Ọbe ri Pọl si rhe Ihwo ri Rom 1:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Iyẹnrẹ esiri kpahe Ọmọ rọye, re vwiẹri vwẹ orua ri Devid vwẹ ọ rẹ ugboma

Ọbe ri Pọl si rhe Ihwo ri Rom 1:3 ပူးပေါင်းရင်းမြစ်များ

Jẹnẹsis 3:15

Ki mi phi eghrẹ phihọ uvwre wẹn vẹ ọ rẹ aye na, Te uvwre rẹ emọ wẹn vẹ erẹ aye na, kọ ghwiẹ wẹ uyovwi, ku wọ rhovwọ uchukowọ.

Une rẹ Ejiro 2:7

Mi gbe ikun rẹ urhi rẹ Ọrovwohwo, Ọ ta kẹ vwẹ nẹ, we ọmọ mẹ, nonẹ na mi vwiẹ wẹ.

Jerimaya 33:26

kẹsiẹye me ke siẹn uvwie ri Jekọp vẹ Devid odibo mẹ mia rha sanọ ọvo vwẹ emọ rọye na nẹ ọ re uvie vwẹ enu rẹ uvwiẹ rẹ Ebraham, Aizik, vẹ Jekọp ofa-a. Kidie me cha vwẹ oyovwe rayen rhivwi rhe ki mi ji che ni arodọvwẹ rayen.

Emọs 9:11

Vwẹ ẹdẹ yena ke Me cha kpare utughẹ ri Devid ro sheri vrẹn ke fi iphrophro rọye di, ka rhuẹrẹ uwevwi ro sheri na bọn, ka rhoma bọn kerẹ ọke rẹ awanre;

Matiu 1:1

Ọbe rẹ orua rẹ Jesu Kristi, ọmọ rẹ Devid; ọmọ rẹ Ebraham.

Matiu 1:16

Jekọp kọye ọsẹ ri Josẹf rẹ ọshare ri Meri, ro vwiẹ Jesu, re se Kristi.

Matiu 1:6

Jesse kọye ọsẹ rẹ Devid rẹ ovie. Devid kọye rha ọsẹ rẹ Solomọn rẹ aye rẹ Uraiya vwiẹ kẹ.

Matiu 12:23

O de gbe ihwo na ejobi unu, ayen da ta nẹ, Ọnana dia ọmọ ri Devid na?

Matiu 15:22

Nighe, aye ri Kenan ọvo de nẹ akakọ rẹ etiyin rhe, o de kperi ta nẹ, Ni aruẹdọn mẹ Ọrovwohwo, we ọmọ ri Devid, erhi rẹ idẹbono herọ laghẹ ọmọtẹ mẹ gangan.

Matiu 26:63

Ẹkẹvuọvo Jesu de fotovwi. Ọrherẹn rode na da ta kẹ nẹ, Vwẹ ode rẹ Ọghẹnẹ ri bẹdẹ na, ta kẹ vwẹ, wẹ ghine Kristi na, Ọmọ rẹ Ọghẹnẹ na.

Matiu 27:43

Ọ vwẹ ẹro so Ọghẹnẹ; e gbe jo sivwo ra mrẹ, obo rọ guọnerọ te na; kidie ọ tare nẹ, Mẹvwẹ ọmọ rẹ Ọghẹnẹ.

Matiu 3:17

Nighe, urhuru ọvo de nẹ odjuvwu rhe ta nẹ, Ọnana hẹ ọmọ mẹ ro je vwe, rẹ evun rọye vwerhe ovwẹ.

Matiu 9:27

Ri Jesu vwo nẹ etiyin yanran, irhuẹro ivẹ de nene, ayen de kperi ta nẹ, Ni arodọvwẹ rẹ avwanre, Wẹ ọmọ ri Devid.

Iyẹnrẹ Esiri ri Luk 1:35

Amakashe na da ta kẹ, Erhi Ọfuanfon na che bru we rhe, ogangan rẹ Ọro Mekpenu na ko che rhurhu uwe; ọtiọye ọmọ ru wo che vwiẹ na ke se ọfuanfon, ọmọ rẹ Ọghẹnẹ.

