Ọbe ri Pọl si rhe Ihwo ri Rom 12:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Fiki rẹ ẹserọphẹ ra vwọ kẹ vwẹ me rẹ ohwo ọvuọvo vwẹ ohri rẹ ovwan nẹ e jẹn ohwo ọvo rhe roro oma rọye rhuarho nọ obo rọ epha jovwọ-o, ẹkẹvuọvo ovwan vwẹ oma kpotọ dẹndẹn, ọvuọvo kerẹ ọtiẹ esegbuyota rẹ Ọghẹnẹ vwọ kẹ.

Ọbe ri Pọl si rhe Ihwo ri Rom 12:3 ပူးပေါင်းရင်းမြစ်များ

Isẹ 25:27

Ofori ra vwọ ra rẹ ọnyọn buebu-u, ọtiọye na gbe ni obo ru wo bru igu phihọ ohwo oma.

Isẹ 26:12

Wọ mrẹ ohwo rọ ghwanre kẹ omobọ rọye? iphiẹrohọ herọ kẹ ẹkpa nọ ohwo yena.

Aghwoghwo 7:16

Wọ ghwa dia ọvwata nọ-ọ, wọ je ghwanra nọ kẹ ọma wẹ-ẹn; die sorọ wọ vwọ ghwọrọ oma wẹn kuẹfia?

Maika 6:8

O dje kẹ wẹ nure, E ohwo na, obo ri yoma; kidie Ọrovwohwo tobọ guọnọ vwẹ obọ wẹ ru emu rọ dia ọsoso, guọnọ aruẹdọn, kugbe rere wọ rha vwẹ oma kpotọ yan nene Ọghẹnẹ wẹn?

Iyẹnrẹ Esiri ri Luk 18:11

Farisi na vrẹn mudia ọ da nẹ ẹrhovwo enẹ kẹ oma rọye, Ọghẹnẹ, me kpẹvwẹ owẹ nẹ me họhọ ihwo efa-a, re ghwa ihwo ria, ifuevu-u, igberadja, eyẹ tobọ họhọ omiarhọghọ nana.

Iyẹnrẹ Esiri ri Jọn 3:34

Kidie ohwo rẹ Ọghẹnẹ jiri ta ota rẹ Ọghẹnẹ, kidie Ọghẹnẹ vwanvwẹ Erhi na vwọ kẹ;

Ọbe ri Pọl si rhe Ihwo ri Rom 1:5

oma rọye avwanre wan vwo ẹserọphẹ vwọ dia ọyinkọn rere mi vwo se ihwo re vwẹ ọghọ kẹ ri vwo esegbuyota kpahe odẹ na vwẹ ohri rẹ ẹgborho na ejobi,

Ọbe ri Pọl si rhe Ihwo ri Rom 11:20

Ọyena uyota. Fiki ri jesegbuyota rayen a vwọ nyavwe ayen kufia, ẹkẹvuọvo fiki rẹ esegbuyota kọye a rha vwọ reyọ owẹ tamuọ. Wọ ghwa yan eya-an, djẹ oshọ rẹ Ọghẹnẹ.

Ọbe ri Pọl si rhe Ihwo ri Rom 11:25

Wọ da rha ghwanre kẹ omobọ wẹn ọvo, imoni mẹ, me guọnọre nẹ ovwan riẹn igbunu nana, udu ogangan bru abọvo rẹ ihwo rẹ Izrẹl rhe, bẹsiẹ rẹ unu rẹ ihwo ri Keferi vwọ gba,

Ọbe ri Pọl si rhe Ihwo ri Rom 12:16

Ovwan riẹn yenri kugbe; we phuoma-a, ẹkẹvuọvo kuoma gbe otu ri kpotọ; wọ ghwanra vwẹ evun wẹn ọvo-o.

1 Kọrẹnt 15:10

Ẹkẹvuọvo vwẹ ẹserọphẹ rẹ Ọghẹnẹ me vwọ hẹ obo re me epha na, ẹserọphẹ rọ vwọ kẹ vwẹ na rha dia ọ ri ghevweghe-e. Kidie me wian gan nọ ayen ejobi, dede na ọ dia omẹvwẹ-ẹ, ẹkẹvuọvo ẹserọphẹ rẹ Ọghẹnẹ rọ hẹ evun mẹ.

1 Kọrẹnt 3:10

Kerẹ uwevwi rẹ Ọghẹnẹ ji vwẹ, kerẹ ohwo rọ bọn uwevwi me tọn uchivwo phihọ nure, ohwo ọfa kọye re bọn phihọ enu rọye. E jẹn ohwo ọvuọvo nite obo rọ bọn phihọ enu rọye wan.

1 Kọrẹnt 7:17

Emu ọvo rọ herọ na, e jẹn ohwo ọvuọvo yere akpọ rọye kirobo rẹ Ọrovwohwo ghare kẹ, rẹ Ọghẹnẹ sere phihọ. Ọnana hẹ urhi mẹ vwẹ ishọshi na ejobi.

2 Kọrẹnt 10:13

Ẹkẹvuọvo avwanrẹ gbe yan eyan vrẹn ọtiọye-e, ẹkẹvuọvo avwanre ke yan ba asan rẹ Ọghẹnẹ ghare kẹ avwanre, rere avwanre vwo se te ovwan.

2 Kọrẹnt 12:13

Kidie o vwo miovwi kẹ ovwan nọ ishọshi efa, jokpa nẹ ekpuyovwi mẹ dia oghwa kẹ ovwa-an? Vwẹ oruchọ nana ghovwo uvwe.

2 Kọrẹnt 12:7

Rere mi vwo jẹ oma ẹkparọ kpenu nọ fiki rẹ ẹvwọphia buebu, a da vwẹ unwe duvwu uvwe, ikọn rẹ Idẹbono, rere o kpokpo uvwe, rere mi vwo jẹ oma ẹkparọ kpenu.

