Ọbe ri Pọl si rhe Ihwo ri Rom 1:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Pọl, odibo ri Jesu Kristi, re seri nẹ ọ rhe dia ọyinkọn, re vwo mu nẹ o ghwoghwo iyẹnrẹ esiri rẹ Ọghẹnẹ

Ọbe ri Pọl si rhe Ihwo ri Rom 1:1 ပူးပေါင်းရင်းမြစ်များ

1 Ikun rẹ Ivie 23:13

Emọ rẹ Amram: Erọn vi Mosis. E phi Erọn phihọ akakọ ro vwo ru emu re ma fon, rere te ọye vẹ emọ rọye vwọ torhẹ incẹns vwẹ obaro rẹ Ọrovwohwo bẹdẹ; re ayen gbe odibo nẹ ẹrhovwo kẹ ihwo vwẹ odẹ rọye bẹdẹ.

Aizaya 49:1

Kerhọn mẹ, E erhuru na, wa kerhọn, ovwan ihwo ri nẹ ogboko rhe na. Ọrovwohwo ri se vwe nẹ evun rhe, nẹ obo evun rẹ oni Mẹ o de mu odẹ kẹ vwẹ.

Jerimaya 1:5

Tavwe me ke mama owẹ vwẹ obo evun, me riẹn wẹ, tavwe re ki vwiẹ wẹ yi mi ru we fon nure; me da vwo owẹ mu ọmraro kẹ irere na.

Iyẹnrẹ Esiri ri Mak 1:14

Asakiephana re vwo mu Jọn nu, Jesu da rhe Galili, ro ghwoghwo iyẹnrẹ esiri rẹ Ọghẹnẹ,

Iyẹnrẹ Esiri ri Jọn 12:26

Ohwo da ga vwẹ, ko nene uvwe; asan re me epha, kẹ etiyin idibo mẹ je dia rhe; ohwo da ga vwẹ, Ọsẹ na kọ vwẹ ọghọ kẹ.

Iyẹnrẹ Esiri ri Jọn 15:15

Mi gbi se ovwan idibo ọfa-a, kidie odibo riẹn obo rẹ onini rọye ruẹ-ẹ ẹkẹvuọvo mi se ovwan igbeyan, kidie obo ri mi nyo mie Ọsẹ mẹ ejobi me vwẹ ayen phia kẹ ovwan.

Iyẹnrẹ Esiri ri Jọn 15:20

Karohọ ota re me ta kẹ ovwan na, Odibo rhonọ onini rọye-e. Ọ da djanẹ ayen kpokpo uvwe, ayen ji kpokpo ovwan rhe, ayen de sẹro rẹ ota mẹ, ayen ke je sẹro rẹ ọ rẹ ovwan rhe.

Iruo rẹ Iyinkọn na 13:9

Ẹkẹvuọvo Sọl, re se Pọl, rọ vwọ vọn vẹ Erhi Ọfuanfon ọ da nabọ tẹrovio,

Iruo rẹ Iyinkọn na 20:24

Ẹkẹvuọvo mi se arhọ mẹ gbe emuọvo-o eyẹ kọ ghare kẹ oma mẹ-ẹ, ọ da dianẹ me sa yan oyan mẹ na kugbe odibo egbo re me reyọ miẹ Ọrovwohwo Jesu, re mi vwo se oseri kẹ iyẹnrẹ esiri rẹ ẹserọphẹ rẹ Ọghẹnẹ.

Iruo rẹ Iyinkọn na 21:40

Rọ vwọ rhọvwe kẹ nu, Pọl, vwo mudia vwẹ ugana na, o de kpogho obọ kẹ ihwo na; rẹ asan ejobi vwọ fọ riẹi nu, ọ da jẹ Hibru vwo ta ota, tanẹ,

Iruo rẹ Iyinkọn na 22:21

Ọ da ta kẹ vwẹ, Bi nẹ etiyin; kidie mi che ji uwe yanran shesheri bru otu ri Keferi.

Iruo rẹ Iyinkọn na 22:7

Mi de she teye otọ mi de nyo urhuru rọ ta kẹ vwẹ nẹ, Sọl, Sọl, Die wo vwo kpokpo uvwe?

Iruo rẹ Iyinkọn na 26:1

Agripa da ta kẹ Pọl Me rhọvwe kẹ wẹ gbe gu ẹkẹn unu wẹn. Etiyin Pọl da riẹn obọ phia o de gu ẹkẹn unu rọye.

Iruo rẹ Iyinkọn na 26:14

Rẹ avwanre ejobi vwo she teye otọ, mi de nyo urhuru rọ ta kẹ vwẹ vwẹ ephẹrẹ ri Hibru, Sọl, Sọl, die wo vwo kpokpo uvwe? Ọ miavwe owẹ ru wọ da vwẹ owo dje umwegba.