Iyẹnrẹ Esiri ri Luk 1:69

ọ kpare ighoro rẹ esivwo kẹ avwanre vwẹ uwevwi ri Devid odibo rọye,

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Iyẹnrẹ Esiri ri Jọn 1:34

Me mrẹrẹ me dia oseri rọye nẹ ọnana hẹ Ọmọ rẹ Ọghẹnẹ na.

Iyẹnrẹ Esiri ri Jọn 1:49

Nataniẹl da kpahe kẹ, Rabbi, Wẹ hẹ Ọmọ rẹ Ọghẹnẹ na! Wẹ hẹ Ovie ri Ju na!

Iyẹnrẹ Esiri ri Jọn 10:30

Mẹvwẹ vẹ Ọsẹ mẹ ọvuọvo.

Iyẹnrẹ Esiri ri Jọn 10:36

Ku wọ ta kpahe ohwo rẹ Ọghẹnẹ ru fon nu ro de jo rhe akpọ na nẹ, Wo bru avwavwe, fikiridie me tare nẹ, Mẹvwẹ Ọmọ rẹ Ọghẹnẹ?

Iyẹnrẹ Esiri ri Jọn 20:28

Tọmọs da kpahe kẹ, Ọrovwovwe kugbe Ọghẹnẹ mẹ!

Iyẹnrẹ Esiri ri Jọn 20:31

ẹkẹvuọvo e si enana rere ovwan vwo se segbuyota nẹ Jesu hẹ Kristi na, Ọmọ rẹ Ọghẹnẹ na, rere we de segbuyota ovwan vwo se vwo arhọ vwẹ odẹ rọye.

Iyẹnrẹ Esiri ri Jọn 5:25

Uyota, uyota, me ta kẹ owẹ, ọke cha, o te nu vwẹ asakiephana rẹ irivwi de che nyo urhuru rẹ Ọmọ rẹ Ọghẹnẹ, otu ri nyori ke rhọ.

Iyẹnrẹ Esiri ri Jọn 7:42

Ọ dianẹ ọbe ọfuanfon na tare nẹ uvwiẹ ri Devid Krisri na che nurhe, o che nẹ Bẹtlẹhẹm rhe, ọko ri Devid diare jovwo?

Iruo rẹ Iyinkọn na 2:30

Ọmraro o ruẹ, ọ riẹnre nẹ. Ọghẹnẹ ji vẹ kẹ nẹ vwẹ uvwiẹ rọye na a da cha reyọ ohwo ọvo vwo tidia ekete rọye na.

Iruo rẹ Iyinkọn na 3:13

Ọghẹnẹ rẹ Ebraham kugbe ọrẹ Aizik kugbe ọrẹ Jekọp, Ọghẹnẹ rẹ esẹ rẹ avwanre na, vwẹ urinrin kẹ odibo rọye Jesu, ọ rẹ ovwan senre re mu kpo obaro ri Pailet, vwẹ ọke rọ vwọ ta nẹ ọye siobọ no.

Iruo rẹ Iyinkọn na 8:36

Rẹ ayen vwo nene idjerhe yanran ayen de rhi te asan ame ọvo, ọghwara na da ta, Nighe, ame hẹ etinẹ! Kidie rha djẹ vwẹ ame ẹreyọ? [

Iruo rẹ Iyinkọn na 9:20

Siẹvuọvo na ọ da ro evun ri Sinegog o de ghwoghwo Jesu, tanẹ, Ọmọ rẹ Ọghẹnẹ o ruẹ.

Ọbe ri Pọl si rhe Ihwo ri Rom 1:9

Kidie Ọghẹnẹ hẹ iseri mẹ, ohwo re me vwẹ erhi mẹ ejobi ga vwẹ evun rẹ iyẹnrẹ esiri rẹ Ọmọ rọye, obo ri mi se odẹ rẹ ovwan te kẹdẹ kẹdẹ vwẹ evun rẹ ẹrhovwo mẹ.

Ọbe ri Pọl si rhe Ihwo ri Rom 4:1

Kidie avwanre ta kpahe Ebraham, ọsẹ rẹ avwanre rode vwẹ ọ rẹ ugboma?

Ọbe ri Pọl si rhe Ihwo ri Rom 9:3

Kidie me tobo guọnọ nẹ a harhe ovwẹ ekan re a hẹriẹ ovwẹ nẹ oma ri Kristi fiki rẹ imoni mẹ, ihwo mẹ Izrẹl.

