Ọbe ri Pọl si rhe Ihwo ri Rom 16:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Yere Andronikọs kugbe Junias imoni mẹ kugbe otu mẹ re me vẹ ayen gba re oja vwẹ uwodi; ayen emamọ rẹ ihwo vwẹ ohri rẹ iyinkọn na, e ke rha je dia ihwo ri ke nene Kristi tavwe mi ki rhi kurhẹriẹ.

Ọbe ri Pọl si rhe Ihwo ri Rom 16:7 ပူးပေါင်းရင်းမြစ်များ

Aizaya 45:17

Ẹkẹvuọvo Izrẹl Ọrovwohwo ri sivwiro vẹ esivwo ri bẹdẹ, wọ cha mrẹ omaẹvuọ-ọ eyẹ ozighi-i rhiri bẹdẹ.

Aizaya 45:25

Vwẹ evun rẹ Ọrovwohwo ọye uvwiẹ re Izrẹl ejobi da kparobọ vwẹ urinrin.

Iyẹnrẹ Esiri ri Jọn 14:20

Vwẹ ẹdẹ yena kẹ ovwan riẹn nẹ me hẹ evun rẹ Ọsẹ na, yẹ ovwan hẹ evun mẹ, ye me hẹ evun rẹ ovwan.

Iyẹnrẹ Esiri ri Jọn 15:2

Ọghọn koghọn mẹ rọ mọ ubi-i, ke sio no, oghọn koghọn mẹ rọ mọ ubi kọ rhuẹrẹ phihọ rere ọ vwọ mọ ibi buebu.

Iyẹnrẹ Esiri ri Jọn 6:56

Ohwo rọ re uvwo mẹ rọ da da ọbara mẹ kọ dia vwẹ evun mẹ, ke me je dia evun rọye.

Ọbe ri Pọl si rhe Ihwo ri Rom 16:10

Yere Apele, ro se Kristi gbuyota gangan na. Yere ekru rẹ Arisrobulọs.

Ọbe ri Pọl si rhe Ihwo ri Rom 16:11

Yere omoni mẹ Hẹrodiọn. Yere ayen re herọ vwẹ evun rẹ Ọrovwohwo ekru rẹ Nakisọs.

Ọbe ri Pọl si rhe Ihwo ri Rom 16:21

Timoti, rẹ ọrivẹ mẹ, yere ovwan; ọtiọye hẹ Lushọs kugbe Jesin, kugbe Sosipata, rẹ omoni mẹ.

Ọbe ri Pọl si rhe Ihwo ri Rom 16:3

We yere Priska kugbe Akuila, otu mẹ re me vẹ aye gbe koko ru iruo kẹ Jesu Kristi.

Ọbe ri Pọl si rhe Ihwo ri Rom 16:6

Yere Meri ro ru iruo gangan vwẹ ohri rẹ ovwan.

Ọbe ri Pọl si rhe Ihwo ri Rom 16:8

Yere Ampiatọs rọ nabọ ghare kẹ vwẹ vwẹ odẹ rẹ Ọrovwohwo.

Ọbe ri Pọl si rhe Ihwo ri Rom 16:9

Yere Ubanọs, otu rẹ avwanre vwẹ iruo ri Kristi, kugbe Stakọs re me guọnọre na.

Ọbe ri Pọl si rhe Ihwo ri Rom 8:1

Asakiephana o rhe vwo obruhwe kẹ ayen otu re herọ vwẹ evun ri Jesu Kristi-i.

Ọbe ri Pọl si rhe Ihwo ri Rom 8:11

Ọ dianẹ Erhi rẹ ohwo rọ kpare Kristi vrẹn nẹ ughwu na da hẹ evun rẹ ovwan, ohwo rọ kpare Kristi vrẹn nẹ ughwu na kọ je vwẹ arhọ kẹ ugboma rẹ ovwan ro ghwẹ na fiki rẹ Erhi rọye rọ hẹ evun rẹ ovwan.

Ọbe ri Pọl si rhe Ihwo ri Rom 9:3

Kidie me tobo guọnọ nẹ a harhe ovwẹ ekan re a hẹriẹ ovwẹ nẹ oma ri Kristi fiki rẹ imoni mẹ, ihwo mẹ Izrẹl.