Iruo rẹ Iyinkọn na 27:23

Kidie vwẹ ason nana dẹn na amakashe rẹ Ọghẹnẹ re me ga na ro ji vwovwe na de rhi mudia kẹrẹ ovwẹ,

Iruo rẹ Iyinkọn na 9:15

Ẹkẹvuọvo Ọrovwohwo da ta kẹ, Yanran, kidie o hirhe ohwo re me jẹreyọ nure rere ọ ghwa odẹ mẹ bru otu ri Keferi kugbe ivie kugbe emọ rẹ Izrẹl.

Ọbe ri Pọl si rhe Ihwo ri Rom 1:16

Kidie oma rẹ iyẹnrẹ esiri na sa vo ovwẹ-ẹ: kidie ọye hẹ ogangan rẹ Ọghẹnẹ ro ruẹ iruo rẹ esivwo kẹ ohwo kohwo ro segbuyota ejobi, ẹsosuọ vwọ kẹ ihwo ri Ju tavwe ro ki te ihwo ri Grik.

Ọbe ri Pọl si rhe Ihwo ri Rom 1:5

oma rọye avwanre wan vwo ẹserọphẹ vwọ dia ọyinkọn rere mi vwo se ihwo re vwẹ ọghọ kẹ ri vwo esegbuyota kpahe odẹ na vwẹ ohri rẹ ẹgborho na ejobi,

Ọbe ri Pọl si rhe Ihwo ri Rom 1:9

Kidie Ọghẹnẹ hẹ iseri mẹ, ohwo re me vwẹ erhi mẹ ejobi ga vwẹ evun rẹ iyẹnrẹ esiri rẹ Ọmọ rọye, obo ri mi se odẹ rẹ ovwan te kẹdẹ kẹdẹ vwẹ evun rẹ ẹrhovwo mẹ.

Ọbe ri Pọl si rhe Ihwo ri Rom 11:13

Asakiephana ovwan Keferi me ta kẹ na. Re me vwọ hẹ ọyinkọn ri Keferi na, ke me vwẹ ikọn ẹyan mẹ na herẹ,

Ọbe ri Pọl si rhe Ihwo ri Rom 15:16

nẹ a vwo vwẹ ru ọyinkọn ri Kristi Jesu vwọ kẹ otu ri Keferi vwẹ ẹga rẹ orherẹn rẹ iyẹnrẹ rẹ Ọghẹnẹ na, rere a vwọ mrasan reyọ izobo rẹ otu ri Keferi na, rẹ Erhi Ọfuanfon na ru fon na.

Ọbe ri Pọl si rhe Ihwo ri Rom 15:29

Me riẹnre nẹ ọke re me da rhe omamọ rẹ ebruphihọ rọ vọnre rọ ghare ro nẹ obọ ri Kristi rhe, ọye me cha ghwa rhe ovwan.

Ọbe ri Pọl si rhe Ihwo ri Rom 16:18

Kidie oghẹre rẹ ihwo ọtiọye na dia Ọrovwohwo Kristi ayen ga-a, ẹkẹvuọvo urhuru sivwe rẹ oma rayen, ihwo re vwẹ eta avwerhe kugbe unuẹrarọ vwọ phiẹn igbori kugbe ihwo ughẹnghẹn.

Ọbe ri Pọl si rhe Ihwo ri Rom 16:25

Asakiephana vwọ kẹ ohwo ro se ru ovwan gan kirobo re iyenrẹ esiri mẹ epha kugbe eghwoghwo ri Jesu Kristi, kirobo rẹ ẹvwọphia rẹ igbunu rọye teri re sinu rhabae rhe

1 Kọrẹnt 1:1

Pọl, re seri vwẹ ọhọre rẹ Ọghẹnẹ nẹ ọ rhe dia ọyinkọn ri Kristi Jesu, kugbe oniọvo rẹ avwanre Sọstẹnis.

1 Kọrẹnt 9:1

Me dia ọmuvwiẹ? Me dia ọyinkọ? Mi rhie ẹro mrẹ Ọrovwohwo Jesu? Ovwan dia iruo rẹ abọ mẹ vwẹ oma rẹ Ọrovwohwo?

2 Kọrẹnt 1:1

Pọl, ọyinkọn ri Kristi Jesu vwẹ ọhọre rẹ Ọghẹnẹ, kugbe Timoti oniọvo rẹ avwanre. Vwo rhe ishọshi rẹ Ọghẹnẹ rọ hẹ Kọrẹnt, vẹ ihwo efuanfon na ejobi re hẹ otọ rẹ Akaya ejobi:

2 Kọrẹnt 11:5

Mi rori nẹ me hanvwe nọ otu nana ri mu odẹ rẹ ọyinkọn bara oma na-a.