Galesha 6:3

Kidie ohwo de roro oma rọye rhuarho, yo te emuọvo-o, yọ phiẹn omobọ rọye.

Ẹfesọs 3:2

Mi rori nẹ ovwan nyo usi rẹ ẹserọphẹ rẹ Ọghẹnẹ ra vwọ kẹ vwẹ ni mi vwo gbe odibo kẹ ovwan,

Ẹfesọs 3:4

Ọke rẹ ovwan de se ọnana re, ovwan ke riẹn obo rẹ iroro mẹ kodo te vwẹ igbunu ri Kristi.

Ẹfesọs 4:16

Oma rọye ọye oma na ejobi da tan kugbe a da rhuọ kugbe vwẹ uriẹn kuriẹn ejobi ra vwọ kẹ, ọke rẹ abọ ọvuọvo de ru iruo yoyovwi re, oma na kọ riẹn rhua ọ me rhe bọn oma rọye phihọ ẹguọnọ.

Filipae 2:13

kidie Ọghẹnẹ ri ruẹ iruo vwẹ evun rẹ ovwan, ọye re rhọvwa nẹ we ru iruo fiki rẹ erhuvwu rọye.

Kolose 1:29

Fiki rẹ ọnana kọye me vwọ wian rhe, me vwọ pharha kẹ iruo na, kirobo rẹ oruru rẹ iruo na gan te vwẹ evun mẹ.

Kolose 2:13

Ovwan, ri rhe ghwu fiki rẹ imwemwu kugbe ijẹyanvwọ rẹ ugboma rẹ ovwan jovwo na, Ọghẹnẹ kọ je vwẹ ovwan boma vrẹn fikiridie ọ vwo ghovwo ovwan nure.

1 Timoti 1:14

ẹserọphẹ rẹ Ọrovwavwanre de rhi reghe nvwe phihọ vẹ esegbuyota vẹ eguono re hẹ evun ri Kristi Jesu.

1 Timoti 2:15

Vẹ oma rẹ emo evwiẹ a wan sivwi aye, ọ da diane o vwo esegbuyota kugbe ẹguọnọ kugbe ẹfuọn, kugbe dẹndẹn.

1 Timoti 2:9

ọtiọye rhe eya na je sẹ osẹvwe rẹ oma evwokpotọ vẹ iroro o dia ọ rẹ amwa-a, ọ dia ọ rẹ ẹton re meri-i eyẹ oro eyẹ evwarha eghaghare ra gba phihọ-ọ

Taitọs 2:12

Ọ ro yono avwanre ne siobọ nẹ egagọ rẹ ofian kugbe ẹguọnọ rẹ akpọ ofefe na, rere avwanre yere akpọ rẹ avwanre dẹndẹn yoyovwi vwẹ evun rẹ akpọ na.

Taitọs 2:2

Gbe jẹ ekpako na ru dẹndẹn re ayen se gbe emu, rẹ udu rẹ ayen djiro, re esegbuyota rayen gan, re ayen vwo ẹguọnọ ro jerhẹriẹ, kugbe odiri.

Taitọs 2:4

rere ayen yono eya rẹ itete na ri vwo ẹguọnọ kpahe eshare rayen, kugbe emọ rayen.

Taitọs 2:6

Wo ji bru imighene na uche rere ayen vwẹ udu te otọ.

Jems 4:6

Ẹkẹvuọvo o siobọ nẹ ẹserọphẹ rọye na buebu, kọye ọbe ọfuanfon na vwo tanẹ, Ọgbẹnẹ hirhe opharo ku ohwo ro mu oma kpenu, ọ me rha vwẹ ẹroesiri ni otu re vwẹ oma kpotọ.

1 Pita 1:13

Vwe ọtiọye na gba vwẹ umuamwa mu udu wẹn, vwẹ ẹro te otọ, gbe phiẹrohọ ẹserọphẹ ro bru ovwan cha na vwẹ ẹdẹ rẹ ẹvwọphia ri Jesu Kristi na.

1 Pita 4:11

Kohwo kohwo rọ ta ota, ọ me ta kerẹ ọboepha rẹ Ọghẹnẹ; kohwo kohwo rọ gọ ẹga, ọ me ga vwẹ ogangan rẹ Ọghẹnẹ vwọ kẹ; rere vwi kemu kemu ejobi a sa vwẹ urinrin kẹ Ọghẹnẹ vwẹ oma ri Jesu Kristi. Ọye a vwẹ urinrin kẹ kugbe isuesun bẹdẹ bẹdẹ. Isẹ.

1 Pita 4:7

Oba rẹ emu na ejobi si kẹre re; fiki rẹ ọtiọye na gbe ru dọe re ẹro hiẹ wẹ vwẹ ọke wọ da nẹ ẹrhovwo.

1 Pita 5:5

Ọtiọye rhe ovwan imighene na wa vwẹ oma kpotọ kẹ ekpako na. Vwẹ omaevwokpotọ ru amwa vwo rhuo ohwohwo, ovwan ejobi, kidie Ọghẹnẹ muẹkpahe otu ri herẹ, ẹkẹvuọvo erhuvwu kẹ ohwo ro ruẹ dẹndẹn.

1 Pita 5:8

Jẹn ẹro hiẹ wẹ, rhẹrẹ. Ukọn wẹn idẹbono na ọ rọ rhẹrẹ kerẹ okpohrokpo rọ guan, ro guọnọ obo rọ rọ.

3 Jọn 1:9

Mi si emu ọvo rhe ishọshi na; ẹkẹvuọvo Diotrifis ro muẹ oma kpenu na, rha rhọvwe phihọ ogangan rẹ avwanre-e.