Ọbe ri Pọl si rhe Ihwo ri Rom 13:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² ọke na kpo krire, ọke na che rhiere. E gbe jẹn avwanre siobọ nẹ iruo rẹ ebri na re avwanre ku ewun rẹ urhukpẹ na phihọ.

Ọbe ri Pọl si rhe Ihwo ri Rom 13:12 ပူးပေါင်းရင်းမြစ်များ

Solomon 2:17

Bẹsiẹ rẹ ọke vwọ she rẹ uhoho vwọ djẹ, rhoma, ọnse mẹ rọ je vwe, gba họhọ orhua, eyẹ upene rẹ uguzuma rọ he egadega rẹ ugbenu.

Aizaya 2:20

Vwẹ ẹdẹ yena ihwo ki ku ema rẹ idọnọ kugbe ema rẹ iro rayen kufia, rẹ ayen ru kẹ oma rayen nẹ ayen ga vwọ kẹ irherhe kugbe edja,

Aizaya 30:22

vwe ọke yena ku wọ che gbe ema wẹn ra vwe idọnọ efuanfon kugbe e ra vwe iro ma ẹgua Ku wọ hra ayen kerẹ imu igbegbe, ku wo ta ke ayen ne, Wa yanran!

Ọbe ri Pọl si rhe Ihwo ri Rom 13:14

Ẹkẹvuọvo gbe ku Ọrovwavwanre Jesu Kristi phihọ, wọ vwẹ asan kẹ ugboma-a rere ẹguọnọ rẹ ugboma vwo je ovwan esioghwro.

1 Kọrẹnt 10:11

Asakiephana imu nana phiare rere avwanre vwọ kẹnoma, ẹkẹvuọvo e si ayen phihọ otọ rere e dia uyono kẹ avwanre, avwanre rẹ oba rẹ oge nana bru rhe.

1 Kọrẹnt 7:29

Imoni mẹ, obo re me ta na na, ọke re bruru na rhe krẹ phihọ; kẹ etinẹ yanran, jẹn otu ri vwo eya nure yeri kerẹsiẹ ra da mrẹ nẹ ayen vwori-i,

2 Kọrẹnt 10:4

Kidie ekuakua rẹ avwanre vwo phiẹ ofovwi na dia e rẹ akpọ na-a ẹkẹvuọvo ọgangan rẹ obenu a vwọ guọghọ ẹgba egangan na.

2 Kọrẹnt 6:7

ota rẹ uyota, kugbe ogangan rẹ Ọghẹnẹ; vwẹ ekuakua rẹ ọvwata vwẹ obọrhe vẹ obọhwẹre;

Ẹfesọs 4:22

Gbe ku oma rẹ ovwan rẹ awanre na kugbe uruemu rẹ ovwan rẹ awanre na ro miovwiri fiki rẹ ophiẹvwe rẹ urhuru sivwi ofefe na kufia.

Ẹfesọs 5:11

We vwo obọ vwẹ iruo ofefe re ruẹ vwẹ ebri na-a, ẹkẹvuọvo kpe rẹ ọyena we tue ayen phia.

Ẹfesọs 5:8

Kidie ebri ovwan epha jovwo, ẹkẹvuọvo vwẹ asakiephana ovwan kẹ urhukpẹ vwẹ evun rẹ Ọrovwohwo; wa gba yan kerẹ emọ rẹ Urhukpe.

Hibru 10:25

e jẹn avwanre ghwẹ oma koko, a rha hẹrhiẹ oma kirobo rẹ otu evo ruẹ-ẹ, ẹkẹvuọvo e bru ohwohwo uche, marho kẹ ọke nana rẹ ovwan vwọ mrẹ nẹ Ẹdẹ na si kẹre re.

Hibru 12:1

Fiki rẹ eriyin na, re avwanre vwọ mrẹ nẹ iseri buebu riariẹ avwanre phihọ na, e gbe jẹn avwanre won oghwa koghwa, kugbe umwemwu rọ gba avwanre na phihọ otọ, e gbe jẹn avwanre vwẹ erhiori djẹ onẹ rọ hẹ obaro na,

Jems 1:21

Fiki rẹ eriyin na, ovwan gbe siobọ nẹ eta imiomiovwi na kugbe imwemwu rẹ ovwan, re wa vwẹ oma kpotọ reyọ ota ra kọn phihọ udu rẹ ovwan na, ro se sivwi erhi rẹ ovwan.

Jems 5:8

Ovwan vwo erhiori rere wan vwẹ udu te otọ; kidie ẹcha rẹ Ọrovwohwo si kẹre re.

1 Pita 2:1

Vwẹ ọtiọye na we siobọ nẹ ọnko kugbe ophiẹvwe kugbe omeru kugbe ophọphọvwe ejobi.

1 Pita 4:7

Oba rẹ emu na ejobi si kẹre re; fiki rẹ ọtiọye na gbe ru dọe re ẹro hiẹ wẹ vwẹ ọke wọ da nẹ ẹrhovwo.

2 Pita 3:11

Rẹ ekuakua na ejobi na cha vwọ wran kufia na, ki didi oghẹre rẹ ihwo ovwan cha dia vwẹ eyenre rẹ ẹfuọn kugbe uyoyovwi,

2 Pita 3:9

Ọrovwohwo sa phiẹn ohwo vwẹ oma rẹ ive ro veri kirobo rẹ otu evo ta na-a, ẹkẹvuọvo o chirako rẹ ovwan, ọ guọnọre nẹ ohwo ọvuọvo ghwu-u, ẹkẹvuọvo nẹ ihwo ejobi kurhẹriẹ.

1 Jọn 2:18

Emọ na, Ọnana hẹ ọke rẹ obo oba na; rẹ ovwan vwo nyo nẹ Kristi rẹ ofian cha na, kọye asakiephana Kristi rẹ efian ghine rhire; kọye avwanre vwọ riẹn nẹ ọke rẹ obo oba na ghine tere.

Ẹvwọphia 1:3

Ebruba kẹ ohwo ro se eta rẹ aroẹmrẹ na phia, kugbe ebruba kẹ ayen otu ri nyoro, re da yọnre obo re si phihọ evun rọye; kidie ọke na kẹre otọ rẹ.

Ẹvwọphia 22:10

Ọ da ta kẹ vwẹ, Wo huhu ọbe rẹ eta rẹ aroẹmrẹ nana-a, kidie ọke na si kẹre re.