2 Kọrẹnt 11:7

Ki mi ru umwemwu re me vwọ vwẹ oma mẹ kpotọ rere a vwọ kpare ovwan kpenu, fikiridie mi ghwoghwo iyẹnre esiri rẹ Ọghẹnẹ na kẹ ovwan ọphọphẹ?

2 Kọrẹnt 12:11

Ekpa me epha jovwo! Ovwan ri bi vwe phihọ, kidie ovwan ejiri uvwe vẹrhe. Kidie me dia orharhe kakaka kẹ otu nana ri se oma iyinkọn na-a, dede na yi mi fi emuọvo-o.

2 Kọrẹnt 2:12

Ọke ri mi vwo te Troas rhi ghwoghwo iyẹnrẹ esiri ri Kristi, ẹchẹ de rhie phihọ kẹ vwẹ vwẹ evun rẹ Ọrovwohwo;

2 Kọrẹnt 4:5

Kidie ọ dia oma rẹ avwanre avwanre ghwoghwo na-a, ẹkẹvuọvo Kristi avwanre ghwoghwo kerẹ Ọrovwohwo, avwanre ke rha vwẹ idibo rẹ ovwan fiki ri Jesu.

Galesha 1:1

Pọl rẹ ọyinkọn (ọ dianẹ o rẹ ihwo-o, eyẹ obọ rẹ ihwo o nurhe-e, ẹkẹvuọvo vwẹ oma ri Jesu Kristi kugbe Ọghẹnẹ rẹ Ọsẹ na, rọ kpare Jesu Kristi nẹ ughwu).

Ẹfesọs 1:1

Ọbe ri Pọl, ọyinkọn ri Kristi Jesu vwẹ ọhọre rẹ Ọghẹnẹ, Ro si rhe ihwo efuanfon ri vwo esegbuyota kpahe Kristi Jesu:

Ẹfesọs 1:13

Vwẹ evun rọye ovwan, ri nyo ota rẹ uyota na, iyẹnrẹ esiri rẹ esivwo rẹ ovwan na, ri de se gbuyota, ka ka oka rẹ ive rẹ Erhi Ọfuanfon na phihọ ayen.

Ẹfesọs 4:11

Okẹ rọye ke rha vwẹ ọna nẹ otu evo dia iyinkọn, evo emraro, evo aghwoghwo, evun osun vẹ iyono.

Urhi Rivẹ 10:8

Ọke yena Ọrovwohwo vwọ hẹriẹ uvwiẹ ri Livae, ne ghwa ekpeti rẹ ọphọ rẹ Ọrovwohwo na, ri vwo mudia vwẹ obaro rẹ Ọrovwohwo vwo ru iruo kẹ, ji vwo jiri odẹ rọye, rhi te nonẹ na.

Filipae 1:1

Ọbe ri Pọl kugbe Timoti, idibo ri Kristi Jesu, si rhe ihwo efuanfon ejobi vwẹ evun ri Kristi Jesu re hẹ Filipae, vẹ ibishọpu kugbe idikini:

Filipae 2:11

nẹ unu kunu ejobi ke cha rhọvwe nẹ Jesu Kristi hẹ Ọrovwohwo, fiki rẹ urinrin rẹ Ọghẹnẹ Ọsẹ na.

Kolose 1:1

Pọl oyinkọn ri Jesu Kristi vwẹ ẹguọnọ rẹ Ọghẹnẹ, kugbe Timoti oniọvo rẹ avwanre,

Kolose 1:25

Fiki rẹ ọye na a vwọ vwẹ ovwẹ mu ọyinkọn ro gbe odibo vwẹ evun rẹ ishọshi rọye, rere oghwa rẹ Ọghẹnẹ kru kẹ vwẹ na me sa vwọ ghwa.

1 Tẹsalonaika 2:2

ẹkẹvuọvo kirobo rẹ ovwan riẹnre avwanre reoja rẹ ehwe kugbe ophọphọvwe vwi Filipae, Ọghẹnẹ je kẹ avwanre aroeyivwo rẹ avwanre vwo ghwoghwo iyẹnrẹ esiri rẹ Ọghẹnẹ na vwẹ evun rẹ ukpokpogho rode.

