Ọbe ri Pọl si rhe Ihwo ri Rom 1:30 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁰ ophọphọvwe, omaetuo rẹ Ọghẹnẹ, aroeyivwo, uhrerhe, eyan, onyonyo, ijọghọ emuo kẹ ọsẹ vẹ oni,

Ọbe ri Pọl si rhe Ihwo ri Rom 1:30 ပူးပေါင်းရင်းမြစ်များ

1 Ivie 20:11

Ovie rẹ Izrẹl da kpahe, Ta kẹ, E jẹn ohwo ro ku ekuakua rẹ ofovwi phihọ rha yoma kerẹ ohwo ro kuro nu-u.

2 Ikun rẹ Ivie 19:2

Ẹkẹvuọvo Jehu ọmọ ri Hanani rẹ ọmrẹ na da yanran ra vwa, ọ da ta kẹ Ovie Jehoshafat, ku wọ cha ohwo-umwemwu uko rẹ ivun rẹ ihwo rẹ Ọrovwohwo tuoma da vwerhe owẹ? Fiki rẹ Ọnana, ophu wẹn ko mu Ọrovwohwo na.

2 Ikun rẹ Ivie 25:19

Wọ tare, Nighe, me ghwiẹ Idọm hwe, oma ko mu we ku wọ yeyan. Ẹkẹvuọvo asakiephana hwe oma mu vwẹ uwevwi wẹn; die wọ vwẹ obọ se okpetu kẹ oma wẹn, vẹ Juda rhe bẹsiẹ ru wo vwo she?

Une rẹ Ejiro 10:3

Kidie oruimwemwu yeyan rẹ ẹguọnọ rẹ ohwo ro vwo urhuru rẹ erere harha ekan ọ je ghwa sia Ọrovwohwo.

Une rẹ Ejiro 106:39

Ọtiọna ayen rhe vwọ dia gbegbe vwẹ oma re uruemu rayen, ayen de gbe igberadja fiki rẹ obo rayen ruẹ.

Une rẹ Ejiro 49:6

ihwo re vwẹ ẹro so efe rayen ayen me vwẹ obuebu rẹ efe rayen vwo yan eyan?

Une rẹ Ejiro 5:5

Oyeyan se mudia vwẹ obaro wẹ-ẹn, oma rẹ oruimwemwu ejobi tu we.

Une rẹ Ejiro 52:1

Die wọ vwọ yan eyan, E ọgba re ohwo na re umwemwu ru wo ru kpahe ohwo esiri? Vwe ẹdẹ na ejobi wọ ra je iroro rẹ ẹguọghọ.

Une rẹ Ejiro 81:15

Otu ri tuoma rẹ Ọrovwohwo ke cha shọrọ bro rhe, urhiẹnvwe rayen kọ tọn rhiri bẹdẹ.

Une rẹ Ejiro 94:4

Ayen re kuojoro rẹ eta rẹ ọjẹfia rayen, ayen yan eyan, ihwo ri ruẹ imwemwu ejobi.

Une rẹ Ejiro 97:7

Ihwo re gọ ema ejobi oma cha vo ayen, re vwe erharhe re ema vwọ yan eyan; ẹdjọ na ejobi shiguẹ vwẹ obaro rọye

Une rẹ Ejiro 99:8

E Ọrovwohwo Ọghẹnẹ rẹ avwanre, wọwẹ ri nyo ayen; wọwẹ Ọghẹnẹ rẹ evwoghovwo kẹ ayen, ẹkẹvuọvo ọreihri rẹ oruchọ rayen.

Isẹ 24:8

Ohwo rọ jẹ iroro rẹ umwemwu eruo; ọye e se ohwo ogbarogba.

Isẹ 25:23

Odju ro djuẹ nẹ obọrhe cha ghwa osio cha; eriyin ẹrẹnvwe rọ ruero nẹrhẹ e nẹ ohwo brabra.

Isẹ 30:17

Ẹro rọ vwẹ ọsọmọ jehwẹ rẹ ọjẹfia jo mu ọghọ kẹ oni rọye-e, okpemu rọ dia evun rẹ iyara cha sọhrọ, ekala ke cha riọ.

Isẹ 8:36

Ẹkẹvuọvo ohwo re me vabọ yọ wa omobọ rọye oma; ihwo ri tuoma mẹ ejobi ye ughwu eguọnọ.

Aghwoghwo 7:29

Nighe, ọnana ọvo me mrẹre, nẹ Ọghẹnẹ ma ohwo ọsoso, ẹkẹvuọvo ayen rhe guọnọ egbẹlẹkẹ buebu mrẹ.

Izikiẹl 14:5

Mi ru ọnana rere me vwọ yọnrọn udu rẹ uwevwi rẹ Izrẹl na, ri ghwru nẹ oma mẹ fiki rẹ ema rayen.

Izikiẹl 22:7

Ọsẹ vẹ oni a vwẹ ayen jehwe vwẹ evun wẹ, ọrhorha rọ hẹ uherevie wẹn, wa karhiẹn emu rọye mie, te ọmọphrorivwi te ayeuku e ru ayen chọ vwẹ evun wẹn.

Ukeri 10:35

Kọke kọke rẹ ekpeti na de mu oyan, Mosis me tanẹ, Vrẹn, Ẹ Ọrovwohwo, rere wọ jẹn ivwighrẹ wẹn hrabọ; gbe jẹn ihwo ri tuoma wẹn va djẹ nẹ obaro wẹn.

Matiu 15:4

Kidie Ọghẹnẹ tare nẹ, Vwẹ ọghọ kẹ ọsẹ wẹn vẹ oni wẹn. Ohwo ro ta ota omiomiovwi kpahe ọsẹ eyẹ oni rọye e jo ghwu.

