẹ Ọghẹnẹ dia oma rẹ avwanre-e.

Ọbe ri Pọl si rhe Ihwo ri Rom 3:30

Kidie Ọghẹnẹ ọvuọvo; ọye sa vwẹ ase kẹ ihwo re yanvwere fiki rẹ esegbuyota rayen kugbe ijẹyanvwọ fiki rẹ esegbuyota rayen.

1 Kọrẹnt 4:4

Me karohọ emu ọvuọvo ri mi ru kpahe oma mẹ-ẹ, ẹkẹvuọvo ọ dianẹ me vwẹ ọyena rease-e. Ọrovwohwo re sa vwẹ ovwẹ guẹdjọ.

Galesha 2:16

dede ye riẹnre nẹ ohwo sa vwi fiki rẹ iruo rẹ urhi na rease-e ẹkẹvuọvo vwẹ oma rẹ esegbuyota vwi Jesu Kristi, mrẹmrẹ avwanre vwo esegbuyota vwẹ Jesu Kristi, rere vwẹ esegbuyota vwẹ oma ri Kristi avwanre vwọ sa rease, ọ dianẹ kẹ fiki rẹ iruo rẹ urhi na-a, fikiridie ọ da dia fiki rẹ iruo rẹ urhi na ohwo ọvuọvo sa rease-e.

Galesha 5:4

Ka hẹriẹ ovwan nẹ oma ri Kristi, ovwan re guọnọ rease fiki rẹ urhi na; ovwan she nẹ ẹserọphẹ nure.

Urhi Rivẹ 4:1

Asakiephana, E Izrẹl, wa kerhọ rẹ irhi vẹ iji, ri mi yono ovwan, rere we ru ayen; re wa mrasan rhọ, rere wa ra dia otọ rẹ Ọrovwohwo Ọghẹnẹ rẹ esẹ rẹ ovwan vwọ kẹ ovwan na.

Urhi Rivẹ 5:1

Mosis de se Izrẹl ejobi koko, ọ da ta kẹ ayen nẹ, We nyo, E Izrẹl, irhi vẹ iji re Me ta kẹ ovwan nyo nonẹ na, we mi yono dẹndẹn ru we ru ayen gba.

Urhi Rivẹ 6:3

Vwẹ ọtiọye na, Gbe nyo E Izrẹl, wọ karohọ vwo ruo; rere ọ mrasa yovwi kẹ ovwan kugbe rere we vwo bu phihọ ọtiobo rẹ Ọrovwohwo Ọghẹnẹ rẹ esẹ rẹ ovwan ve kẹ ovwan vwẹ otọ rẹ ameivie vẹ ọnyọn da djẹ na.

Jems 1:27

Omamọ rẹ egagọ ro jẹ ẹgua evwo vwẹ obaro rẹ Ọghẹnẹ rẹ avwanre kugbe Ọsẹ rẹ avwanre na ọ na, rere o mie te asan rẹ emephran orivwi kugbe eyauku re hẹ ukpokpogho, rere o rhe si oma rọye phrẹphrẹ nẹ etatọrọ rẹ akpọ na.

1 Jọn 2:29

Ọ da dianẹ ovwan riẹnre nẹ ọvwata o ruẹ, gbe jo mu ovwan ẹro nẹ kohwo kohwo rọ dia ọvwata ejobi kẹ ọmọ rọye o ruẹ.

1 Jọn 3:7

Emọ na, e jẹn ohwo ọvuọvo phiẹn ovwa-an. Ohwo ro ru emu esiri ọye hẹ ọvwata, kirobo rẹ ekpuyovwi rọye hẹ ọvwata na.