Ọbe ri Pọl si rhe Ihwo ri Rom 9:5

ayen a vwẹ esẹ ride na kẹ, uvwiẹ rayen, vwẹ ọ rẹ ugboma, kọye Kristi nurhe. Ọghẹnẹ rọ hẹ enu rẹ ayen ejobi ọye ebruba kẹ bẹdẹ. Isẹ.

1 Kọrẹnt 1:9

Ọghẹnẹ ohwo rẹ uyota, oma rọye a wan se ovwan rhe okugbe rẹ Ọmọ roye, Jesu Kristi Ọrovwavwanre.

1 Kọrẹnt 10:18

Gbe roro irueru rẹ ihwo rẹ Izrẹl; ayen otu re ria emu rẹ iye na vẹ ẹshẹ na rha dia oma ọvo?

Galesha 4:4

Ẹkẹvuọvo, rẹ ọke na rhe vwọ gbare, Ọghẹnẹ de ji ọmọ rọye na rhe, rẹ aye vwiẹri, re vwiẹri vwẹ otọ rẹ urhi na,

1 Tẹsalonaika 1:10

rere a hẹrhẹ Ọmọ rọye ro che nẹ odjuvwu rhe, rọ kpare nẹ ughwu rhe, Jesu ro sivwi avwanre nẹ ophu rọ cha.

1 Timoti 2:5

Kidie Ọghẹnẹ ọvnọvo re herọ, ovwrohọnre ọvuọvo re hẹ uvwre rẹ Ọghẹnẹ vẹ ihwo rẹ akpọ, ohwo na hẹ Kristi Jesu,

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

2 Timoti 2:8

Karohọ Jesu Kristi, ro vrẹn nẹ ughwu, ro nẹ uvwiẹ ri Devid rhe, kirobo re ghwoghwori vwẹ iyẹnrẹ esiri mẹ,

1 Jọn 1:3

rẹ avwanre mrẹre rẹ avwanre nyori kọye avwanre ghwoghwo kẹ ovwan na, rere avwanre vẹ ovwan vẹ ovwan vwo okugbe ọvo; okugbe rẹ avwanre ọ hẹ obọ rẹ Ọsẹ na kugbe Ọmọ rọye Jesu Kristi.

1 Jọn 3:23

Ọnana kọye hẹ urhi rọye, nẹ avwanre se odẹ rẹ Ọmọ rọye Jesu Kristi gbuyota ra guọnọ ohwohwo, kirobo ro ji urhi kẹ avwanre.

1 Jọn 3:8

Ohwo ro ru umwemwu hẹ ọmọ rẹ idẹbono; kidie idẹhono hẹ oruimwemwu notọrhe. Fiki rẹ Ọnana ọye Ọmọ rẹ Ọghẹnẹ vwọ rhe rere ọ vwọ mrasan guọghọ iruo rẹ idẹhono.

1 Jọn 4:15

Kohwo kohwo rọ rhọvwere nẹ Jesu hẹ Ọmọ rẹ Ọghẹnẹ, Ọghẹnẹ ke dia evun rọye, kọ je dia evun rẹ Ọghẹnẹ.

1 Jọn 5:1

Kohwo kohwo ro sere gbuyota nẹ Jesu ghine hẹ Kristi yẹ ọmọ rẹ Ọghẹnẹ o ruẹ, kohwo kohwo rọ guọnọ ọsẹ kugbe oni kọ je guọnọ ọmọ rẹ ayen vwiẹri.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

1 Jọn 5:5

Kono hẹ ohwo ro phi akpọ na kparobọ na, ọ rha dia ohwo ro se Jesu Ọmọ rẹ Ọghẹnẹ na, gbuyota?

2 Jon 1:7

Kidie otu re phiẹn ihwo buebu ro evun rẹ akpọ na re, otu re sian nẹ Jesu Kristi rhere vwẹ ugboma-a; ohwo ọtiọye na hẹ ọphiẹn ohwo kugbe Kristi rẹ ofian na.

Ẹvwọphia 2:18

Kẹ enẹ o si rhe amakashe rẹ ishọshi ri Taetira; Eta rẹ Ọmọ rẹ Ọghẹnẹ, ro vwo ẹro rọ họhọ ẹkuerhanre, rẹ awọ rọye họhọ ẹrovwo ra fare.