Ọbe ri Pọl si rhe Ihwo ri Rom 1:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Kidie iyẹnrẹ esiri na re vwẹ ọvwata rẹ Ọghẹnẹ phia vwẹ oma rẹ esegbuyota fiki rẹ esegbuyota; kirobo re siro, Ohwo rọ wan oma rẹ esegbuyota dia ọvwata kọ rhọ.

Ọbe ri Pọl si rhe Ihwo ri Rom 1:17 ပူးပေါင်းရင်းမြစ်များ

Izikiẹl 18:9

rọ da yan vwẹ evun rẹ iji mẹ, ọ da vwẹ oma kpotọ serọ rẹ irhi mẹ–yẹ ọvwuta oruẹ, kọ sa rhọ, eriyin Ọrovwohwo Ọghẹnẹ tare.

Habakọk 2:4

Nighe, ohwo rẹ udu rọyẹ dia ọsoso-o chẹ she, ẹkẹvuọvo ọvwata kọ rhọ fiki rẹ esegbuyo-ta rọye.

Ukeri 21:9

Kọye Mosis de duvwu ọrọdekọ rẹ ẹrovwo, o de muo vi vwẹ enu rẹ ubiurhe; ọda dianẹ ọrọdekọ rhovwo ohwo ọvo, ro de ni ọrọdekọ ra vwẹ ẹrovwo duvwu na kọ rhọ.

Iyẹnrẹ Esiri ri Jọn 3:36

Ọ ro se Ọmọ na gbuyota vwo arhọ ri bẹdẹ na; ọ ro rhe mu ọghọ kẹ Ọmọ na-a sa mrẹ arhọ-ọ, ẹkẹvuọvo ophu rẹ Ọghẹnẹ dia uyovwi rọye.

Ọbe ri Pọl si rhe Ihwo ri Rom 10:3

Kidie, rẹ ayen vwọ dia ogbori rẹ ọvwata ro nẹ obọ rẹ Ọghẹnẹ rhe na, rẹ ayen vwọ guọnọ ọ robọ rẹ ayen ruẹ na, ayen rha vwẹ oma kpotọ kẹ ọvwata rẹ Ọghẹnẹ-ẹ.

Ọbe ri Pọl si rhe Ihwo ri Rom 3:21

Ẹkẹvuọvo asakiephana a vwẹ ọvwata rẹ Ọghẹnẹ phia vwẹ obuko rẹ urhi, dede na te urhi na te emraro na se oseri kẹ,

Ọbe ri Pọl si rhe Ihwo ri Rom 3:22

ọvwata rẹ Ọghẹnẹ vwẹ oma rẹ esegbuyota vwi Jesu Kristi ọ herọ kẹ ihwo ejobi ri segbuyota. Ọ vwo ofẹnẹ-ẹ.

Ọbe ri Pọl si rhe Ihwo ri Rom 3:3

Kidie rha phia ọ da dianẹ evo vwẹ usun rẹ ayen rhe vwo esegbuyota-a? Ki jesegbuyota evwo rayen se miovwo esegbuyota rẹ Ọghẹnẹ?

Ọbe ri Pọl si rhe Ihwo ri Rom 9:30

Kidie avwanre rha ta? Nẹ ihwo ri Keferi re gbẹn idjerhe rẹ ọvwata jovwo-o rhoma rhe dia evwata, kọye hẹ, ọvwata vwẹ oma rẹ esegbuyota;

2 Kọrẹnt 3:9

Kidie ọ da dianẹ udidi hẹ ogharọ rẹ ughwu, ogharọ rẹ ọvwata kọ ma rho vwẹ udidi.

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

Galesha 3:11

Asakiephana o muẹro nẹ o vwo ohwo ọvuọvo rọ sa rease vwẹ obaro rẹ Ọghẹnẹ vwi fiki rẹ urhi na-a; kidie ohwo rọ wan oma rẹ esegbuyota na dia ọvwata kọ rhọ;

Filipae 3:9

ra mrẹ vwẹ vwẹ evun rọye, ọ dianẹ ki mi rhe vwo ọvwata rẹ obọ mẹ, ro nẹ oma rẹ urhi rhe-e, ẹkẹvuọvo ọ rọ wan esegbuyota vwẹ evun ri Kristi rhe, ọvwata ro nẹ obọ rẹ Ọghẹnẹ rhe fiki rẹ esegbuyota;

Hibru 10:38

ẹkẹvuọvo esegbuyota ko sivwi ọvwata mẹ rhọ o de sioma reyọ, erhi mẹ vwo omavwerhovwẹ kpahọ-ọ.