Ọbe ri Pọl si rhe Ihwo ri Rom 13:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Jẹn ẹkẹn arhọghọ wẹn kẹ ayen, ọ ra hwa osa rẹ uyovwi kẹ hwa kẹ, ọ ra jẹ arhọghọ kẹ jẹ kẹ, ọ rẹ oshọ fori djẹ kẹ, ọ ro fo ọghọ vwẹ ọghọ kẹ.

Ọbe ri Pọl si rhe Ihwo ri Rom 13:7 ပူးပေါင်းရင်းမြစ်များ

1 Ivie 3:17

Aye na ọvo da ta, E, ọrovwovwe, aye nana vẹ ovwẹ re gba dia uwevwi ọvo; mi de vwiẹ ọmọ re me vẹ ọye vwọ hẹ uwevwi na.

Ẹyano 20:12

Mu ọghọ kẹ ọsẹ wẹn vẹ oni wẹn, rere ẹdẹ wẹn vwo gro vwẹ otọ rẹ Ọrovwohwo Ọghẹnẹ wẹn vwọ kẹ wẹ na.

Isẹ 24:21

Ọmọ mẹ, djẹ oshọ rẹ Ọrovwohwo na kugbe ovie, wọ phra ota raye-en;

Isẹ 3:27

Wọ vwẹ emu esiri djahe uko kẹ ohwo ro vi ri-i, siẹ rẹ ogangan na de rhe we ru wo vwo ruo.

Livitikọs 19:3

Ovwan ejobi mu ọghọ kẹ Ọsẹ vẹ oni rẹ ovwan re wa yọnrọn urhi rẹ ẹdidjala mẹ na. Mẹvwẹ Ọrovwohwo rẹ Ọghẹnẹ rẹ ovwan.

Livitikọs 19:32

Ovwan mi vrẹn mudia kẹ ohwo rẹ uyovwi rọye fonro, rere we mu ọghọ kẹ opharo rẹ ọmọmare, wọ Me rha djẹ oshọ rẹ Ọghẹnẹ wẹn: Mẹvwẹ Ọrovwohwo na.

Matiu 17:25

Ọ da ta nẹ, E. O rhi vwo te uwevwi, Jesu da ta kẹ nẹ, Die wọ tobọ roro vwọ Saimọn? Ivie rẹ akpọ na, ono ayen toro arhọghọ mie? emotọ gbinẹ erhorha?

Matiu 22:21

Ayen da ta kẹ nẹ, I ri Siza. Ọ da ta kẹ ayen nẹ, A vwẹ ẹkẹn ri Siza kẹ Siza; re a vwẹ ọ rẹ Ọghẹnẹ kẹ Ọghẹnẹ.

Iyẹnrẹ Esiri ri Mak 12:17

Jesu da ta kẹ ayen, A vwẹ emu rẹ Siza kẹ Siza, re a vwẹ emu rẹ Ọghẹnẹ. Ọ de gbe ayen unu gangan.

Iyẹnrẹ Esiri ri Luk 20:22

Ọ wan urhi kẹ avawnre re a vwọ hwa osa rẹ uyovwi kẹ Siza, gbenẹ ẹjo?

Iyẹnrẹ Esiri ri Luk 20:25

Ọ da ta kẹ ayen, Gba vwẹ ẹkẹn ri Siza kẹ Siza, vwẹ ẹkẹn rẹ Ọghẹnẹ kẹ Ọghẹnẹ.

Iyẹnrẹ Esiri ri Luk 23:2

Ayen ke vwẹ urhi muo, tanẹ, Avwanre mrẹ ohwo nana ro kuẹ ẹgborho na rhẹriẹ, rọ djẹ avwanre nẹ a hwa osa rẹ uyovwi kẹ Siza-a, tanẹ ekpuyovwi rọye Kristi na ovie.

Ọbe ri Pọl si rhe Ihwo ri Rom 12:10

Wa guọnọ ohwohwo vẹ omamọ rẹ ẹguọnọ; we sivwi oseghe rẹ ọghọemuo.

Ọbe ri Pọl si rhe Ihwo ri Rom 13:6

Kidie ọna sorọ rẹ ovwan vwọ hwa igho rẹ ẹgbukpe rhe, kidie ogangan rẹ isuesun na hẹ igbe-odibo rẹ Ọghẹnẹ ra ta nẹ e vwẹ ẹro te emu nana dẹn.

Ẹfesọs 5:33

Vwẹ ọtiọye na, e jẹn ohwo ọvuọvo guọnọ aye rọye kerẹ omobọ rọye, e gbe rhe jẹn aye vwẹ oma kpotọ kẹ ọshare rọye.

Ẹfesọs 6:5

Eviẹn, we mu ọghọ kẹ ihwo re dẹ ovwan vwẹ akpọ na, vẹ ophariẹ vẹ oshọ, kugbe evun ọvo, kirobo ru we ru kẹ Kristi;

1 Timoti 5:13

Rha vwọ ha ọyena, ayen ki yono ufeti egbe, ri muẹ yan nẹ nwevwi kpo nwevwi, ọ dia nfeti ọvo ayen gbe-e ayen vwẹ oma ru otidia ohwarha re kare unu phihọ ota, eta ri fori-i kọye ayen mnẹ ta.

1 Timoti 5:17

E jẹn otu rẹ ekpako na re riẹn sun vwo omamọ rẹ ọghọ re mu kẹ ayen, marho kẹ otu re wian owian rẹ eghwoghwo kugbe uyono.

1 Timoti 6:1

E jẹn ihwo ra dẹre re hẹ eviẹn ejobi mu o ọghọ ro fori kẹ iuini rayen, rere e vwo jẹ odẹ rẹ Ọghẹnẹ kugbe uyono rọye emiovwo.

1 Pita 3:7

Eriyin rhe ovwan eshare ri vwo eya, wa vwẹ iroro nene eya rẹ ovwan yeri, brigu hẹ ayen oma kidie eya na imihwo yẹghẹ, kidie te ovwan te eya na ri gbe koko reuku rẹ ẹserọphẹ rẹ arhọ na, rere e vwo jẹ ẹrhovwo rẹ ovwan ẹdajo.

1 Samuẹl 12:18

Etiyin Samuẹl de se Ọrovwohwo, Ọrovwohwo da vwẹ agbrara vẹ osio rhe vwẹ ẹdẹ yena; ihwo na ejobi da djẹ oshọ rẹ Ọrovwohwo vi Samuẹl gangan.