Ọbe ri Pọl si rhe Ihwo ri Rom 14:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Kidie fiki rẹ ọna ọye Kristi vwo ghwu rọ ke rhoma varhe, rere ọ vwọ dia Ọrovwohwo rẹ ihwo ekpokpọ kugbe i ri ghwuru.

Ọbe ri Pọl si rhe Ihwo ri Rom 14:9 ပူးပေါင်းရင်းမြစ်များ

Matiu 28:18

Jesu vwo bru ayen rhe ọ da ta kẹ ayen nẹ, Ogangan ejobi re hẹ odjuvwu vẹ akpọ, a vwe ayen kẹ vwẹ.

Iyẹnrẹ Esiri ri Luk 24:26

O rhe fo rere Kristi re oja rẹ imu nana tavwe ro ki kpo urinrin rọye-e?

Iyẹnrẹ Esiri ri Jọn 12:24

Uyota, uyota, me ta kẹ ovwan, jokpa nẹ ubi rẹ ọka she phihọ otọ ro de ghwu-u, kọye ọvo kpoi re dia; ẹkẹvuọvo o de ghwu, kọ mọ emamọ buebu.

Iruo rẹ Iyinkọn na 10:36

Ovwan riẹn ota na ro ji bru ihwo rẹ Izrẹl ra, iyẹnrẹ esiri rẹ ufuoma re ghwoghwo kẹ ayen vwẹ oma ri Jesu Kristi ọye Ọrovwohwo ro vwo emu ejobi,

Iruo rẹ Iyinkọn na 10:42

Ọ da vuẹ avwanre nẹ e ghwohwo kẹ ihwo, re ji se oseri nẹ ọye ọvo Ọghẹnẹ vwo mu nẹ o guẹdjọ rẹ ihwo ekpokpọ kugbe otu ri ghwuru.

Ọbe ri Pọl si rhe Ihwo ri Rom 10:9

Wo de ghine rhọvwe vwẹ unu wẹn nẹ Jesu hẹ Ọrovwohwo wo de rhe segbuyota vwẹ udu wẹn nẹ Ọghẹnẹ kpaerọ nẹ ughwu rhe, ku wọ rhọ.

2 Kọrẹnt 5:14

Kidie ẹguọnọ ri Kristi ri sun avwanre, kidie o mu avwanre ẹro nẹ ohwo ọvo ghwu kẹ avwanre ejobi; vwẹ ọtiọye na ihwo na ejobi ghwu re.

1 Tẹsalonaika 4:14

Kidie avwanre de segbuyota nẹ Jesu ghwuru rọ da rhoma vrẹn nẹ ughwu, ọtiọye rhe ihwo ejobi ri vi Jesu gba vwerhe na, Ọghẹnẹ kọ kpare ayen re vwerhẹ na vẹ ọye vrẹn.

1 Tẹsalonaika 5:10

ohwo ro ghwu kẹ avwanre rere owẹnẹ avwanre vwerhẹ eyẹ avwanre rhọvwọre avwanre vẹ ọye vwọ sa dia.

2 Timoti 4:1

Mi ji urhi nana kẹ wẹ vwẹ obaro rẹ Ọghẹnẹ kugbe obaro ri Kristi Jesu ohwo ro che guẹdjọ rẹ ihwo ekpokpọ kugbe i ri ghwuru, vwẹ ọke rẹ ẹcha rọye kugbe uvie rọye.

Hibru 12:2

avwanre gba tọn ẹro vi Jesu ọkobaro kugbe orugba rẹ esegbuyota rẹ avwanre, ohwo rọ vwi fiki rẹ aghọghọ rọ hẹ obaro kẹ chiri odjadja rẹ aghagha na, ọ davwerhọn rẹ omaẹvuọ na-a, o de rhi tidia obọrhe rẹ ekete rẹ Ọghẹnẹ.

1 Pita 1:21

Oma rọye ovwan wan vwẹ ẹro so Ọghẹnẹ, rọ kpaherọ nẹ ughwu rhe rọ da vwẹ urinrin kẹ, ọtiọye na te esegbuyota rẹ ovwan kugbe iphiẹrohọ rẹ ovwan e hẹ evun rẹ Ọghẹnẹ.

1 Pita 4:5

ẹkẹvuọvo ayen cha nẹ iyẹnrẹ kẹ ohwo ro choma ro vwo guẹdjọ rẹ ihwo ẹkpokpọ vẹ ighweghwu.

Ẹvwọphia 1:18

rọ rhọre bẹdẹ na; mi ghwuru jovwo, gbe nighe me rhọre bẹdẹ, ko mẹvwẹ ri vwo usiaphrẹ rẹ Ughwu vẹ Ushi vwẹ obọ mẹ.

Ẹvwọphia 2:8

Kẹ enẹ o si rhe amakashe rẹ ishọshi ri Simana. Eta rẹ ohwo rẹsosuọ kugbe ọ rọ ka oba, ohwo ro ghwuru rọ da rhoma varhe.