Ọbe ri Pọl si rhe Ihwo ri Rom 12:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Kirobo rẹ ẹse ro ru avwanre fẹnẹre, ẹserọphẹ rọ ghare kẹ avwanre na, e gbe jẹn avwanre vwẹ ayen ru iruo; ọ da dia aroẹmrẹ, e gbe jọ dia kirobo rẹ esegbuyota rẹ avwanre teri;

Ọbe ri Pọl si rhe Ihwo ri Rom 12:6 ပူးပေါင်းရင်းမြစ်များ

Matiu 23:34

Fiki re eriyin na, mi de ji emraro mẹ kugbe evwaghwanre, kugbe isiẹbe, we hwe evo, wa kanre evo mu agbagba; we che ru evo oja vwẹ evun rẹ Sinagọg rẹ ovwan, we mi rhe mu ayen nẹ orere kpo orere.

Matiu 25:22

Ọ ra kẹ ikpahọ ivẹ na da rhe ọ da ta nẹ, Ọrovwohwo ikpahọ ivẹ wọ kẹ vwẹ; nighe me mrẹ erere rẹ ikpahọ ivẹ efa vwẹ enu rọye.

Iyẹnrẹ Esiri ri Luk 11:49

Kọye Aghwanre rẹ Ọghẹnẹ vwọ ta, Mi ji emraro na rhe ayen kugbe iyinkọn ayen hwe ẹvo vwọ ayen mu ẹvo,

Iruo rẹ Iyinkọn na 13:1

Asakiephana emraro kugbe iyono da herọ vwẹ ishọshi rẹ Antiọk, Banabas, Simiọn re se Naija, Lushọs ri Sairin, Manaen ọdiaguare rẹ rẹ ovie Hẹrọd, kugbe Sọl.

Iruo rẹ Iyinkọn na 15:32

Judas kugbe Sailas, rẹ ekpuyovwi rẹ ayen hẹ emraro rhe, da vwẹ eta buebu vwo bru imoni na uche, oma rẹ ayen da gan.

Iruo rẹ Iyinkọn na 2:17

Ọghẹnẹ tare nẹ, oba rẹ ọke na de rhi tere ki mi ku Erhi mẹ na phihọ oma rẹ ihwo ejobi, emeshare vẹ emetẹ rẹ ovwan ke cha mraro, imighene rẹ ovwan ke cha mrorẹ, ekpako re ovwan ke cha vwerhẹ evwerhẹ

Iruo rẹ Iyinkọn na 21:9

O vwo emetẹ ẹne ri ji kpo orọvwe-e, re mraro.

Ọbe ri Pọl si rhe Ihwo ri Rom 1:11

Kidie urhuru rẹ ovwan si vwe, rere me vwẹ ọchuko rẹ ẹse rẹ erhi na kẹ ovwan rọ kẹ ovwan ogangan vwo mudia gan.

Ọbe ri Pọl si rhe Ihwo ri Rom 12:3

Fiki rẹ ẹserọphẹ ra vwọ kẹ vwẹ me rẹ ohwo ọvuọvo vwẹ ohri rẹ ovwan nẹ e jẹn ohwo ọvo rhe roro oma rọye rhuarho nọ obo rọ epha jovwọ-o, ẹkẹvuọvo ovwan vwẹ oma kpotọ dẹndẹn, ọvuọvo kerẹ ọtiẹ esegbuyota rẹ Ọghẹnẹ vwọ kẹ.

1 Kọrẹnt 12:18

Ẹkẹvuọvo kirobo rọ epha na, Ọghẹnẹ rhuẹrẹ ekuakua na phihọ oma na, dohwo dọrọye, kirobo ro jere.

1 Kọrẹnt 13:2

Mi de vwo ogangan rẹ aroẹmrẹ, mi de vwo ẹruọ rẹ igbunu ejobi kugbe erianriẹn ejobi, ọ da dianẹ mi vwo esegbuyota, ro se ghwie ugbenu, ẹkẹvuọvo yi mi vwo ẹguọnọ-ọ, yo mẹvwẹ ohwo diodi.

1 Kọrẹnt 14:1

Jẹn ẹguọnọ dia obo ru wo nẹ, vwẹ oma kpotọ guọnọ okẹ rẹ erhi na, marho rere wọ sa mraro.

1 Kọrẹnt 14:24

Ẹkẹvuọvo ayen ejobi da mraro, rẹ ohwo ro segbuyota-a eyẹ ogbori da vwẹriẹ, obo ro nyori ejobi ko muo ẹro, kọ sa vwẹ unu gbe ikun rẹ obo ro nyori ejobi,

1 Kọrẹnt 14:29

Jẹn emraro ivẹ eyẹ erha ta ota, re jẹn ihwo efa vwanvwe obo ra tare.

1 Kọrẹnt 3:5

Kono hẹ Apolọs? Kidie Pọl epha? Idibo rẹ ovwan wan oma rayen segbuyota, kirobo rẹ Ọrovwohwo ghare kẹ ohwo ọvuọvo.

1 Kọrẹnt 7:7

Me guọnọre nẹ ihwo ejobi dia kirobo re me epha na. Ẹkẹvuọvo dohwo dẹse rẹ Ọghẹnẹ ru kẹ, ọvo vwo oghẹre ọvo ọfa vwo oghẹre ọfa.

2 Kọrẹnt 8:12

Kidie omaecha na da hẹ etiyin, ka sa reyọ kirobo rẹ ohwo na vwori, o dianẹ kirobo rẹ ohwo na je evwo-o.

Ẹfesọs 3:5

Emu ra vwọ kẹ emọ rẹ ihwo riẹn vwẹ uvwiẹ ọfa-a kirobo rẹ erhi na vwe rọ phia vwẹ asakiephana kẹ iyinkọn efuanfon rọye kugbe emraro na.

Ẹfesọs 4:11

Okẹ rọye ke rha vwẹ ọna nẹ otu evo dia iyinkọn, evo emraro, evo aghwoghwo, evun osun vẹ iyono.

Filipae 3:15

E gbe jẹ avwanre ri te omiragua re na roro ọnana mrẹ; emu ọfa da rha herọ ru we ji roro phia-a, Ọghẹnẹ kọ vwọ phia kẹ ovwan rhe.

1 Tẹsalonaika 5:20

Ovwan jẹ aroẹmrẹ fia-a.

2 Pita 1:20

Vwẹ ẹsosuọ ejobi we gbe jẹ ọnana ro ovwan, nẹ aroẹmrẹ re hẹ ọbe ọfuanfon na de dia obo rẹ ohwo ọvo di muẹ otọ rọye fa-a,