Ọbe ri Pọl si rhe Ihwo ri Rom 12:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ ọ ro bruche, o ghwe nene uchebro rọye; ọ ro ru ẹse, o ghwe rhie abọ ruo; ọ rọ cha uko, e jo ruo vẹ oruru; ọ ro nẹ aruẹdọn, ọ vwẹ omavwerhovwẹ ruo.

Ọbe ri Pọl si rhe Ihwo ri Rom 12:8 ပူးပေါင်းရင်းမြစ်များ

Jẹnẹsis 18:19

Ẹjo, kidie Me jẹrẹ reyọ nure, nẹ oyono emọ rọye vẹ evwruwevwi rọye ejobi re ayen sẹro rẹ idjerhe rẹ Ọrovwohwo re ayen ru uruemu rẹ ọvwata vẹ ọsoso; rere ive rẹ Ọrovwohwo vẹ kẹ Ebraham na o vwo se ruo gba kẹ.

Une rẹ Ejiro 112:9

O siobọ nẹ ọphọphẹ, ọ kẹ ivwiogbẹrẹ; ọvwata rọye dia rhiri bẹdẹ; a vwẹ ọghọ kpare ighoro rọye kpenu.

Une rẹ Ejiro 37:21

Oruimwemwu momo, ẹkẹvuọvo ọ sa hwa rhivwi-i, ẹkẹvuọvo ọvwata nẹ arodọvwẹ ọ me hwa,

Isẹ 22:9

Ohwo ro vwo ẹro rẹ okẹ che vwo ebruba, kidie ọ vẹ otu ri gbere gba ghare emu rọye ria.

Aghwoghwo 11:6

Kọn ekankọn vwẹ irhiọke, kugbe ọke rẹ ovwọnvwọn wọ kẹkẹ obọ-ọ; kidie wọ riẹn ọ ro che yovwẹ-ẹ, se ọnana eyẹ ọyena, eyẹrẹ ivẹ na ri che yovwẹ kuẹgbe.

Aghwoghwo 9:10

Kemu kemu rẹ obọ wẹn se ru, vwẹ ogangan wẹn ruo; kidie ushi wọ cha ra na, o vwo iruo-o, eyẹ iroro-o eyẹ erianriẹ-ẹn eyẹ aghwanre-e.

Aizaya 32:5

E gbi se se ẹkpa omamọ ohwo-o eyẹ irhurhu gbe sa dia ohwo re mu ọghọ ke-ẹ.

Aizaya 32:8

Ẹkẹvuọvo omamọ ohwo omamo iroro o roro oma re emu esiri o mudia phihọ.

Aizaya 64:5

We re vwanvwan kẹ ohwo rọ vwẹ aghọghọ ru iruo rẹ ọvwata, ihwo re karohọ owẹ vwẹ idjerhe wẹn. Nighere, ivun miovwo uwe, avwanre de ru imwemwu, avwanre dia evun rẹ imwemwu na krire-e, ke che sivwi avwanre?

Matiu 25:40

Ovie na kọ kpahe kọ ta kẹ ayen nẹ, Uyota me ta kẹ ovwan, kirobo ri we ruro kẹ ohwo ọvo vwẹ usun rẹ imoni mẹ na, yẹ ovwan ruro kẹ vwẹ.

Iruo rẹ Iyinkọn na 11:23

Ọke rọ vwọ rhe rhe mrẹ ẹserọphẹ rẹ Ọghẹnẹ na, oma da vwerhọn; o de bru ayen uche rere ayen nabọ mudia gan vwi iruo rẹ Ọrovwohwo na;

Iruo rẹ Iyinkọn na 13:12

Etiyin osun na vwọ mrẹ obo re phiare o de segbuyota, kidie uyono rẹ Ọrovwohwo na gbereunu.

Iruo rẹ Iyinkọn na 13:15

Ọke re vwo se ọbe rẹ urhi na vẹ emraro na nu, isun ri Sinegọg na de ji ohwo ra vuẹ ayen, tanẹ, Imoni, ọ da dianẹ we vwo ota rẹ uchebro ru we bru ihwo na, wa ta.

Iruo rẹ Iyinkọn na 15:32

Judas kugbe Sailas, rẹ ekpuyovwi rẹ ayen hẹ emraro rhe, da vwẹ eta buebu vwo bru imoni na uche, oma rẹ ayen da gan.

