Ọbe ri Pọl si rhe Ihwo ri Rom 13:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Fiki rẹ ọtiọye na, Wo gbe ọfarhiẹ-ẹ, Wo hwe ohwo-o, Wo cho uji-i, Wo jẹ emu rẹ ohwo ọfa da wẹ ẹro-o, ọ da dianẹ urhi ọfa herọ yẹ ọna, Wọ me guọnọ ọrivẹ wẹn kirobo ru wọ guọnọ oma wẹn.

Ọbe ri Pọl si rhe Ihwo ri Rom 13:9 ပူးပေါင်းရင်းမြစ်များ

Livitikọs 19:18

Wa reihri-i eyẹ we phi ota rẹ emọ rẹ ihwo rẹ owwan phihọ evu-un, ẹkẹvuọvo ovwan guọnọ erivẹ rẹ ovwan kere omaobọ rẹ ovwan. Mẹvwẹ Ọrovwohwo na.

Livitikọs 19:34

Ọrhorha rọ kua bru we rhe kọ dia kerẹ ọmotọ vwẹ obaro wẹn, wọ Me guọnọ kirobo wọ guọnọ oma wẹn; kidie ovwan je dia erhorha vwẹ otọ rẹ Ijipt. Mẹvwẹ Ọrovwohwo rẹ Ọghẹnẹ wẹn .

Matiu 22:39

Ọ ro chekọ je họhọ ọnana, Gnọnọ ọrivẹ wẹn kirobo wọ guọnọ oma wẹn.

Iyẹnrẹ Esiri ri Mak 10:19

Wọ riẹn irhi na, Wo hwe ohwo-o, Wo gbe igberadja-a Wo cho uji-i, Wo se oseri rẹ ofia-an, Wo ghwa ohwo ria-a, Vwẹ ọghọ kẹ ọsẹ vẹ oni wẹn.

Iyẹnrẹ Esiri ri Mak 12:31

Ọrivẹ kẹ ọna, wọ mẹ guọnọ ọrivẹ wẹn kirobo wọ guọnọ oma wẹn. O gbi vwo Urhi ọfa rọ rhonọ enana-a.

Iyẹnrẹ Esiri ri Luk 10:27

Ọ da kpahe, Wọ me guọnọ Ọrovwohwo Ọghẹnẹ vwẹ udu wẹn ejobi, vwẹ ẹnwẹn wẹn ejobi, kugbe iroro wẹn ejobi, wọ me je guọnọ ọrivẹ wẹn kirobo wọ guọnọ oma wẹn.

Iyẹnrẹ Esiri ri Luk 18:20

Wọ riẹn irhi na: Wo gbe igberadja-a, Wo hwe ohwo-o, Wo cho uji-i, Wo se iseri rẹ eku-u, mu ọghọ kẹ ọsẹ wẹn vẹ oni wẹn.

Galesha 5:13

Imoni e se ovwan rhe egbemọphẹ; ovwan rha vwẹ egbemọphẹ rẹ ovwan na nenesi rẹ ugboma-a, ẹkẹvuọvo, vwẹ evun rẹ ẹguọnọ ovwan gbe odibo kẹ ohwoohwo.