Ọbe ri Pọl si rhe Ihwo ri Rom 1:32 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³² Dede na yẹ ayen riẹn ekan rẹ Ọghẹnẹ harhẹ ihwo ri ru oghẹre rẹ imu tiọna na nẹ i fo ughwu na, yẹ ayen ghwe ruẹ ayen, ihwo efa ri ji ghwe ruẹ na ayen ghwe kuvwie nene ayen.

Ọbe ri Pọl si rhe Ihwo ri Rom 1:32 ပူးပေါင်းရင်းမြစ်များ

Une rẹ Ejiro 50:18

Wọ da mrẹ oji, wọ me vwe ugbeyan muo; wọ veẹ igberadja ke usun

Isẹ 28:4

Ihwo ri gbẹ urhi eye ri jirẹ oruimwemwu, ẹkẹvuọvo ihwo re yọnrọn urhi eye nene otu rẹ iruimwemwu họnra.

Hosia 7:3

Vwẹ oma rẹ umwemwu rayen kọye oma vwo muẹ ovie vwerha, isun na vwẹ oma rẹ ozighi rayen.

Iyẹnrẹ Esiri ri Luk 11:48

Ọtiọye na ovwan kẹ iseri wa je rhọvwe phihọ uruemu rẹ esẹ rẹ ovwan; kidie ayen hwe ayen, ovwan da tọn ushi rayen.

Iruo rẹ Iyinkọn na 22:20

Ọke re vwo sun ọbara ri Stivin te otọ, mi mudia etiyin me rhọvwe phihọ, mẹvwẹ re yọnrọn iwun rẹ ayen otu ri hwere ghwu.

Iruo rẹ Iyinkọn na 8:1

Sọl je rhọvwe phihọ ughwu rọye na. Vwẹ ẹdẹ yena ukpokpogho rode da rhe dia kẹ ishọshi na vwi Jerusalẹm; ayen ejobi da hra ro otọ ri Judia kugbe Sameria, jokpa rẹ iyinkọn na ọvo yi nuro.

Ọbe ri Pọl si rhe Ihwo ri Rom 1:18

Kidie a vwẹ ophu rẹ Ọghẹnẹ phia nẹ odjuvwu rhe kpahe ihwo ri ruẹ orukuruku, re reyọ umwemwu vwọ tua uyota rẹ Ọghẹnẹ muotọ.

Ọbe ri Pọl si rhe Ihwo ri Rom 1:21

dede nẹ ayen riẹn nẹ Ọghẹnẹ o ruẹ yẹ ayen rhe mu ọghọ kẹ kerẹ Ọghẹnẹ-ẹ eyẹ vwọ vwẹ ẹkpẹvwẹ kẹ-ẹ, ẹkẹvuọvo ayen da rhe dia ihwo aphro ghevweghe vwẹ iroro rayen, udu rẹ ẹkpa rayen na de rhi mu ebri.

Ọbe ri Pọl si rhe Ihwo ri Rom 6:21

Ki didi erere ri te ovwan vwẹ uruemu rẹ omaẹvuọ yena? Ughwu ọye hẹ oba rẹ oghẹre rẹ emu ọtiọye na.

Ọbe ri Pọl si rhe Ihwo ri Rom 6:23

Kidie osa rẹ umwemwu hẹ ughwu, ẹkẹvuọvo ẹserọphẹ rẹ Ọghẹnẹ na ọye hẹ arhọ ri bẹdẹ vwẹ evun ri Jesu Kristi Ọrovwavwanre.

2 Tẹsalonaika 2:12

Ọtiọye na ayen ejobi ri se uyota na gbuyota-a re ghọghọ vwẹ umwemwu eruo ke bruhwe ayen.