Iruo rẹ Iyinkọn na 20:2

Rọvwọ wan abọ nana ejobi vrẹn nu o de bru ayen uche gangan, o de rhi te Gris.

Iruo rẹ Iyinkọn na 20:28

Wa kẹnoma rẹ ovwan kugbe uchuru na ejobi, rẹ Ẹrhi Ọfuanfon na vwọ kẹ ovwan nẹ wa vwẹ ẹro te, re wa ghẹrẹ ishọshi rẹ Ọrovwohwo rọ vwẹ ọbara robọ rọye dẹ.

Iruo rẹ Iyinkọn na 4:36

Kẹ enẹ Josẹf je shẹ otọ rọye ohwo rẹ iyinkọn na mu odẹ kẹ nẹ Banabas (otọ rọye, Ọmọ rẹ obruche) ohwo ri Livae, ohwo ri Saiprọs,

Ọbe ri Pọl si rhe Ihwo ri Rom 12:13

Toro arhọghọ fiki rẹ ọkarovwẹ rẹ irherẹn na, yono obo re ru ẹse.

Ọbe ri Pọl si rhe Ihwo ri Rom 13:6

Kidie ọna sorọ rẹ ovwan vwọ hwa igho rẹ ẹgbukpe rhe, kidie ogangan rẹ isuesun na hẹ igbe-odibo rẹ Ọghẹnẹ ra ta nẹ e vwẹ ẹro te emu nana dẹn.

1 Kọrẹnt 12:28

Ẹsosuọ Ọghẹnẹ da vwẹ iyinkọn mu vwẹ evun rẹ ishọshi rọye, ọrivẹ emraro, ọrerha iyono, o ki te iruiruo rẹ igbunu, o ki te isivwi ihwo, ichuko, isun isuesun ihwo re je ephẹrẹ sansan.

1 Kọrẹnt 14:3

Vwẹ ẹbẹre ọfa, ohwo rọ mraro na ta ota kẹ ihwo rere e vwo yono ayen ra vwọ ta udu phihọ ayen awo kugbe rere e vwo bru ayen uche.

2 Kọrẹnt 1:12

Kidie eyan rẹ avwanre kẹ ọna, iseri rẹ udu rẹ avwanre nẹ evun rẹ avwanre pha fuanfon vwẹ akpọ na, ọtiọye avwanie je fon evun kpahe ovwan, vẹ ẹfuọn kugbe uruemu esiri, ọ dianẹ kẹ aghwanre rẹ akpọ na-a ẹkẹvuọvo vwẹ ẹserọphẹ rẹ Ọghẹnẹ.

2 Kọrẹnt 11:3

Ẹkẹvuọvo oshọ mu vwẹ nẹ kirobo rẹ ọrọdekọ vwẹ ona phiẹn Ivi na, iroro rẹ ovwan che ghwru nẹ omamọ rẹ ẹga ru we vwo kẹ Kristi.

2 Kọrẹnt 8:12

Kidie omaecha na da hẹ etiyin, ka sa reyọ kirobo rẹ ohwo na vwori, o dianẹ kirobo rẹ ohwo na je evwo-o.

2 Kọrẹnt 9:11

Ku wo fe vwẹ idjerhe kidjerhe fiki rẹ obo ru wo siobọ nu buebu na, ra da wan oma rẹ avwanre vwẹ ẹkpẹvwẹ kẹ Ọghẹnẹ;

2 Kọrẹnt 9:13

Vwẹ oma rẹ ọdavwini rẹ iruo nana, kọye wọ wan vwẹ urinrin kẹ Ọghẹnẹ vwẹ oma rẹ ọghọ ru wọ vwọ reyọ iyẹnre esiri ri Kristi na, kugbe obọ wo rhie vwọ gba arhọghọ kẹ ayen vẹ ihwo efa ejobi;

2 Kọrẹnt 9:7

Ohwo ọvuọvo mi ru kirobo rẹ udu rọye dje kẹ, ọ dia ọ rẹ iguegu-u eyẹ ẹgbahọ-ọ, kidie Ọghẹnẹ guọnọ okẹ rẹ ivun avwerhe.

