Ọbe ri Pọl si rhe Ihwo ri Rom 10:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Mosis siro nẹ ohwo ro ru ọvwata rẹ urhi na guọnọre kọ rhọ fiki rọye.

Ọbe ri Pọl si rhe Ihwo ri Rom 10:5 ပူးပေါင်းရင်းမြစ်များ

Nehemaya 9:29

Wọ da ta kẹ ayen nẹ ayen rhoma yọnrọn urhi na. Dede na ayen mu oma kpenu ayen mu ọghọ kẹ irhi wẹ-ẹn, ẹkẹvuọvo ayen de ru umwemwu kpahe iji wẹn, re ohwo da yọnrọn ọ me rhọ, ayen de si igabọ te ohọre vẹ udu kpohro e gbe rha davwerhọ-ọn,

Aizaya 55:3

Rhie erhọn wẹn, ri wo bru vwe rhe; nyo, re erhi wẹn vwọ rhọ; ke Me vẹ owẹ re ọphọ re rara, omamọ rẹ uvi rẹ ẹguọnọ ro jẹrhẹriẹ ri mi vwo kẹ Devid.

Izikiẹl 20:11

Me da vwẹ iji mẹ kẹ, me da vwẹ irhi mẹ nẹ ayen, nẹ ohwo rọ sẹro rẹ ayen kọ rhọ.

Izikiẹl 20:13

Ẹkẹvuọvo uwevwi rẹ Izrẹl de mu kpahe ovwẹ vwẹ evun rẹ aghwa, ayen gbe yan phihọ evun rẹ iji mẹ-ẹ ẹkẹvuọvo ayen da sen irhi mẹ, rẹ ohwo rọ sẹro rayen ko rhọ, ẹdidjala mẹ ayen de gbe ẹgua tughu tughu. Etiyin mi de roro nẹ mi ku ophu mẹ ku ayen vwẹ evun rẹ aghwa na, rere mi ghwe furhie ayen re kakare.

Izikiẹl 20:21

Ẹkẹvuọvo emọ na de mu kpahe ovwẹ, ayen gbe yan phihọ iji mẹ-ẹ, ayen gbe vwẹ ẹro kpotọ sẹro rẹ irhi mẹ-ẹ, rẹ ohwo rọ sẹro rọye kọ rhọ, ayen gbe ẹdidjala mẹ na ẹgua. Me da jẹ iroro nẹ mi ku ophu mẹ ku ayen vwẹ evun rẹ aghwa.

Livitikọs 18:5

Vwẹ ọtiọye na ovwan gba yọnre irhi mẹ vẹ iji mẹ, e re vwẹ arhọ kẹ ohwo rọ yọnrọn ayen ejobi. Mẹvwẹ Ọrovwohwo na.

Ọbe ri Pọl si rhe Ihwo ri Rom 7:10

urhi na dẹn rọ vwẹ arhọ kẹ vwẹ na da rha rhe so ughwu kẹ vwẹ.

Galesha 3:12

Kidie ẹkẹvuọvo urhi na rha vwẹ oma rẹrẹ esegbuyota-a kidie ohwo ro ru ayen kọ rhọ fiki rẹ ayen.

Urhi Rivẹ 4:1

Asakiephana, E Izrẹl, wa kerhọ rẹ irhi vẹ iji, ri mi yono ovwan, rere we ru ayen; re wa mrasan rhọ, rere wa ra dia otọ rẹ Ọrovwohwo Ọghẹnẹ rẹ esẹ rẹ ovwan vwọ kẹ ovwan na.

Filipae 3:9

ra mrẹ vwẹ vwẹ evun rọye, ọ dianẹ ki mi rhe vwo ọvwata rẹ obọ mẹ, ro nẹ oma rẹ urhi rhe-e, ẹkẹvuọvo ọ rọ wan esegbuyota vwẹ evun ri Kristi rhe, ọvwata ro nẹ obọ rẹ Ọghẹnẹ rhe fiki rẹ esegbuyota;