Ọbe ri Pọl si rhe Ihwo ri Rom 1:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ dede nẹ ayen riẹn nẹ Ọghẹnẹ o ruẹ yẹ ayen rhe mu ọghọ kẹ kerẹ Ọghẹnẹ-ẹ eyẹ vwọ vwẹ ẹkpẹvwẹ kẹ-ẹ, ẹkẹvuọvo ayen da rhe dia ihwo aphro ghevweghe vwẹ iroro rayen, udu rẹ ẹkpa rayen na de rhi mu ebri.

Ọbe ri Pọl si rhe Ihwo ri Rom 1:21 ပူးပေါင်းရင်းမြစ်များ

Ivie rẹ Ivẹ 17:15

Ayen da jẹ irhi rọye fia, kugbe ọphọ rọ vẹ esẹ rayen rere, kugbe okpa rọ kpa kẹ ayen. Ayen da yan nene ema rẹ efian, ayen de nene ẹgborho re yariẹ ayen phihọ, rẹ Ọrovwohwo kpa ọkpa kẹ ayen nẹ ayen nene-e na.

Jerimaya 2:5

Eriyin Ọrovwohwo tare, Didi oruchọ esẹ wẹn mrẹ vwẹ oma mẹ rẹ ayen vwọ yan jẹ uvwe vwo shesheri re nene imu fefe, rẹ ayen vwo hirhe oma phihọ ofefe?

Une rẹ Ejiro 50:23

Ohwo rọ vwe ẹkpẹvwẹ re izobo rhe yo mu ọghọ kẹ vwẹ, ohwo rọ kpọ idjerhe rọye vi kọye me cha vwẹ esivwo rẹ Ọghẹnẹ vwọ nẹ.

2 Timoti 3:2

Kidie ihwo cha guọnọ omaobọ rẹ ayen nọ, e cha guọnọ igho nọ, i che phuoma nọ, i che ni oma rhuarho nọ, e cha harhe ekan nọ, i gbi che mu ọghọ kẹ esẹ vẹ ini-i, e gbe cha riẹn ẹse-e, e gbe cha guọnọ ẹfuọ-ọn,

Ẹvwọphia 14:7

ọ da van gangan ta, Djẹ oshọ rẹ Ọghẹnẹ re a vwẹ urinrin kẹ kidie ọke rẹ ẹdjọeguo rọye tere; gọ ohwo rọ ma odjuvwu vẹ akpọ, abadi na kugbe igbugbu rẹ ame na.

Iyẹnrẹ Esiri ri Jọn 3:19

Ọnana hẹ obruhwe na, nẹ urhukpe na rhe akpọ na nure, ihwo da guọnọ ebri jẹ urhukpe na vwo, fikiridie uruemu rayen ọbrabra.

Ẹvwọphia 15:4

Kono oshọ je muo rọ da vwẹ urinrin kẹ odẹ wẹn, E Ọrovwohwo? Kidie wẹ ọvo re fonro. Ẹgborho na ejobi cha rhe re gọ wẹ, kidie a rhe vwẹ ẹdjọeguo wẹn phiare.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

Une rẹ Ejiro 81:12

Ọtiọye mi de siobọ nẹ ayen kẹ udu ọgangan rayen, re ayen nene iroro rẹ udu rayen.

Jerimaya 16:19

E Ọrovwohwo, ogagan mẹ vẹ odjahọ mẹ, adjẹrhọ mẹ vwẹ ẹdẹ rẹ ukpokpogho, wọwẹ ẹgborho na ejobi che bre cha nẹ oba re akpo rhe tanẹ: Esẹ rẹ avwanre reuku rẹ emu ọvuọvo-o jokpa rẹ efian ọvo, erharhe rẹ emu ri fi erere-e?

Ọbe ri Pọl si rhe Ihwo ri Rom 11:10

Jẹn ẹro rayen mu ebri rere ayen jẹ orẹ ẹmrẹ; rere ayen rioja rẹ ukpokpoma rayen bẹdẹ.

Ọbe ri Pọl si rhe Ihwo ri Rom 1:28

Kirobo rẹ ayen rha rhọvwe reyọ phihọ Ọghẹnẹ na-a, Ọghẹnẹ de siobọ nẹ ayen kẹ udu ọbrabra rẹ ayen re ayen vwo ru obo ri je ayen.