Ẹfesọs 6:5

Eviẹn, we mu ọghọ kẹ ihwo re dẹ ovwan vwẹ akpọ na, vẹ ophariẹ vẹ oshọ, kugbe evun ọvo, kirobo ru we ru kẹ Kristi;

Urhi Rivẹ 15:14

Wọ Me vwẹ igegede wẹn ẹvo ruo ẹse, wọ Me je kẹ eka wẹn ẹvo, te wain wẹn re miri ẹvo; ọtiobo rẹ Ọrovwohwo Ọghẹnẹ wẹn bruba kẹ wẹ te, eriyin wọ je kẹ te.

Urhi Rivẹ 16:11

wọ Me ghọghọ vwẹ obaro rẹ Ọrovwohwo rẹ Ọghẹnẹ, wọwẹ vẹ ọmọ wẹn rẹ ọshare vẹ ọmọ wẹn rẹ aye, te odibo wẹn rẹ ọshare vẹ odibo wẹn rẹ aye, kugbe ohwo rẹ Livae rọ hẹ orere wẹn, te ọrhorha, vẹ ọmọphrorivwi, vẹ ayeuku rọ uherevie rẹ ovwan na, vwẹ asan rẹ Ọrovwohwo Ọghẹnẹ wẹn sanọre, nẹ odẹ rọye dia na.

Kolose 3:22

Eviẹn na, we mu ọghọ kẹ inini rẹ ovwan vwi kemu kemu ejobi, ovwan nabọ ga ayen ọ dianẹ rẹ ihwo vwo jiri ovwa-an, ẹkẹvuọvo wa vwẹ evun ọvo ga ayen vwẹ oshọ rẹ Ọrovwohwo.

1 Tẹsalonaika 2:3

Kidie uyono rẹ avwanre ghwa rhe dia ọchọchọ-ọ eyẹ ọ rẹ ijefuọ-ọn, eyẹ ọ rẹ ophiẹvwe-e.

1 Tẹsalonaika 2:8

Ọtiọye na, fiki rẹ ivun avwerhe ri mi vwo kẹ ovwan, avwanre choma rẹ avwanre vwọ ghare ọ dia iyẹnrẹ esiri rẹ Ọghẹnẹ na ọvo-o, ẹkẹvuọvo ekroma rẹ avwanre dede, kidie ovwan rhe ghare kẹ avwanre gangan.

1 Timoti 4:13

Bẹsiẹ re me vwọ rhe, wo mie se ọhe ofuanfon na, kugbe eghwoghwo rẹ ota na, kugbe uyono.

1 Timoti 5:17

E jẹn otu rẹ ekpako na re riẹn sun vwo omamọ rẹ ọghọ re mu kẹ ayen, marho kẹ otu re wian owian rẹ eghwoghwo kugbe uyono.

1 Timoti 6:18

Jẹn ayen ru emu esiri jẹn ayen fe efe rẹ uruemu esiri, jẹn ayen ru ẹse,

Hibru 10:25

e jẹn avwanre ghwẹ oma koko, a rha hẹrhiẹ oma kirobo rẹ otu evo ruẹ-ẹ, ẹkẹvuọvo e bru ohwohwo uche, marho kẹ ọke nana rẹ ovwan vwọ mrẹ nẹ Ẹdẹ na si kẹre re.

Hibru 13:17

Mu ọghọ kẹ isun rẹ ovwan vwẹ oma kpotọ kẹ ayen; kidie ayen re sẹro re ẹnwẹn rẹ ovwan, ayen je hẹ ihwo re cha nẹ iyẹnrẹ kpahe ovwan. We jẹn ayen ru ọna vẹ omavwerhovwẹ, ọ dia ọ rẹ opharo emuohọ-ọ, kidie ọyena fi erere kẹ wẹ-ẹ.

Hibru 13:22

Me rẹ ovwan, imoni, we chirako rẹ uchebro mẹ na, kidie mi siro rhe ovwan krẹn.

Hibru 13:24

Yere isun rẹ ovwan ejobi kugbe ihwo efuanfon na. Otu ri nẹ obo Itali rhe yere ovwan.

Hibru 13:7

Karohọ isun rẹ ovwan, ayen otu re ta ota rẹ Ọghẹnẹ kẹ ovwan; roro akpọ eyere rayen, re wa vwẹ ẹro kere esegbuyota rayen.