1 Kọrẹnt 1:30

Ọye hẹ esiri rẹ arhọ wẹn vwẹ evun ri Kristi Jesu, ọye Ọghẹnẹ ru phihọ aghwanre rẹ avwanre, ọvwata, orufuọn kugbe ẹtanhirhe rẹ avwanre;

2 Kọrẹnt 11:23

Ayen idibo ri Kristi? Mi yovwi nọ ayen–me ta ota kerẹ ọrhuẹ–vwẹ owian buebu, vwẹ uwodi buebu, vwẹ ehwe o vwo unu-u, edegbe ughwu vwẹ okẹ buebu.

2 Kọrẹnt 12:2

Me riẹn ohwo ọvo vwi Kristi re muru kpo odjuvwu rerha kerẹ emu rẹ ikpe ihwẹne rọ wanre–sẹ ọ hẹ evun rẹ ugboma eyẹ o nẹ evun rẹ ugboma me riẹnre-e, Ọghẹnẹ riẹnre.

2 Kọrẹnt 5:17

Vwẹ ọtiọye na, ọ da dianẹ ohwo hẹ evun ri Kristi, ohwo yena kẹ ẹma ọkpokpọ; ọ rẹ awanre wanvrẹn re, nighere ọkpokpọ na rhire.

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

Galesha 1:22

Ihwo ri Ishọshi ri Kristi re hẹ Judia na ejobi ọvuọvo ro riẹn vwẹ vwẹ opharo herọ-ọ.

Galesha 2:2

Vwẹ evun rẹ ẹvwọphia me vwọ yanran ra bẹbẹ gbe ikun rẹ iyẹnrẹ esiri na ri mi ghwoghwo vwẹ ohri ri Keferi na vwọ kẹ otu rẹ iyinkọn na ri kperi usi vwẹ usun rayen, rere iruo ri mi mu phihọ na vwo jẹ orukufia ẹdia.

Galesha 2:6

Ẹkẹvuọvo, ihwo ẹvo re tanẹ ayen rhoro (yẹ eyena fi emuọvo kẹ vwẹ-ẹ, Ọghẹnẹ ni ikparo rẹ ohwo-o)–ihwo yena, me ta, ri kperi usi na vwẹ emuọvo ba kẹ vwẹ-ẹ.

Galesha 5:6

Kidie, vwẹ evun ri Kristi Jesu, oyanvwe kugbe ijẹyanvwọ fi emu ọvuọvo-o; ẹkẹvuọvo esegbuyota ro ru iruo vwẹ evun rẹ ẹguọnọ.

Galesha 6:15

Kidie oyanvwe vẹ ijẹyanvwọ fi emuọvo-o, ẹkẹvuọvo evwiẹ ọkpokpọ.

Ẹfesọs 2:10

Kidie avwanre ekuakua rẹ iruo rọye, ra mare vwi Kristi Jesu vwọ kẹ iruo esiri, rẹ Ọghẹnẹ rhuẹrẹ vwọ hẹ otọ rhabae, nẹ avwanre yan nene ayen.

Kolose 4:10

Aristakọs re me vẹ ọye gba hẹ uwodi na nẹ eyere ovwan, eriyin ji ti Mak, Ọmọ rẹ oniọvo ri Banabas, (mi ji gbe ikun rọye kẹ ovwan jovwo re, ọ da rhe ovwan reyọ),

Filimọn 1:23

Epafras re mu kugbe uvwe vwẹ uwodi na vwi fiki ri Kristi Jesu, nẹ e yere uwe;

1 Jọn 4:13

Oma rẹ Ọnana kọye avwanre vwọ riẹn nẹ avwanre hẹ evun rọye yẹ okpuyovwi rọye je hẹ evun rẹ avwanre, fikiridie ọ vwẹ Erhi rọye na vwọ kẹ avwanre.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

Ẹvwọphia 1:9

Mẹvwẹ ri Jọn, oniọvo rẹ ovwan, rọ vọ ovwan gbe vwo ẹkẹn vwẹ ukpokpogho ri Jesu kugbe uvie rọye kugbe erhiori rẹ akoechiro rọye, da hẹ ubrotọ re se Patmọs vwi fiki rẹ ota rẹ Ọghẹnẹ kugbe oseri ri Jesu.