Matiu 16:21

Nẹ ọke yena yanran Jesu de muhọ edje kẹ idibo rọye, obo ro che kpo Jerusalẹm rọ da re oja rẹ emu buebu vwẹ obọ rẹ ekpako kugbe irherẹn kugbe isiẹbe, ke che hwe, ẹdẹ rerha ko vrẹn.

Iyẹnrẹ Esiri ri Luk 21:16

Esẹ vẹ ini kugbe iniọvo kugbe imoni kugbe igbeyan ọvo che mu ovwan rhe, ayen che hwe otu ẹvo rẹ ovwan ghwu;

Iyẹnrẹ Esiri ri Jọn 7:7

Akpọ na se tuoma rẹ ovwa-an, ẹkẹvuọvo o tuoma mẹ fikiridie mi se oseri kpahọ nẹ iruo rọye ọ rẹ uvumwemwu.

Iruo rẹ Iyinkọn na 5:36

Kidie rhi te ọke rọ wanre na, Tiudas de mu, ro se oma rọye ohwo ọvo, ihwo buebu, ri te ujori ẹne, de kuoma gbe; ẹkẹvuọvo a da teyọ hwe ihwo ri nenire ejobi da hrabọ ukoko na de rhi hirhe phihọ odiodi.

Ọbe ri Pọl si rhe Ihwo ri Rom 2:17

Ẹkẹvuọvo wo de se oma wẹn ohwo ri Ju wọ da vwẹ oma da urhi na wọ da vwẹ obo ru wọ vẹ Ọghẹnẹ epha yan eyan,

Ọbe ri Pọl si rhe Ihwo ri Rom 2:23

Wẹ rọ vwẹ urhi yan eyan na, ku wọ rha vwẹ orukuruku wẹn miovwo urhi rẹ Ọghẹnẹ?

Ọbe ri Pọl si rhe Ihwo ri Rom 3:27

Eriyin na kẹ otọ rẹ eyan rẹ avwanre na rhọ? E si ọyena no. Ki didi idjerhe? Vwẹ idjerhe rẹ iruo? Ẹjo, ẹkẹvuọvo vwẹ idjerhe rẹ esegbuyota.

2 Kọrẹnt 10:15

Avwanre rha yan eyan vrẹn ọtiọye, vwẹ owian rẹ ihwo efa-a; ẹkẹvuọvo iphiẹrohọ rẹ avwanre ke ọna nẹ kirobo rẹ esegbuyota rẹ ovwan vwo buẹ na, ako rẹ owian rẹ avwanre vwẹ ohri rẹ ovwan kọ rhọ phihọ,

2 Kọrẹnt 12:20

Oshọ mu uvwe nẹ ọkeọvo me da rhe me cha mrẹ ovwan kirobo re me guọnọre-e, yẹ ovwan je cha mrẹ vwẹ kirobo rẹ ovwan guọnọre-e; ọkeọvo yẹ ẹghwọ herọ, omaẹriọ, ophu, urhuru, ophọphọvwe, iguegu, omaephuo, kugbe ọyangha.

Urhi Rivẹ 27:16

Ekan kẹ ohwo ro mu ọghọ kẹ ọsẹ eyẹ oni rọye-e. Ihwo na ejobi Me kpahe tanẹ, Isẹ.

Urhi Rivẹ 7:10

ọ Me ghwọrọ ayen; o che se dogho obọ kẹ ohwo ri mu kpahọ-ọ, ọ cha hwa osa kẹ gbonozẹ.

2 Tẹsalonaika 2:4

ro muẹ oma kpenu ro muẹ kpahe koghẹre koghẹre rẹ ẹdjọ eyẹ obo ra gọ ejobi, ukuko rọye ọ da rhe vẹn phihọ agbara vwẹ evun rẹ uwevwi rẹ Ọghẹnẹ, ro ghwoghwo nẹ ekpuyovwi rọye hẹ Ọghẹnẹ.

2 Timoti 3:2

Kidie ihwo cha guọnọ omaobọ rẹ ayen nọ, e cha guọnọ igho nọ, i che phuoma nọ, i che ni oma rhuarho nọ, e cha harhe ekan nọ, i gbi che mu ọghọ kẹ esẹ vẹ ini-i, e gbe cha riẹn ẹse-e, e gbe cha guọnọ ẹfuọ-ọn,

Taitọs 3:3

Kidie avwanre je ka dia gheghẹ dẹvure, avwanre ji ke mu oma kpenu devure, a je phiẹn avwanre jovwo re, avwanre ji ke nenẹ avwerhe rẹ akpọ na jovwo, avwanre je ka reoma jovwo, avwanre ji ke vwo ọnko devure, avwanre ji ke tuoma rẹ ohwohwo jovwo.

Jems 3:5

Eriyin ẹrẹnvwe je hanvwe te vwẹ oma na, ẹkẹvuọvo o yeyan buebu. Gbe nighe, umu umwerhanre rọ nẹrhẹ ekrun irhe rode torhẹ na!

Jems 4:16

Ẹkẹvuọvo, kirobo re me mrẹ, ovwan ke ghọghọ vwẹ evun rẹ oma ephuo rẹ ovwan, aghọghọ yena yoma-a.

2 Pita 2:18

Kidie, ọke rẹ ayen da vwẹ ugbeghẹ yan eyan, yẹ ayen vwẹ ọfanrhiẹ vẹ urhuru si vwe riẹriẹ ihwo re je sa vabọ rẹ oruchọ rẹ aye-en.

Ọbe ri Jud 1:16

Enana hẹ ihwo ri guẹ huhuhu, rẹ evun rẹ umwemwu jẹvọn, ri nene urhuru sivwe rẹ ugboma, ri rhie enu phihọ yan eyan, ri brugun hẹ ihwo oma fiki rẹ erere.