Ọbe ri Pọl si rhe Ihwo ri Rom 15:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ rere avwanre kuoma gbe ọvo vẹ urhuru ọvo vwo jiri Ọghẹnẹ kugbe Ọsẹ rẹ Ọrovwavwanre Jesu Kristi.

Ọbe ri Pọl si rhe Ihwo ri Rom 15:6 ပူးပေါင်းရင်းမြစ်များ

Zẹfanaya 3:9

Uyota, vwẹ ọke yena ki mi che ku ephẹrẹ rẹ ihwo na rhẹriẹ vwo kpo omamọ rẹ ephẹrẹ, rere ayen ejobi vwo se se odẹ rẹ Ọrovwohwo re ayen ku evun gbe ọvo vwọ ga.

Zekaraya 13:9

Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

Iyẹnrẹ Esiri ri Jọn 20:17

Jesu da ta kẹ, Wọ yọnrọn ovwẹ-ẹ, kidiẹ mi ji yeri bru Ọsẹ na-a; ẹkẹvuọvo yanran bru imoni mẹ re wọ ta kẹ ayen, Mi yerẹ bru Ọsẹ mẹ kugbe Ọsẹ rẹ ovwan, Ọghẹnẹ mẹ kugbe Ọghẹnẹ rẹ ovwan.

Iruo rẹ Iyinkọn na 4:24

Rẹ ayen vwo nyo nure, ayen de ku urhuru gbe ọvo kperi se Ọghẹnẹ nẹ, Ọrovwohwo Ovie, ọ rọ ma odjuvwu na kugbe akpọ na kugbe abadi na kugbe emu kemu ejobi re hẹ evun rẹ ayen,

Iruo rẹ Iyinkọn na 4:32

Ọke nana ayen otu ri segbuyota na de vwo udu ọvo kugbe iroro ọvo, ohwo ọvuọvo rọ tanẹ obo rẹ ọye vwori na kẹ ọ rọye ọvo herọ-ọ, ẹkẹviọvo ayen de vwo kemu kemu kugbe.

2 Kọrẹnt 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi, Ọsẹ rẹ aruẹdọn kugbe Ọghẹnẹ rẹ uchebro,

2 Kọrẹnt 11:31

Ọghẹnẹ kugbe Ọsẹ rẹ Ọrovwohwo Jesu, ohwo ra vwẹ ebruba kẹ bẹdẹ, riẹnre nẹ me vwọnrọn ọfia-an.

Ẹfesọs 1:17

rere Ọghẹnẹ rẹ Ọrovwavwanre Jesu Kristi, Ọsẹ rẹ urinrin na, sa kẹ ovwan erhi rẹ aghwanre kugbe ẹvwọphia vwẹ evun rẹ erianriẹn rọye,

Ẹfesọs 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi, ro bruphihọ kẹ vwi Kristi vẹ emu buebu rẹ erhi guọnọre vwẹ obo odjuvwu,

Kolose 1:3

Avwanre kpẹvwẹ Ọghẹnẹ, Ọsẹ rẹ Ọrovwavwanre Jesu Kristi, avwanre ke rha je rẹ kẹ ovwan kẹdẹ kẹdẹ,

1 Pita 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi! Ra vwẹ arodọvwẹ rọye rọde na rhoma vwiẹ avwanre ọkpokpọ kẹ iphiẹrohọ ro jeghwo vwẹ oma rẹ evrẹnushi ri Jesu Kristi nẹ ughwu rhe,

Ẹvwọphia 1:6

ọ da rhe dẹ uvie kẹ avwanre ọ da vwẹ avwanre ru irherẹn kẹ Ọghẹnẹ Ọsẹ na, kọye a vwẹ urinrin kugbe isuesun kẹ bẹdẹ bẹdẹ. Isẹ.