Ọbe ri Pọl si rhe Ihwo ri Rom 10:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Wo de ghine rhọvwe vwẹ unu wẹn nẹ Jesu hẹ Ọrovwohwo wo de rhe segbuyota vwẹ udu wẹn nẹ Ọghẹnẹ kpaerọ nẹ ughwu rhe, ku wọ rhọ.

Ọbe ri Pọl si rhe Ihwo ri Rom 10:9 ပူးပေါင်းရင်းမြစ်များ

Iyẹnrẹ Esiri ri Luk 12:8

Me ta kẹ ovwan, kohwo rọ rhọvwe ovwẹ vwẹ obaro rẹ ihwo, ọye Ọmọ rẹ ohwo je rhọvwe vwẹ obaro rẹ emakashe rẹ Ọghẹnẹ.

Iyẹnrẹ Esiri ri Jọn 9:22

Ọsẹ vẹ oni rọye ta ọnana fikiridie ayen djẹ oshọ rẹ ihwo ri Ju, kidie ihwo ri Ju ejobi rhọvwe kugbe nẹ ohwo ọvo da rhọvwe nẹ ọye ghine Kristi na, ayen ke djẹ nẹ evun ri sinagọg na.

Iruo rẹ Iyinkọn na 16:31

Ayen da ta, Se Ọrovwohwo Jesu gbuyota, ku wọ rhọ, owẹ kugbe evwruwevwi wẹn.

Iruo rẹ Iyinkọn na 2:24

Ẹkẹvuọvo Ọghẹnẹ kpaerọ vrẹn, a rhanrọ nẹ obi rẹ ughwu, fikiridie ughwu sa daji-i.

Iruo rẹ Iyinkọn na 2:32

Jesu nana ọye Ọghẹnẹ kpare vrẹn, avwanre ejobi nana iseri kẹ.

Iruo rẹ Iyinkọn na 8:36

Rẹ ayen vwo nene idjerhe yanran ayen de rhi te asan ame ọvo, ọghwara na da ta, Nighe, ame hẹ etinẹ! Kidie rha djẹ vwẹ ame ẹreyọ? [

Ọbe ri Pọl si rhe Ihwo ri Rom 10:10

Kidie udu ohwo vwo segbuyota kọye ọ vwọ rease, ọ me rha vwẹ unu rhọvwe kọye ọ vwọ rhọ.

Ọbe ri Pọl si rhe Ihwo ri Rom 14:11

kidie e siro, Kirobo re me herọ na eriyin Ọrovwohwo tare, mẹvwẹ ohwo kohwo ejobi che diguẹ kẹ, unu kunu ejobi ko che jiri Ọghẹnẹ.

Ọbe ri Pọl si rhe Ihwo ri Rom 14:9

Kidie fiki rẹ ọna ọye Kristi vwo ghwu rọ ke rhoma varhe, rere ọ vwọ dia Ọrovwohwo rẹ ihwo ekpokpọ kugbe i ri ghwuru.

Ọbe ri Pọl si rhe Ihwo ri Rom 4:24

ẹkẹvuọvo je vwi fiki rẹ avwanre rhe. E ji kere kẹ avwanre ri se ọ rọ kpare Jesu Ọrovwavwanre nẹ ughwu gbuyota,

Ọbe ri Pọl si rhe Ihwo ri Rom 8:34

Kono e bruhwe? Ki Kristi Jesu, ro ghwuru, e, ra kpare nẹ ughwu rhe, rọ hẹ obọrhe rẹ Ọghẹnẹ, rọ ghene rẹ kẹ avwanre na?

1 Kọrẹnt 12:3

Fiki rẹ ọtiọye na mi jẹ ovwan riẹn nẹ o vwo ohwo rọ vwẹ Ẹrhi rẹ Ọghẹnẹ ta ota rọ tanẹ, Jesu eghwobi-i! O vwo ohwo rọ je sa tanẹ, Jesu hẹ Ọrovwohwo jokpa nẹ Erhi Ọfuanfon ri suro.

Filipae 2:11

nẹ unu kunu ejobi ke cha rhọvwe nẹ Jesu Kristi hẹ Ọrovwohwo, fiki rẹ urinrin rẹ Ọghẹnẹ Ọsẹ na.

1 Pita 1:21

Oma rọye ovwan wan vwẹ ẹro so Ọghẹnẹ, rọ kpaherọ nẹ ughwu rhe rọ da vwẹ urinrin kẹ, ọtiọye na te esegbuyota rẹ ovwan kugbe iphiẹrohọ rẹ ovwan e hẹ evun rẹ Ọghẹnẹ.

1 Jọn 4:15

Kohwo kohwo rọ rhọvwere nẹ Jesu hẹ Ọmọ rẹ Ọghẹnẹ, Ọghẹnẹ ke dia evun rọye, kọ je dia evun rẹ Ọghẹnẹ.

2 Jon 1:7

Kidie otu re phiẹn ihwo buebu ro evun rẹ akpọ na re, otu re sian nẹ Jesu Kristi rhere vwẹ ugboma-a; ohwo ọtiọye na hẹ ọphiẹn ohwo kugbe Kristi rẹ ofian na.