Nehemaya 9:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ wọwẹ re mrẹ udu rọye nẹ o vwo esegbuyota vwẹ obaro wẹ, wo vẹ ọye da re ọphọ nẹ wọ vwẹ otọ ri Kenan kẹ uvwiẹ rọye, ihwo ri Hẹt, ihwo re Amọr, ihwo ri Pẹrẹz, ihwo ri Jebu, kugbe ihwo ri Girgash; wo ghine ru ive wẹn gba, kidie ọvwata wo ruẹ.

Nehemaya 9:8 ပူးပေါင်းရင်းမြစ်များ

Jẹnẹsis 12:7

Etiyin Ọrovwohwo da vwẹ oma phia kẹ Ebram, ọ da ta, Uvwiẹ wẹn Me cha vwẹ otọ nana kẹ. O da so agbada kẹ Ọrovwohwo rọ vwẹ oma phia kẹ, vwẹ Etiyin na.

Jẹnẹsis 15:6

O de se Ọrovwohwo gbuyota, o de kere vwọ kẹ nẹ ọvwata o ruẹ.

Jẹnẹsis 22:12

Ọ da ta, Wọ ghwe obọ kpahe ọmọ na eyẹ wo ru emuọvo kẹ-ẹ, kidie Ọnana Me vwọ riẹn nu wọ djẹ oshọ rẹ Ọghẹnẹ, ru wọ vwẹ ọmọ wẹn na, ọmọ vuọvo wẹn na vwọ djahe obuko kẹ vwẹ-ẹ.

2 Samuẹl 22:31

Idjerhe rẹ Ọghẹnẹ nana gbare; iveve rẹ Ọrovwohwo vwẹ uyota phia, ọye odjahọ kẹ ihwo re djẹ bro rhe ri sioma nu.

1 Ikun rẹ Ivie 1:14

kugbe ihwo ri Jebu, ihwo ri Amọr, ihwo ri Girgash,

1 Ikun rẹ Ivie 16:16

Ọphọ rọ vẹ Ebraham rere iveve ro veri kẹ Aizik,

Ezra 9:15

E Ọrovwohwo Ọghẹnẹ rẹ Izrẹl, wẹwẹ ohwo rẹ ọsoso, kidie a yan jẹ umuku re vabọ na vwo kẹ avwanre kirobo rọ epha nonẹ na. Nighe, avwanre mudia vwẹ obaro wẹn vwẹ evun rẹ abe rẹ avwanre, kidie o vwo ohwo ro se mudia vwẹ obaro wẹn fiki rẹ ọnana-a.

Nehemaya 9:33

Dede na emu re ọsoso wo ruru kpahe obo re phia kẹ avwanre na, kidie emu re esegbuyota wo ruru yẹ emu umwemwu avwanre ruru,

Une rẹ Ejiro 116:5

Ehrọre ọ rẹ Ọrovwohwo, kugbe ọvwata; Ọghẹnẹ rẹ avwanre na nẹ arodọvwẹ.

Ẹyano 3:17

Mi de ve nẹ me rọye ovwan nẹ evun rẹ omaẹlaghọ rẹ Ijipt na rhe, vwo kpo otọ rẹ Kenan; o rẹ Hit, vẹ Amọr, o rẹ Feriz, vẹ Hiv kugbe Jebu, otọ rọ djẹ ọkẹre rẹ ame rẹ ivie vẹ ọnyọn.

Ẹyano 3:8

Ọtiọye na ke me rhere rhi si ayen nẹ obọ rẹ ihwo rẹ Ijipt, re mi si ayen nẹ otọ yena vwo kpo otọ rọ yoma rọ rhoro, otọ rọ djẹ ọkẹre rẹ ame rẹ ivie vẹ ọnyọn. Otọ rẹ ihwo rẹ Kenan, ihwo rẹ Hit, ihwo rẹ Amọr, ihwo rẹ Periz, ihwo rẹ Hiv kugbe ihwo rẹ Jebu.

Izikiẹl 33:24

Ọmọ rẹ ohwo, ihwo re dia etọ nana ra kua jovwo vwẹ Izrẹl na ra tanẹ, Ebraham ohwo ọvuọvo ruẹ, yẹ ọye a vwẹ otọ na ghare ughwẹ, ẹkẹvuọvo ye avwanre pha buebu, ya ghene vwẹ otọ na vwọ ghare avwanre ughwẹ.

Ukeri 13:29

Ihwo rẹ Amalẹk dia evun rẹ otọ ri Nẹgẹb na; ihwo ri Hẹt, Jebu kugbe Amor dia evun rẹ irere rẹ ugbenu na, ihwo ri Kenan dia kẹrẹ oma rẹ abadi kugbe oma rẹ urhie ri Jọdan.

Ukeri 23:19

Ọghẹnẹ dia ohwo, rọ vwọrọ ofia-an, eyẹ ọmọ rẹ ohwo, ro se kuẹrhẹriẹ-ẹ ọ ta nure, o gbi rhe ruo? Eyẹ rọ vwọ ta nu na, o gbi rhe se ruo gba?