Ọbe ri Pọl si rhe Ihwo ri Rom 1:19

Kidie obo ra sa riẹn vwẹ oma rẹ Ọghẹnẹ ọ pha phẹphẹ kẹ ayen, fikiridie Ọghẹnẹ djere kẹ ayen nure.

Ọbe ri Pọl si rhe Ihwo ri Rom 15:9

Rere otu ri Keferi vwọ mrasan vwẹ urinrin kẹ Ọghẹnẹ fiki rẹ aruẹdọn rọye. Kirobo re siro, Fiki rẹ eriyin na ki mi jiri uwe vwẹ ohri ri Keferi ke me so une kẹ odẹ wẹn;

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Hosia 2:8

Ọ gbe rha riẹn nẹ omẹvwẹ re vwẹ ọka na, vẹ udi na vẹ ọfigbo na kẹ-ẹ, nẹ mẹvwẹ re je rhaphiẹ idọnọ vẹ oro rọ rhaphiẹ kẹ Baal.

Aizaya 60:2

Kidie nighere, ebri che rhurhu akpọ na, egho prirhẹ che rhurhu ihwo na; ẹkẹvuọvo Ọrovwohwo che vrẹn vwọ kpahe owẹ, ka cha mrẹ urinrm rọye vwẹ oma wẹ.

Une rẹ Ejiro 86:9

Ẹgborho ejobi ru wọ mare na cha rhe rhi diguẹ vwẹ obaro wẹ, E Ọrovwohwo, ayen ki che jiri odẹ wẹn.

1 Pita 1:18

Ovwan riẹnre nẹ a tan ovwan nẹ idjerhe ofefe rẹ ovwan reuku rọye mie esẹ rẹ ovwan na, ọ dia obo re ghwọrọ kerẹ idọnọ efuanfon eyẹ oro-o,

Aghwoghwo 7:29

Nighe, ọnana ọvo me mrẹre, nẹ Ọghẹnẹ ma ohwo ọsoso, ẹkẹvuọvo ayen rhe guọnọ egbẹlẹkẹ buebu mrẹ.

Urhi Rivẹ 28:29

kẹ ovwan dia akparhurhu vwẹ ọghẹruvo, kerẹ esẹ rẹ orhuẹro a yan bribri, ovwan gbi vwo oyouvwe vwẹ idjerhe rẹ ovwa-an; ke shenyẹ ovwan ke ji cho ovwan kọke kọke, ohwo rọ chọ ovwan uko gbe dia-a.

Jẹnẹsis 8:21

Ọke rẹ Ọrovwohwo vwo nyo ọnrhe ghwoghwo rẹ izobo na, Ọrovwohwo da ta vwẹ udu rọye, Me gbe harhe otọ na ọfa vwi fiki rẹ ohwo-o, kidie iroro rẹ evun rọye nẹ ọke-emọ rhe pha brabra, eyẹ Me gbe ghwọrọ emu kemu ro vwo arhọ re Me mare ọfa-a.

Jẹnẹsis 6:5

Ọrovwohwo da mrẹ nẹ evun umwemwu rẹ ohwo rhoro gangan vwẹ evun rẹ akpọ na, ọ da je mrẹ nẹ iroro rẹ udu rọye pha brabra vwẹ ọke ejobi.

1 Ivie 20:23

Idibo rẹ ovie ri Siria da ta kẹ, Ẹdjọ rayen ẹdjọ rẹ ugbenu, ọtiọye na kọye ayen vwọ gan nẹ avwanre; ẹkẹvuọvo gbe jẹ avwanre ra họnre ayen vwẹ otọ diodi, uyota na kẹ avwanre gan nọ ayen.

Jerimaya 9:14

ẹkẹvuọvo yẹ ayen ji nene udu ọgangan rayen, ayen da yan nene Baal, kirobo esẹ rayen yono ayen.

Jerimaya 17:9

Udu rẹ ohwo vọnre vẹ ophiẹvwe gangan o miovwiri gangan; ono se vughe?

Izikiẹl 20:25

Ọ rọ marho mi de ji iji ri je yovwo vwọ kẹ ayen kugbe irhi re ayen de jẹ arhọ evwo;

Izikiẹl 14:5

Mi ru ọnana rere me vwọ yọnrọn udu rẹ uwevwi rẹ Izrẹl na, ri ghwru nẹ oma mẹ fiki rẹ ema rayen.