1 Tẹsalonaika 2:8

Ọtiọye na, fiki rẹ ivun avwerhe ri mi vwo kẹ ovwan, avwanre choma rẹ avwanre vwọ ghare ọ dia iyẹnrẹ esiri rẹ Ọghẹnẹ na ọvo-o, ẹkẹvuọvo ekroma rẹ avwanre dede, kidie ovwan rhe ghare kẹ avwanre gangan.

1 Tẹsalonaika 2:9

Imoni, ovwan karohọ owian rẹ avwanre kugbe oma elagha rẹ avwanre; obo rẹ avwanre wian te ason te uvo, rere avwanre vwo jẹ oghwa ẹdia kẹ ovwan, vwẹ ọke rẹ avwanre de ghwoghwo iyẹnrẹ esiri rẹ Ọghẹnẹ na kẹ ovwan.

1 Timoti 1:1

Ọnana ọhe ri Pọl, ọyinkọn ri Kristi Jesu vwẹ ọ rẹ urhi rẹ Ọghẹnẹ Osivwi rẹ avwanre kugbe Kristi Jesu iphiẹrohọ rẹ avwanre,

1 Timoti 2:7

Fiki rẹ ọnana a vwọ vwẹ ovwe ru aghwọghwọ kugbe ọyinkọn (uyota me ta na, ọ dia ofian me vwọrọ-ọn) kugbe oyono rẹ ihwo ri Keferi vwẹ esegbuyota kugbe uyota na.

2 Timoti 1:11

Fiki rẹ iyẹnrẹ esiri na kọye a vwọ vwẹ ovwẹ mu aghwoghwo kugbe ọyinkọn kugbe uyono,

Taitọs 1:1

Pọl, odibo rẹ Ọghẹnẹ kugbe ọyinkọn ri Jesu Kristi, ro ghwoghwo esegbuyota na kẹ ihwo rẹ Ọghẹnẹ sanọ reyọ, rere ayen vwọ riẹn uyota na vẹ uyoyovwi rọye,

Hibru 5:4

Ọnana rha de dia ọghọ rẹ ohwo di muẹ kẹ omobọ rọye-e, ẹkẹvuọvo Ọghẹnẹ sere, kirobo ro se Erọn.

Hibru 7:26

Kidie o fori rere avwanre vwo orherẹn rode ọtiọye, fuanfon, ọ reabe-e, o vwo upe-e, rọ hẹriẹ oma nẹ iruimwemwu, ra kpare kpenu pheneke.

Jems 1:1

Jems odibo rẹ Ọghẹnẹ kugbe Ọrovwavwanre Jesu Kristi, ri si ọbe nana rhe orua ihwivẹ na re hrabọ ro akpọ na ejobi, mi yere ovwan.

1 Pita 4:17

Kidie ọke na tere rẹ ẹdjọeguo na che vwo muhọ vwẹ evwruwevwi rẹ Ọghẹnẹ re; ọ da dia avwanre o vwo muhọ, komavọ oba rẹ ayen otu ri mu ọghọ kẹ iyẹnrẹ esiri rẹ Ọghẹnẹ na-a cha dia?

2 Pita 1:1

Ọbe ri Saimọn Pita, odibo kugbe ọyinkọn ri Jesu Kristi, ro si rhe ayen otu ri vwo esegbuyota nure re vẹ avwanre gba hẹ abavo vwẹ evun rẹ ọvwata rẹ Ọghẹnẹ rẹ avwanre kugbe Osivwi rẹ avwanre Jesu Kristi.

Ọbe ri Jud 1:1

Jud, odibo ri Jesu Kristi, kugbe oniọvo ri Jems ri si ọbe nana rhe ayen otu re seri, re ghare vwẹ obọ Ọghẹnẹ Ọsẹ na ra sẹro hẹrhẹ Jesu Kristi:

Ẹvwọphia 1:1

Ọbe rẹ ẹvwọphia ri Jesu Kristi, rẹ Ọghẹnẹ vwọ kẹ nẹ o vwọ phia kẹ odibo rọye vwọ kpahe obo re cha phia nanana; o de ji amakashe rọye bru Jọn odibo rọye ra rere o re dje imu na ejobi kẹ,

Ẹvwọphia 22:6

Ọ da ta kẹ vwẹ, Eta nana emamọ ota kugbe uyota. Ọrovwohwo na, Ọghẹnẹ rẹ irhi rẹ emraro na, ọye ri ji amakashe rọye rhi dje kẹ idibo rọye obo re cha phia nanana.

Ẹvwọphia 22:9

ẹkẹvuọvo ọ da ta kẹ vwẹ, Wo ruẹ ọyena-a! mẹvwẹ odibo kirobo wọ epha na kugbe imoni wẹn emraro na, kugbe ayen otu re yọnre eta rẹ ọbe nana. Gọ Ọghẹnẹ.