Iruo rẹ Iyinkọn na 13:22

Ọke ro vwo siono nu, ọ da vwi Devid vwo mu ovie kẹ ayen; kọye o se oseri kpahe ta nẹ, Dẹvid rẹ ọmọ ri Jẹse na ọye hẹ ohwo rẹ ẹro teri ro ru obo rẹ udu mẹ guọnọre.

Urhi Rivẹ 26:3

Wo mi bru orherẹn rọ hẹ Etiyin vwẹ ọke yena, wọ Me ta kẹ nẹ, Me rhọvwe kẹ Ọrovwohwo rẹ Ọghẹnẹ wẹn nonẹ na nẹ mi rhi te otọ rẹ Ọrovwohwo veri kẹ esẹ rẹ avwanre nẹ ọye vwọ kẹ avwanre na re,

Urhi Rivẹ 32:4

Oragha na, iruo rọye gbare; kidie idjerhe rọye ejobi ọsoso. Ọghẹnẹ rẹ uyota ro vwo umwemwu-u, ọvwata vẹ ohwo ọsoso o ruẹ.

Urhi Rivẹ 7:1

Ọke rẹ Ọrovwohwo Ọghẹnẹ wẹn da vwẹ owẹ te otọ ru wọ ra re yeri na, rọ da djẹ ẹgborho buebu nẹ obaro wẹn, ihwo ri Hẹt, vẹ ihwo ri Gigash, vẹ ihwo rẹ Amọr, vẹ ihwo ri Kenan, vẹ ihwo ri Pẹriz, vẹ ihwo ri Hiv, kugbe ihwo ri Jebus, ẹgborho ighwrẹ re rhoro je gan nọ ovwan na;

Urhi Rivẹ 9:5

Ọ dia fiki rẹ ọvwata wẹn eyẹ ẹvun ẹfuọ wẹn wọ ra vwọ dia otọ na-a; ẹkẹvuọvo fiki rẹ umwemwu rẹ ẹgborho nana Ọrovwohwo Ọghẹnẹ wẹn vwọ djẹ ayen nẹ obaro wẹn, rere ọ mrasan ru ive ro veri kẹ esẹ rẹ ovwan na gba, kẹ Ebraham, kẹ Aizik, ki Jekọp.

Taitọs 1:2

vẹ iphiẹrohọ rẹ arhọ ri bẹdẹ na, rẹ Ọghẹnẹ rẹ uyota na ve phihọ rhahae rhe.

Hibru 11:17

Vwẹ esegbuyota, vwẹ ọke ra vwọ davwẹ Ebraham ni, ọ da vwẹ Aizik gọ iye, ohwo re ve ive na kẹ da choma rọ vwọ vwẹ ọmọ rọye ọvuọvo na gọ iye,

Hibru 6:18

rere vwi fiki rẹ emu nana ivẹ re sa rhẹriẹ-ẹ na, kidie ọ pha bẹnbẹn kẹ Ọghẹnẹ rọ vwọ vwọrọn ofian, kẹ arueyivwo yena avwanre vwọ djẹ sioma nu vwẹ iphiẹrohọ rọ vwọ kẹ avwanre na.

Joshua 11:23

Kẹ ọtiọye Joshua wan reyọ otọ na ejobi, kirobo rẹ Ọrovwohwo ta kẹ Mosis, Joshua da vwọ kẹ Izrẹl vwọ riuku kirobo ra ghare ẹkẹn kẹ orua ọvuọvo. Ufuoma da rhe dia otọ na.

Joshua 11:3

re te Kenan vwẹ obaro ọnre vẹ obuko ọnre, ihwo rẹ Amọr, ihwo ri Hẹt, ihwo ri Periz, kugbe ihwo ri Jebu vwẹ obo orho rẹ ugbenu, kugbe ihwo ri Hiv re hẹ otọ ri Hermọn vwẹ otọ ri Mizpah.

Joshua 23:14

Asakiephana mi muegbe mi che vwo kpo idjerhe rẹ ihwo rẹ akpọ ejobi ra re, yẹ ovwan riẹnre vwẹ evun rẹ udu vẹ erhi rẹ ovwan, ovwan ejobi, nẹ egbudugbu rẹ emu esiri na ejobi rẹ Ọrovwohwo Ọghẹnẹ rẹ ovwan veri kẹ ovwan, ejobi ru gba re, ọvuọvo ro je ruo herọ-ọ.

Joshua 9:1

Ọke rẹ ivie na ejobi ri obo ovrẹn ri Jọdan vwe obo orho rẹ igbenu na kugbe e re obo oghwrọrọ na vwẹ obo erhuru ro oma rẹ Abadi Rode na rọ hẹ obi Lebanọn na, ihwo ri Hẹt, ihwo rẹ Amọr, ihwo ri Kenan, ihwo ri Periz, ihwo ri Hiv, kugbe ihwo ri Jebu, vwo nyo ọnana,

1 Jọn 1:9

Ẹkẹvuọvo avwanre da fan imwemwu rẹ avwanre, ọye hẹ ohwo rẹ uyota vẹ ọsoso, rọ sa vwẹ umwemwu ghovwo ohwo ọ Me rha hworhẹ avwanre nẹ orukuruku rẹ avwanre ejobi.