Ọbe ri Pọl si rhe Ihwo ri Rom 2:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ihwo ri ru umwemwu vwẹ obuko rẹ urhi je cha ghwọrọ vwẹ obuko rẹ urhi, ayen ejobi ri ru umwemwu vwẹ otọ rẹ urhi kẹ urhi na gu ayen ẹdjọ.

Ọbe ri Pọl si rhe Ihwo ri Rom 2:12 ပူးပေါင်းရင်းမြစ်များ

Matiu 11:22

Ẹkẹvuọvo me ta kẹ ovwan nẹ, o yovwi kẹ Taya vẹ Sidọn vwẹ ẹdẹ rẹ edjọeguo vwọ nọ wẹ.

Matiu 11:24

Me ta kẹ ovwan nẹ, o yovwi kẹ Sidọn vwẹ ẹdẹ ẹdjọeguo vwọ nọ wẹ.

Iyẹnrẹ Esiri ri Jọn 19:11

Jesu da kpahe kẹ, Wo vwo ogangan vwẹ enu mẹ-ẹ jokpa nẹ a vwe rọ kẹ wẹ nẹ obenu rhe; fiki rẹ ọtiọye na ọ ro mu uvwe rhe we ọye ri me ru umwemwu rode na.

Iruo rẹ Iyinkọn na 2:23

Jesu nana, ọye a vwọ kẹ ihwo re riẹn urhi-i re kanrọ mu agbagba hwe, kerẹ iroro rẹ Ọghẹnẹ jẹ kpahọ vẹrhe.

Ọbe ri Pọl si rhe Ihwo ri Rom 1:32

Dede na yẹ ayen riẹn ekan rẹ Ọghẹnẹ harhẹ ihwo ri ru oghẹre rẹ imu tiọna na nẹ i fo ughwu na, yẹ ayen ghwe ruẹ ayen, ihwo efa ri ji ghwe ruẹ na ayen ghwe kuvwie nene ayen.

Ọbe ri Pọl si rhe Ihwo ri Rom 4:15

Kidie urhi na ghwa ophu cha, ẹkẹvuọvo asan rẹ urhi epha-a urhiẹchọ sa dia-a.

Ọbe ri Pọl si rhe Ihwo ri Rom 8:3

Kidie obo rẹ urhi na se ru-u, rọ vwọ hẹ ọvwiẹrẹ fiki rẹ ugboma na, Ọghẹnẹ de ji Ọmọ rọye rhe vwẹ oma rẹ ohwo rẹ akpọ rọ vọnre vẹ umwemwu, o de vwo ze kẹ umwemwu, rere o vwo bruhwe umwemwu vwẹ ugboma,

1 Kọrẹnt 9:21

Vwọ kẹ ihwo rẹ hẹ otọ rẹ urhi-i mi de ru oma mẹ kerẹ ohwo rọ hẹ otọ rẹ urhi-i, ọ dianẹ kẹ otọ rẹ urhi rẹ Ọghẹnẹ mi jẹ dia-a ẹkẹvuọvo otọ rẹ urhi ri Kristi– rere mi vwo ku ihwo ri jẹ otọ rẹ urhi ẹdia rhẹriẹ.

Galesha 3:10

Kidie ayen ejobi re vwẹ oma da urhi na ayen hẹ otọ rẹ ekan kidie e siro, Ekan kẹ ohwo kohwo rọ yọnrọn emu ejobi re siri phihọ ọbe rẹ urhi na, ro ru ayen gba-a.

Galesha 3:22

Ẹkẹvuọvo ọbe ọfuanfon na de ke emu na ejobi ba umwemwu, rere obo re ve kẹ esegbuyota vwi Jesu Kristi a sa vwọ kẹ ayen otu ri segbuyota.

Urhi Rivẹ 27:26

Ekan kẹ ohwo ro ru eta rẹ urhi nana gan rọ da yọnrọn aye-en. Ihwo na ejobi Me kpahe tanẹ, Isẹ.

Jems 2:10

Kidie kohwo kohwo rọ yọnrọn urhi na ejobi gba, ro de miovwi ọvo vwọ, yo gbe urhi na ejobi ku.