Ọbe ri Pọl si rhe Ihwo ri Rom 12:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ ọ da dia ọ rẹ ẹga, o ghwe nene ẹga; ọ ro yono, o ghwe nene uyono rọye;

Ọbe ri Pọl si rhe Ihwo ri Rom 12:7 ပူးပေါင်းရင်းမြစ်များ

Une rẹ Ejiro 34:11

Yanrhe, E emọ, kerhọn mẹ, Mi yono uwe oshọ ẹdjẹ rẹ Ọrovwohwo na.

Une rẹ Ejiro 51:13

Etiyin ki mi yono igburhi na idjerhe wẹn, iruimwemwu ki rhivwi bru we rhe.

Aghwoghwo 12:9

Ra vwọ ba ẹghwanre na ro vwori na, Aghwoghwo na ji yono ihwo na erianriẹn E, o roro, ọ guọnọ phia, o de kpe ite buebu.

Aizaya 21:8

Etiyin ohwo rọ mrẹrẹ de kperi. Vwe enu re erheri mi mudia, E Ọrovwohwo, uvo ejobi mi mudia, vwẹ asan ohẹrhẹ mẹ na mi mudia ason ejobi.

Matiu 28:19

Ovwan gba yanran re we re yono ihwo rẹ akpọ na ejobi, wa vwẹ ame kẹ ayen vwẹ odẹ rẹ Ọsẹ vẹ ọ rẹ Ọmọ kugbe Erhi Ọfuanfon.

Iyẹnrẹ Esiri ri Jọn 3:2

Ọhwo nana de bru Jesu rhe vwẹ ason ọ da ta kẹ, Rabbi, avwanre riẹnre nẹ wọwẹ oyono ro nẹ obọ rẹ Ọghẹnẹ rhe; kidie ohwo ọvuọvo ro se ru eka nana ru wo ruẹ na herọ-ọ, jokpa nẹ Ọghẹnẹ vwọ ba.

Iruo rẹ Iyinkọn na 13:1

Asakiephana emraro kugbe iyono da herọ vwẹ ishọshi rẹ Antiọk, Banabas, Simiọn re se Naija, Lushọs ri Sairin, Manaen ọdiaguare rẹ rẹ ovie Hẹrọd, kugbe Sọl.

Iruo rẹ Iyinkọn na 20:20

obo ri mi si emu ọvuọvo rọ vwẹ erere kẹ ovwan nu-u, mi yono ovwan vwẹ azagba ji nẹ uwevwi kpo uwevwi,

Iruo rẹ Iyinkọn na 20:28

Wa kẹnoma rẹ ovwan kugbe uchuru na ejobi, rẹ Ẹrhi Ọfuanfon na vwọ kẹ ovwan nẹ wa vwẹ ẹro te, re wa ghẹrẹ ishọshi rẹ Ọrovwohwo rọ vwẹ ọbara robọ rọye dẹ.

Iruo rẹ Iyinkọn na 6:1

Asakiephana rẹ idibo na vwo buẹ phihọ re, etiyin omaẹfẹnẹ da hẹ ohri ri Ju re jẹ Grik kugbe ihwo ri Hibru, ayen ki guẹ ihwo ri Hibru na ẹdjọuyovwi fiki rẹ eyauku rayen ra ghara emuọre gbọ kẹdẹ kẹdẹ.

1 Kọrẹnt 12:28

Ẹsosuọ Ọghẹnẹ da vwẹ iyinkọn mu vwẹ evun rẹ ishọshi rọye, ọrivẹ emraro, ọrerha iyono, o ki te iruiruo rẹ igbunu, o ki te isivwi ihwo, ichuko, isun isuesun ihwo re je ephẹrẹ sansan.

1 Kọrẹnt 12:5

iruo sansan re herọ, ẹkẹvuọvo Ọrovwohwo ọvuọvo na;

1 Kọrẹnt 14:26

Kidie vwo, imoni? Ọke we de rhi si koko, rẹ ohwo ọvuọvo da so une, ọvo de vwo obo ro yono, rẹ ọvo de vwo obo rọ vwọ phia, rẹ ọvo da jẹ ephẹrẹ, eyẹ ọvo fan otọ rọye. E jẹn e ru ayen rere emu ejobi vwọ gba.

Galesha 6:6

Ihwo re yono ota na mi ji rhie evu kẹ oyono na, vwọ ghare vwẹ emu rẹ erhuvwu ejobi.

Ẹfesọs 4:11

Okẹ rọye ke rha vwẹ ọna nẹ otu evo dia iyinkọn, evo emraro, evo aghwoghwo, evun osun vẹ iyono.

Urhi Rivẹ 33:10

Ayen che yono Jekọp iji wẹn, Izrẹl kẹ urhi wẹn; ayen che phi insẹns phihọ obaro wẹn te ọsoso rẹ izobo ra torhẹre phihọ enu rẹ agbada wẹn.

Kolose 4:17

Ovwan ta kẹ Akipọs, rọ vwẹ ẹro te iruo rẹ Ọrovwohwo sanerọ phihọ na, rere o ru ayen gba.

1 Timoti 2:7

Fiki rẹ ọnana a vwọ vwẹ ovwe ru aghwọghwọ kugbe ọyinkọn (uyota me ta na, ọ dia ofian me vwọrọ-ọn) kugbe oyono rẹ ihwo ri Keferi vwẹ esegbuyota kugbe uyota na.

1 Timoti 3:2

Osun na rhe vwo ekan vwẹ oma-a, ẹsiẹvo goi ọ rọvwọ, fuefu, ro vwo iroro, ohwo vẹ udidi, ro ru ẹse, rọ goma rẹ uyono,

1 Timoti 4:16

Sẹro rẹ oma wẹn kugbe uyono wẹn; yọnre ọyena, kidie wo de ru ọtiọye ku wo sivwi oma wẹn kugbe ayen otu ri nyo we.

1 Timoti 5:17

E jẹn otu rẹ ekpako na re riẹn sun vwo omamọ rẹ ọghọ re mu kẹ ayen, marho kẹ otu re wian owian rẹ eghwoghwo kugbe uyono.

2 Timoti 2:2

obo ru wo nyo mie vwe vwẹ irharo rẹ iseri buebu gba vwẹ ayen yono ihwo ri vwo esegbuyota re je sa vwẹ ayen yono ihwo efa rhe.

2 Timoti 2:24

Ọdibo rẹ Ọrovwohwo dia ohwo rẹ ẹghwọ-ọ ẹkẹvuọvo o nẹ aruẹdọn kẹ ohwo kohwo, oyono vẹ aghẹghẹ, ro vwo odiri,

2 Timoti 4:2

Ghwoghwo ota na, kpata kpata vwẹ evwru eyẹ vwẹ oghẹre rẹ ọke ejobi, vwẹ erhiori wo jọ bẹn wẹ-ẹ, ta rọ ro ohwo ghwo, bru uche,

1 Samuẹl 12:23

Ọ rọ marho mi che ru umuemwu kpahe Ọrovwohwo re mi se jẹ ẹrhovwo ẹnẹ kẹ Ọrovwohwo fiki rẹ ovwa-an; ki mi yono ovwan phihọ idjerhe rẹ esiri vẹ ọsoso.