Ọbe ri Pọl si rhe Ihwo ri Rom 14:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Owenẹ avwanre rhọ, avwanre rhọre kẹ Ọrovwohwo, owenẹ avwanre ghwu, avwanre ghwuru kẹ Ọrovwohwo; owenẹ avwanre rhọ eyẹ avwanre ghwu, avwanre hẹ obọ rẹ Ọrovwohwo.

Ọbe ri Pọl si rhe Ihwo ri Rom 14:8 ပူးပေါင်းရင်းမြစ်များ

Iyẹnrẹ Esiri ri Luk 20:38

Asakiephana ọ dia Ọghẹnẹ rẹ ihwo ighweghwu-u, ẹkẹvuọvo ọ rẹ ihwo ekpokpọ; kidie ayen ejobi rhọ vwọ kẹ.

Iyẹnrẹ Esiri ri Jọn 21:19

(Ọ ta ọnana vwo dje oka rẹ ughwu ro che ghwu rọ da vwẹ urinrin kẹ Ọghẹnẹ,) Rẹ ọnana vwọ wan nu ọ da ta kẹ, Nene uvwe.

Iruo rẹ Iyinkọn na 13:36

Kidie Devid, vwọ ga iroro rẹ Ọghẹnẹ vwẹ ọke rọye nu o da vwerhẹ, e de sho kugbe esẹ rọye, ọ da mrẹ egbo;

Iruo rẹ Iyinkọn na 20:24

Ẹkẹvuọvo mi se arhọ mẹ gbe emuọvo-o eyẹ kọ ghare kẹ oma mẹ-ẹ, ọ da dianẹ me sa yan oyan mẹ na kugbe odibo egbo re me reyọ miẹ Ọrovwohwo Jesu, re mi vwo se oseri kẹ iyẹnrẹ esiri rẹ ẹserọphẹ rẹ Ọghẹnẹ.

Iruo rẹ Iyinkọn na 21:13

Etiyin Pọl da kpahe, Die ovwan ruẹ, rẹ ovwan vwọ vwẹ oviẹ miovwẹ udu mẹ? Kidie me choma ọ dianẹ kẹ uwodi ọvo-o ẹkẹvuọvo tobọ ughwu dede vwi Jerusalẹm vwi fiki rẹ odẹ rẹ Ọrovwohwo Jesu.

1 Kọrẹnt 15:23

Ẹkẹvuọvo dohwo dute rọye. Kristi kẹ omamo rẹsosuọ, kẹsiẹye o ki rhi te otu ri Kristi vwẹ ọke rẹ ẹcha rọye.

Filipae 1:20

Rẹ ọ vwọ dia obo re me hẹrhẹ vẹ iphiẹrohọ na oma gbe rha vo o vwẹ kaka-a, ẹkẹvuọvo vwẹ evun rẹ aroeyivwo vwẹ ọke ejọbi ka sa vwẹ ọghọ kẹ Kristi vwẹ oma mẹ, owenẹ ọ dia ughwu eyẹ arhọ.

Filipae 2:17

Ọ da tobọ dianẹ e bru uvwe ku iye vwi fiki rẹ esegbuyota dede, oma vwerhe ovwẹ me vẹ ovwan ejobi ke ghọghọ.

Filipae 2:30

kidie o dino ghwu fiki re iruo ri Kristi na, ako gbẹ ẹrẹvwe o vwo se ru iruo rẹ ovwan na gba kẹ vwẹ.

1 Tẹsalonaika 5:10

ohwo ro ghwu kẹ avwanre rere owẹnẹ avwanre vwerhẹ eyẹ avwanre rhọvwọre avwanre vẹ ọye vwọ sa dia.

Ẹvwọphia 14:13

Mi de nyo urhuru ọvo ro nẹ odjuvwu rhe tanẹ, Si Ọnana; Ebruba kẹ irivwi ri ghwuru vwẹ evun rẹ Ọrovwohwo kẹ etinẹ yanran. Ebruba rẹ uyota, eriyin Erhi na tare, rere ayen se rovwoma nẹ owian rayen, kidie uruemu rayen nene ayen.