Ọbe ri Pọl si rhe Ihwo ri Rom 13:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ E jẹn kohwo kohwo vwẹ oma kpotọ kẹ otu ra vwẹ ogangan rẹ isuesun kẹ. Kidie ogangan ọfa herọ-ọ jokpa rẹ ọ ro nẹ obo rẹ Ọghẹnẹ rhe, ayen otu ri suẹn na Ọghẹnẹ re vwẹ ayen mu.

Ọbe ri Pọl si rhe Ihwo ri Rom 13:1 ပူးပေါင်းရင်းမြစ်များ

Une rẹ Ejiro 62:11

Esiẹvọ Ọghẹnẹ tarọ; asiava mi nyo Ọnana re: nẹ ọgangan obọ rẹ Ọghẹnẹ ọ epha,

Isẹ 24:21

Ọmọ mẹ, djẹ oshọ rẹ Ọrovwohwo na kugbe ovie, wọ phra ota raye-en;

Daniẹl 2:21

Ọ rhẹriẹ ọke vẹ ẹghẹre; ọye ri siẹ ivie nẹ ẹdia ọ me rha vwẹ ivie mu, ọ vwẹ aghwanre kẹ ihwo re ghwanre, ọ me rha vwẹ erianriẹn kẹ ihwo ri vwo ẹruọ

Daniẹl 4:17

Ọnana orhiẹn rẹ erhẹrotọ na bruru, ọrhiẹn na ọye eta rẹ ihwo efuanfon na, rere oba rọye, ihwo rẹ akpọ vwọ riẹn nẹ ọ rọ me kpenu ejobi ri suẹn uvie rẹ ihwo, nẹ ohwo ro jere ọye ọ vwọ kẹ, ohwo ro me kpotọ kọye ọ vwọ ka obenu.

Daniẹl 4:32

Ka cha djẹ we nẹ ohri rẹ ihwo, ohri rẹ eranvwe rẹ aghwa kọye wọ dia, ke ru we vwọ re odi kere erhuẹn, ikpe ighwrẹ kẹ wan vrẹn tavwe, bẹsiẹ wọ vwọ riẹn nẹ ọ ro Me Kpenu ejobi ri suẹn uvie rẹ ihwo, ohwo ro jere ọye ọ vwọ kẹ.

Matiu 6:13

Wo suẹn avwanre ro ọdavwini-i, ẹkẹvuọvo si avwanre nẹ ukpokpogho.

Iyẹnrẹ Esiri ri Jọn 19:11

Jesu da kpahe kẹ, Wo vwo ogangan vwẹ enu mẹ-ẹ jokpa nẹ a vwe rọ kẹ wẹ nẹ obenu rhe; fiki rẹ ọtiọye na ọ ro mu uvwe rhe we ọye ri me ru umwemwu rode na.

Iruo rẹ Iyinkọn na 2:41

Ọtiọye na a da vwẹ ame kẹ ihwo re reyọ ota rọye na, ayen otu re keri kugbe ukoko na vwẹ ẹdẹ yena na da dia ihwo uriori erha.

Ọbe ri Pọl si rhe Ihwo ri Rom 12:21

Wo jẹ umwemwu phi we kparobọ-ọ, ẹkẹvuọvo vwẹ uyoyovwi phi umwemwu kparobọ.

Ọbe ri Pọl si rhe Ihwo ri Rom 13:2

Fiki rẹ ọtiọye na ohwo ro yivwaro kpahe otu ra vwẹ ogangan rẹ isuesun kẹ na yivwaro kpahe otu rẹ Ọghẹnẹ vwo mu, ayen otu ri yivwaro kpahe ayen ka vwẹ ayen guẹdjọ.

Ẹfesọs 5:21

Ohwohwo vwẹ oma kpotọ kẹ ohwohwo vwẹ oshọ ri Kristi.

Urhi Rivẹ 17:12

Ohwo ro phuoma ro gbi mu ọghọ kẹ orherẹn rọ mudia vwẹ obaro rẹ Ọrovwohwo rẹ Ọghẹnẹ rẹ ovwan na-a, eyẹ oguẹdjọ na-a; ohwo yena ko ghwu; eriyin ovwan vwọ hworhẹ umwemwu nẹ Izrẹl na.

1 Timoti 2:2

vwọ kẹ Ivie kugbe ihwo ride, rere avwanre vwo yere akpọ dẹndẹn vẹ ufuoma, yoyovwi vẹ ọghọ vwẹ idjerhe kidjerhe.

Taitọs 3:1

Karophihọ ihwo na nẹ ayen vwẹ oma kpotọ kẹ ayen otu ri suẹn ihwo, kugbe ihwo ride ri vwo ogangan, re mu ọghọ kẹ ayen, rere kiruo kiruo rẹ ayen guọnọre ejobi e ru kẹ ayen yoyovwi.

Ọbe ri Jud 1:8

Uruemu nana ihwo nana vwẹ evun re vwerhẹ evwerhẹ rayen de gbe ugboma na ẹgua, ayen da sen ogangan rẹ isuesun na, ayen da ghwọ ku ihwo rẹ urinrin na.

Ẹvwọphia 1:5

ji nẹ obọ ri Jesu Kristi oseri rẹ uyota na, ọmọkpako ro ke ghwu varhe, kugbe osun rẹ ivie rẹ akpọ na. Ọye hẹ ohwo rọ guọnọ avwanre ọ da vwẹ ọbara rọye tan avwanre nẹ imwemwu rẹ avwanre

Ẹvwọphia 17:14

ayen ke cha vwẹ ofovwi so Omogodẹ na, Omogodẹ na ko phi ayen kua, kidie ọye hẹ Ọrovwohwo ro vwo ihwo ejobi kugbe Ovie ro vwo ivie ejobi, ayen otu re vẹ ọye gba herọ ayen o seri rọ jẹreyọ ri segbuyota.

Ẹvwọphia 19:16

E de si odẹ tamu ewun rọye kugbe ekpoghowọ rọye, Ovie rẹ ivie kugbe Ọrovwohwo ro vwo ihwo.

1 Samuẹl 2:8

Ọ kpare ovwiogbere nẹ iwurhie ọ kpare ọ rẹ akpọ bẹn kpenu nẹ evun rẹ erhurhu, rere ayen vẹ isun tidia kugbe rere ayen reuku rẹ ọghọ. Kidie ichivwo rẹ akpọ na ọ rẹ Ọrovwohwo, enu rẹ ayen o mu akpọ na vi.